uti-papete ,
  omopisi wo-nwo pa
  topokara-nu ,
  so no satwobito no
  sime yupu to
  kikite-si pi ywori
  tateraku no
  taduki mo sirazu , ,
  woraku no
  okuka mo sirazu , ,
  nikibwini-si
  wa ga ipye sura wo
  kusamakura
  tabine no gotoku
  omopu swora
  yasukara-nu monowo ,
  nageku swora
  sugusienu monowo ,
  amakumo no ,
  yukurayukurani ,
  asikaki no ,
  omopimidarete ,
  midarewo no ,
  woke wo namito ,
  wa ga kwopuru
  ti-pye no pitopye mo
  pito sirezu ,
  motona ya kwopwimu
  iki no wo nisite .