Norito 15. Mi-tama-sidume no ipapido no Maturi gloss

1. " takama no para ni kamudumarimasu , sumyemutu kamurwoki – kamurwomi no mikoto wo motite , sumyemima no mikoto pa , toyoasipara no midupo no kuni wo yasukuni to sadamematurite , sita tu ipane ni miyabasira putwosikitate , takama no para ni ti-gi takasirite , ame no mi-kage – pi no mi-kage to tatapegoto wopematurite , tatematuru mi-so pa , kamisimo sonapematurite , udu no mitegura pa , akaru tape -- teru tape – nigitape – aratape , itu-iro no mono , mi-kipa , mika no pe takasiri , mika no para mite narabete , yamanwo no mono pa , amana – karana , awomi no para no mono pa , pata no piromono – pata no samono , oki tu mopa – pe tu mopa ni itaru made ni , kusagusa no mono wo yokoyama no gotoku oki takanasite tatematuru udu no mitegura wo , yasumitegura no tarimitegura to tapirake-ku kikosimyesite , sumyera ga mikadwo wo tokipa ni kakipa ni ipapimaturi , ikasi mi-yo ni sakipapematuritamapite , ko no sipasu yori padimete , kitara-mu sipasu ni itaru made ni , tapirake-ku opo-masidokoro ni opo-masasime-tamapye to , kotosi sipasu no sore no pi , ipapi sidumematuraku " to mawosu .