• Home
• Texts
• Display conventions
• Tagging conventions
• Searching the OCOJ
• Publications
• Dissertations
• Old Japanese in Action
• People and Institutions
• Funding bodies
• The Research Centre for Japanese Language and Linguistics
• Contact
• 
• 
• 

 

 

The Oxford Corpus of Old Japanese

 

If you use this online version of the corpus for research, please cite it as:

Frellesvig, Bjarke; Horn, Stephen Wright; Russell, Kerri L; and Sells, Peter.
The Oxford Corpus of Old Japanese.
Please include the URL and use the retrieval date as the date of publication.

Please report errors to: vsarpj@orinst.ox.ac.uk

 

Engishiki Norito

Norito 1. Grain-petitioning Festival

" ugonapareru kamunusi – papurira , moromoro kikosimyese " to noru . " takama no para ni kamudumarimasu , sumyemutukamurwoki no mi-koto – kamurwomi no mi-koto motite , ama tu yasiro – kuni tu yasiro to tatapegoto wopematuru sumyegamwi-tati no mapye ni mawosaku , kotosi kisaragi ni mi-tosi padime-tamapa-mu to site , sumyemima no mi-koto no udu no mitegura wo , asapi no toyosakanobori ni , tatapegoto wopematuraku " to noru . " mitosi no sumyegamwitati no mapye ni mawosaku , sumyegamwitati no yosa-si-matura-mu oki tu mi tosi wo , tanapidi ni minawa kakitari , mukamomo ni pidi kakiyosete , tori-tukura-mu oki tu mi tosi wo , ya-tukapo no ikasipo ni , sumyegamwi-tati no yosasi-maturaba , patupo wo ba , ti-kapi yapokapi ni tatematuriokite , mika nope takasiri , mika no para mite narabete , siru ni mo kapi ni mo tatapegoto wopematuramu . opo-nwo no para ni opuru mono pa , amana – karana , awomi no para ni sumu mono pa , pata no piromono – pata no samono , oki tu mo pa – pe tu mo pa ni itaru made ni , mi-so pa akaru tape -- teru tape – nigitape – aratape ni tatapegoto wopematuramu . mi-tosi no sumyegamwi no mapye ni sirwo-ki uma – sirwo-ki wi – sirwo-ki tori , kusagusa no iromono wo sonapematurite , sumyemima no mi-koto no udu no mitegura wo tatapegoto wopematuraku " to noru . " opomikamunagi no koto wopematuru , sumyegamwi-tati no mapye ni mawosaku , kamumusubi -- takamimusubi -- ikumusubi -- tarumusubi -- tamatumemusubi – opo-miyanome -- opomiketukami – kotosironusi to , mi-na pa mawosite , koto wopematuraba , sumyemima no mi-koto no mi-yo wo tanaga no mi-yo to , kakipa ni tokipa ni ipapimaturi , ikasimiyo ni sakipapematuru ga yuwe ni , sumyera wa ga mutukamurwoki no mi-koto – kamurwomi no mi-koto to , sumyemima no mi-koto no udu no mitegura wo tatapegoto wopematuraku " to noru . " wikasuri no mi-kamunagi no koto wopematuru , sumyegamwi-tati no mapye ni mawosaku , ikuwi -- sakuwi -- tunagawi -- asupa – papiki to mi-na pa mawosite , koto wopematuraba , sumyegamwi no sikimasu , simo tu ipane ni miyabasira putwosiritate , takama no para ni ti-gi takasirite , sumyemima no mi-koto no midu no mi-araka wo tukapematurite , ame no mi-kage – pi no mi-kage to kakurimasite , yomo no kuni wo yasukuni to tapirakeku sirosimyesu ga yuwe ni , sumyemima no mi-koto no udu no mitegura wo tatapegoto wopematuraku " to noru . " mikadwo no mi-kamunagi no koto wopematuru , sumyegami-tati no mapye ni mawosaku , kusiipamatwo no mikoto – toyoipamatwo no mikoto to mi-na pa mawosite , koto wopematuraba , yomo no mi-kadwo ni yutuipamura no gotoku sayarimasite , asita ni pa mikadwo wo pirakimaturi , yupubye ni pa mikadwo wo tatematurite , utoburu mono no sita yori yukaba sita wo mamori , upe yori yukaba upe wo mamori , ywo no mamori pi no mamori ni mamorimaturu ga yuwe ni , sumyemima no mi-koto no udu no mitegura wo tatapegoto wopematuraku " to noru . " ikusima no mikamunagi no koto wopematuru , sumyegami-tati no mapye ni mawosaku , ikukuni – tarukuni to mi-na pa mawosite , koto wopematuraba , sumyegami no sikimasu sima no ya-sosima pa , taniguku no sa-wataru kipami , siponawa no todomaru kagiri , saki kuni pa piroku , sagasi-ki kuni pa tapirakeku , sima no ya-sosima oturu koto naku , sumyegami-tati no yosasi-maturu ga yuwe ni , sumyemima no mikoto no udu no mitegura wo tatapegoto wopematuraku " to noru . " koto wakite , ise ni masu amaterasuopomikamwi no opo-mapye ni mawosaku , sumyegami no miparukasi-masu yomo no kuni pa , ame no kakitatu kipami , kuni no sokitatu kagiri , awokumwo no tanabiku kipami , sirwokumo no oriwimukabusu kagiri , awomi no para pa sawokadi posazu , puna no pe no itaritodomaru kipami , opo-mi no para ni puna mititudukete , kuga yori yuku miti pa , ni no wo yupikatamete , ipane kine pumisakumite , uma no tume no itaritodomaru kagiri , nagadi pima naku tatitudukete , saki kuni pa piroku , sagasi-ki kuni pa tapirakeku , topo-ki kuni pa ya-sotuna uti-kakete pikiyosuru koto no gotoku , sumyeopomikami no yosasi-maturaba , nozaki pa sumyeopomikami no opo-mapye ni , yokoyama no gotoku uti-tumiokite , nokori woba tapirake-ku kikosimyesamu . mata sumyemima no mikoto no mi-yo wo , tanaga no mi-yo to , kakipa ni tokipa ni ipapimaturi , ikasi mi-yo ni sakipape-maturi ga yuwe ni , sumyera wa ga mutukamurwoki – kamurwomi no mikoto to , uzimono unane tukinukite , sumyemima no mikoto no udu no mitegura wo tatapegoto wopematuraku " to noru . " miagata ni masu sumyegami-tati no mapye ni mawosaku , taketi – kaduraki – towo-ti – siki – yama no be – sopu to mi-na pa mawosite , ko no mu-tsu no mi-agata ni nariiduru , amana – karana wo motimawikite , sumyemima no mikoto no nagamike no topomike to kikosimyesu ga yuwe ni , sumyemima no mikoto no udu no mitegura wo tatapegoto wopematuraku " to noru . " yama no kuti ni masu sumyegami-tati no mapye ni mawosaku , asuka -- ipare -- osaka -- patuse -- unebi – miminasi to mi-na pa mawosite , topoyama – tikayama ni opitateru opo-ki – wogi wo , motosuwe uti-kirite motimawikite , sumyemima no mikoto no midu no mi-araka tukapematurite , ame no mi-kage – pi no mi-kage to kakurimasite , yomo no kuni wo yasukuni to tapirake-ku sirosimyesu ga yuwe ni , sumyemima no mikoto no udu no mitegura wo tatapegoto wopematuraku " to noru " mikumari ni masu sumyegami-tati no mapye ni mawosaku , yosinwo -- uda -- tuge – kaduraki to mi-na pa mawosite , koto wopematuraba , sumeygami-tati no yosasi-maturamu oki tu mi-tosi wo , ya-tukapo no ikasi po ni yosasi-maturaba , sumyegami-tati ni , hatupo pa kapi ni mo siru ni mo mika no pe takasiri , mika no para mite narabete tatapegoto wopematurite , nokori woba sumyemima no mikoto no asamike – yupubemike no kamukapi ni , nagamike no topomike to , akani no po ni kikosimyesu ga yuwe ni , sumyemima no mikoto no udu no mitegura wo tatapegoto wopematuraku " to moromoro kikosimyese to noru . " koto wakite , imibe no yowakata ni putwodasuki torikakete , motiyumapari tukapematureru mitegura wo kamunusi – papuri-ra uketamaparite , koto ayamata-zu sasagemotite tatemature " to noru .

 

Norito 2. Kasuga Festival

1. sumyera ga opo-mikoto ni mase , kasikwo-ki kasima ni masu takemikaduti no mikoto , katori ni masu ipapinusi no mikoto , pirawoka ni masu ame no kwoyane no mikoto , pimegamwi , yobasira no sumyegamwi-tati no piromapye ni mawosaku , " opogamwitati no kopasi-tamapi no manima ni , kasuga no mikasa no yama no simo tu ipane ni miyabasira pirosiritate , takama no para ni ti-gi takasirite , ame no mi-kage – pi no mi-kage to sadamematurite , tatematuru kamudakara pa , mi-kagami – mi-pakasi – mi-torasi – mi-poko – mi-ma ni sonapematuri , mi-so pa , akaru tape -- teru tape – nigitape – aratape ni tukapematurite , yomo no kuni no tatematureru mi-tuki no nozaki torinarabete , awomi no para no mono pa , pata no piromono – pata no samono , oki tu mopa – pye tu mopa , yamanwo no mono pa , amana – karana ni itaru made , mi-ki pa , mika no pe takasiri , mika no para mite narabete , kusagusa no mono wo yokoyama no gotoku tumiokite , kamunusi ni , sore no tukasa kurawi kabane na wo sadamete , tatematuru udu no opo-mitegura wo yasumitegura no taru mitegura to tapirake-ku yasurake-ku kikosimyese to , sumyeopomikamwi-tati wo tatapegoto wopematuraku " to mawosu .

2. " kaku tukapematuru ni yorite , ima mo yuku saki mo , sumyera ga mikado wo tapirakeku yasurakeku , tarasimiyo no ikasimiyo ni ipapimaturi , tokipa ni kakipa ni sakipapematuri , adukarite tukapematuru tokorodokoro ipeipe no opo-kimi-tati – mapetugimi-tati wo mo , tapirakeku , sumyera ga mikado ni ikasiyakupa no gotoku tukapematuri , sakayesimetamape to tatapegoto wopematuraku " to mawosu .

 

Norito 3. Festival of Opo-Imi in Pirose

1. " pirose no kapapi ni tatapegoto wopematuru sumyegamwi no mi-na wo mawosaku mi-ke motasuru wakauka no mye no mikoto to mi-na pa mawosite ko no sumyegamwi no mapye ni koto wopematuraku sumyemima no mikoto no udu no mitegura wo sasagemotasimete opo-kimi-tati – mapetugimi-tati wo tukapi to site tatapegoto wopematuraku wo kamunusi – papuri-ra moromoro kikosimese " to noru .

2. " tatematuru udu no mitegura pa mi-so pa akaru tape -- teru tape – nigitape – aratape itu-iro no mono tate -- poko – mi-ma – mi-ki pa mika no pe takasiri mika no para mite narabete nigisine – arasine ni yama ni sumu mono pa ke no nikwo-ki mono – ke no araki mono opo-nwo no para ni opuru mono pa amana – karana awomi no para ni sumu mono pa pata no piro-ki mono – pata no saki mono oki tu mopa – pe tu mopa ni itaru made okitarapasite tatematuraku to sumyegamwi no mapye ni mawositamape " to noru .

3. " kaku tatematuru udu no mitegura wo yasumitegura no tarimitegura to sumyegamwi no mi-gokoro ni tapirake-ku yasurake-ku kikosimesite sumyemima no mikoto no nagamike no topomike to akani no po ni kikosimesa-mu sumyegamwi no mi-tosiro wo padimete miko-tati – opo-kimi-tati – mapetugimi-tati – ame no sita no opo-mitakara no toritukuru oki tu mi-tosi pa tanapidi ni minawa kaki-tari mukamomo ni pidi kakiyosete toritukuramu oki tu mi-tosi wo yatukapo ni sumyegamwi no nasisakipapetamapaba patupo pa siru ni mo kapi ni mo tisine yatisine ni pikisuwete yokoyama no gotoku utitumiokite aki no maturi ni tatematuramu to sumyegamwi no mapye ni mawositamape " to noru .

4. " yamato no kuni no mu-tu no mi-agata no yama no kuti ni masu sumyegamwi-tati no mapye ni mo sumyemima no mikoto no udu no mitegura wo akaru tape teru tape – nigitape – aratape , itu-iro no mono tate – poko ni itaru made tatematuru .

5. kaku maturaba sumyegamwitatino sikimasu yamayama no kuti yori sakunadari ni kudasi-tamapu midu wo amaki midu to ukete ame no sita no opomitakara no toritukureru oki tu mi-tosi wo asiki kaze araki midu ni apase-tamapa-zu na ga mikoto no ikasi sakipapetamapaba patupo pa siru ni mo kapi ni mo mika no pe takasiri mika no para mite narabete yokoyama no gotoku utitumiokite tatematura-mu to opo-kimi-tati – mapye tu gimi tati -- momo no tukasabito-tati yamato no kuni no mu-tu no mi-agata no tone wotokowomina ni itaru made kotosi sore no tuki no sore no pi moromoro mawiidekite sumyegamwi no mapye ni uzimono unane tukinukite asapi no toyosakanobori ni tatapegoto wopematuraku wo kamunusi -- papurira moromoro kikosimese " to noru .

 

Norito 4. Festival of the Wind Deities of Tatuta

1. " tatuta ni tatapegoto wopematuru , sumyegamwi no mapye ni mawosaku , sikwisima ni opo-yasimaguni sirasi-si sumyemima no mikoto no , topomike no nagamike to , akani no po ni kikosimesu itu-kusa no tana tu mono wo padimete , ame no sita no opo-mitakara no tukuru mono wo kusa no kakipa ni itaru made nasi-tamapa-nu koto , pitotose puta-tose ni arazu , tosi maneku sokonaperu ga yuwe ni , momo no monosiribito-domo no uragoto ni ide-mu kamwi no mi-kokoro pa , ko no kamwi to mawose to oposetamapiki .

2. ko wo monosiribito-domo no uragoto wo motite urapedomo , iduru kamwi no mi-kokoro mo nasi to mawosu to kikosimesite , sumyemima no mikoto no noritamapaku , ' kamwi-tati woba ama tu yasiro – kuni tu yasiro to wasururu koto naku , oturu koto naku , tatapegoto wopematuru to omoposiokonapasu wo , idure no kamwi zo , ame no sita no opo-mitakara no tukuritukuru mono wo , nasi-tamapa-zu sokonaperu kamwi-tati pa , wa ga mi-kokoro zo to satosimature to ukepitamapiki .

3. koko wo motite , sumyemima no mikoto no opo-miime ni satosimaturaku , ' ame no sita no opo-mitakara no tukuritukuru mono wo , asi-ki kaze ara-ki midu ni apasetutu , nasi-tamapa-zu sokonaperu pa , wa ga mi-na pa ame no mi-pasira no mikoto – kuni no mi-pasira no mikoto to , mi-na pa satosimaturite , ' wa ga mapye ni tatematura-mu mitegura pa , mi-so pa , akaru tape -- teru tape – nigitape – aratape , itu-iro no mono , tate -- poko – mi-ma ni mi-kura sonapete , kusagusa no mitegura sonapete , wa ga miya pa asapi no pimukapu tokoro , yupupi no pikageru tokoro no , tatuta no tatinwo no wonwo ni , wa ga miya pa sadamematurite , wa ga mapye wo tatapegoto wopematuraba , ame no sita no opo-mitakara no tukuritukuru mono pa , itu-kusa no tana tu mono wo padimete , kusa no kakipa ni itaru made , nasisakipapematuramu to satosimaturiki .

4. koko wo motite sumyegamwi no koto wosipesatosimaturisi tokoro ni , miyabasira sadamematurite , ko no sumyegamwi no mapye wo tatapegoto wopematuru ni , sumyemima no mikoto no udu no mitegura wo sasagemotasimete , opo-kimi-tati – mapye tu gimi tati wo tukapi to site , tatapegoto wopematuraku to , sumyegamwi no mapye ni mawosi-tamapu koto wo , kamunusi – papurira , moromoro kikosimese " to noru .

5. " tatematuru udu no mitegura pa , pikogamwi ni , mi-so pa , akaru tape -- teru tape – nigitape – aratape , itu-iro no mono , tate -- poko – mi-ma ni mi-kura sonapete , kusagusa no mitegura tatematuri , pimegamwi ni mi-so sonape , kugane no woke – kugane no tatari – kugane no kasepi , akaru tape -- teru tape – nigitape – aratape , itu-iro no mono , mi-ma ni mi-kura sonapete , kusagusa no mitegura tatematurite , mi-ki pa , mika no pe takasiri , mika no para mite narabete , nigisine – arasine ni , yama ni sumu mono pa , ke no nikomono – ke no aramono , opo-nwo no para ni opuru mono pa , amana – karana , awomi no para ni sumu mono pa , pata no piromono – pata no samono , oki tu mo pa – pe tu mo pa ni itaru made ni , yokoyama no goto-ku utitumiokite , tatematuru ko no udu no mitegura wo , yasumitegura no tarimitegura to , sumyegamwi no mi-kokoro ni tapirake-ku kikosimesite , ame no sita no opomitakara no tukuritukuru mono wo , asi-ki kaze ara-ki midu ni apasetamapazu , sumyegamwi no nasisakipapetamapaba , patupo pa , mika no pe takasiri , mika no para mite narabete , siru ni mo kapi ni mo , ya-posine – ti-sine ni pikisuweokite , aki no maturi ni tatematura-mu to , opo-kimi-tati – mapye tu gimi tati , momo no tukasa no pitotati , yamato no kuni no mutu no agata no tone , wotoko – womina ni itaru made ni , kotosi uduki ( pumiduki ni pa kotosi pumiduki to ipu ) moromoro mawiugonaparite , sumyegamwi no mapye ni uzimono unane tukinukite , kepu no asapi no toyosakanobori ni , tatapegoto wopematuru sumyemima no mikoto no udu no mitegura wo , kamunusi – papuri-ra tamaparite , okotaru koto naku tatemature to nori-tamapu opo-mikoto wo moromoro kikosimese " to noru .

 

Norito 5. Pirano Festival

1. sumyera ga opo-mikoto ni mase ima kwi yori tukapematurikitareru sumyeopomikamwi no piromapye ni mawositamapaku , " sumyeopomikamwi no kopasi-tamapi no manima ni ko no tokoro no soko tu ipane ni miyabasira pirosikitate takama no para ni ti-gi takasirite ame no mi-kage – pi no mi-kage to sadamematurite kamunusi ni kamutukasa sore no tukasa kurawi kabane na wo sadamete tatematuru kamudakara pa mi-torasi – mi-pakasi -- mi-kagami -- suzu – kinugasa mi-ma wo pikinarabete mi-so pa akaru tape -- teru tape – nigitape – aratape ni sonapematurite yomo no kuni no tatematureru mi-tuki no nozaki wo torinarabete mi-ki pa mika no pe takasiri mika no para mite narabete yamanwo no mono pa amana – karana awomi no para no mono pa pata no piromono – pata no samono okitu mo pa – petu mo pa ni itaru made kusagusa no mono wo yokoyama no goto-ku okitakanasite tatematuru udu no opo-mitegura wo tapirake-ku kikosimesite sumyera ga mi-yo wo kakipa ni tokipa ni ipapi-maturi ikasi mi-yo ni sakipapematurite yorodu-yo ni opo-masimasasimetamape to tatapegoto wopematuraku " to mawosu .

2. mata mawosaku " mawiugonaparite tukapematuru mikwo-tati – opokimi-tati – mapye tu gimi tati – momo no tukasabito-tati wo mo yo no mamori pi no mamori ni mamoritamapite sumyera ga mikado ni iya taka ni iya piro ni ikasi yakupaye no goto-ku tati-sakaye-sime tukapematurasimetamape to tatapegoto wopematuraku " to mawosu .

 

Norito 6. Kudo and Puru-aki

1. sumyera ga opo-mikoto ni mase , kudo – puruseki puta-tokoro no miya ni site , tukapematurikitareru , sumyemikamwi no piromapye ni mawositamapaku , " sumyemikamwi no kopi-tamapi-si manima ni , ko no tokoro no soko tu ipane ni miyabasira pirosikitate , takama no para ni ti-gi takasirite ame no mi-kage – pi no mi-kage to sadamematurite , kamunusi ni sore no tukasa kurawi kabane na wo sadamete , tatematuru kamudakara pa , mi-torasi – mi-pakasi -- mi-kagami -- suzu – kinugasa – mi-ma wo pikinarabete , mi-so pa , akaru tape -- teru tape – nigitape – aratape ni sonapematurite , yomo no kuni no tatematureru mi-tuki no nozaki wo torinarabete , mi-ki pa , mika no pe takasiri , mika no para mite narabete , yamanwo no mono pa , amana – karana , awomi no para no mono pa , pata no piromono – pata no samono , okitu mo pa – petu mo pa ni itaru made , kusagusa no mono wo yokoyama no goto-ku okitakanasite , tatematuru udu no opo-mitegura wo tapirake-ku kikosimesite , sumyera ga mi-yo wo kakipa ni toki ni ipapimaturi , ikasi mi-yo ni sakipapematurite , yorodu-yo ni opo-masasimetamape to tatapegoto wopematuraku " to mawosu .

2. mata mawosaku , " mawiugonaparite tukapematuru , miko-tati – opo-kimi-tati – mapye tu gimi tati – momo no tukasabito-tati wo mo , ywo no mamori pi no mamori ni mamoritamapite , sumyera ga mikado ni , iya taka ni iya piro ni , ikasi yakupaye no gotoku , tati-sakaye-sime tukapematurasimetamape to tatapegoto wopematuraku " to mawosu .

 

Norito 7. Monthly Festival of the Sixth Month

1. sipasu pa kore ni narape " ugonapareru kamunusi – papurira , moromoro kikosimese " to noru .

2. " takama no para ni kamudumarimasu , sumyemutukamurwoki no mikoto – kamurwomi no mikoto motite , ama tu yasiro – kuni tu yasiro to tatapegoto wopematuru sumyegamwi-tati no mapye ni mawosaku , kotosi no minaduki no tukinami no mitegura ( sipasu pa , kotosi sipasu no tukinami no mitegura to ipu. ) akaru tape -- teru tape – nigitape – aratape sonapematurite , asapi no toyosakanobori ni , sumyemima no mikoto no udu no mitegura wo tatapegoto wopematuraku " to noru .

3. " opomikamunagi no koto wopematuru , sumyegamwi-tati no mapye ni mawosaku , kamumusubi -- takamimusubi -- ikumusubi -- tarumusubi -- tamatumemusubi -- opomiyanome -- miketukamwi – kotosironusi to mi-na pa mawosite , koto wopematuraba , sumyemima no mikoto no mi-yo wo , tanaga no mi-yo to , kakipa ni tokipa ni ipapimaturi , ikasi mi-yo ni sakipapematuru ga yuwe ni , sumyera wa ga mutukamurwoki no mikoto – kamurwomi no mikoto to , sumyemima no mikoto no udu no mitegura wo tatapegoto wopematuraku " to noru .

4. " wikasuri no mi-kamunagi no koto wopematuru , sumyegamwi-tati no mapye ni mawosaku , ikuwi -- sakuwi -- tunagawi -- asupa – papiki to mi-na pa mawosite , koto wopematuraba , sumyegamwi no sikimasu , simo tu ipane ni miyabasira putwosiritate , takama no para ni ti-gi takasirite , sumyemima no mikoto no midu no mi-araka tukapematurite , ame no mi-kage – pi no mi-kage to kakurimasite , yomo no kuni wo yasukuni to tapirake-ku sirosimyesu ga yuwe ni , sumyemima no mikoto no udu no mitegura wo tatapegoto wopematuraku " to noru .

5. " mikadwo no mi-kamunagi no koto wopematuru , sumyegamwi-tati no mapye ni mawosaku , kusiipamatwo no mikoto – toyoipamatwo no mikoto to mi-na pa mawosite , koto wopematuraba , yomo no mi-kadwo ni yutuipamura no goto-ku sayarimasite , asita ni pa mi-kadwo wo pirakimaturi , yupube ni pa mi-kadwo wo tatematurite , utoburu mono no sita ywori yukaba sita wo mamori , upe ywori yukaba upe wo mamori , ywo no mamori pi no mamori ni mamorimaturu ga yuwe ni , sumyemima no mikoto no udu no mitegura wo tatapegoto wopematuraku " to noru .

6. " ikusima no mi-kamunagi no koto wopematuru , sumyegamwi-tati no mapye ni mawosaku , ikukuni -- tarukuni to mi-na pa mawosite , koto wopematuraba , sumyegamwi no sikimasu sima no yasosima pa , taniguku no sawataru kipami , siponawa no todomaru kagiri , saki kuni pa piroku , sagasi-ki kuni pa tapirakeku , sima no yasosima oturu koto naku , sumyegamwi-tati no yosasimaturu ga yuwe ni , sumyemima no mikoto no udu no mitegura wo tatapegoto wopematuraku " to noru .

7. " koto wakite , ise ni masu amaterasuopomikamwi no opo-mapye ni mawosaku , sumyegamwi no miparukasimasu yomo no kuni pa , ame no kakitatu kipami , kuni no sokitatu kagiri , awokumwo no tanabiku kipami , sirwokumwo no mukabusu kagiri , awomi no para pa sawokadi posazu , puna no pe no itaritodomaru kipami , opo-mi no para ni pune mititudukete , kuga yori yuku miti pa ni no wo yupikatamete , ipane kine pumisakumite , uma no tume no itaritodomaru kagiri , nagadi pima naku tatitudukete , saki kuni pa piroku , sagasi-ki kuni pa tapirakeku , topo-ki kuni pa yasotuna utikakete pikiyosuru koto no gotoku , sumyeopomikamwi no yosasimaturaba , nozaki pa sumeopomikamwi no opo-mapye ni , yokoyama no goto-ku utitumiokite , nokori woba tapirake-ku kikosimesamu .

8. mata sumyemima no mikoto no mi-yo wo , tanaga no miyo to , kakipa ni tokipa ni ipapimaturi , ikasi mi-yo ni sakipapematuru ga yuwe ni , sumyera wa ga mutukamurwoki no mikoto -- kamurwomi no mikoto to , uzimono unane tukinukite , sumyemima no mikoto no udu no mitegura wo tatapegoto wopematuraku " to noru .

9. " miagata ni masu sumyegami-tati no mapye ni mawosaku , taketi -- kaduraki -- towoti -- siki -- yamanobe – sopu to mi-na pa mawosite , ko no mutsu no mi-agata ni nariiduru amana – karana wo motimawikite , sumyemima no mikoto no nagamike no topomike to kikosimesu ga yuwe ni , sumyemima no mikoto no udu no mitegura wo tatapegoto wopematuraku " to noru .

10. " yama no kuti ni masu sumyegamwi-tati no mapye ni mawosaku , asuka -- ipare -- osaka -- patuse -- unebi – miminasi to mi-na pa mawosite , topoyama – tikayama ni opitateru opo-ki – wogi wo , motosuwe utikirite motimawikite , sumyemima no mikoto no midu no mi-araka tukapematurite , ame no mi-kage – pi no mi-kage to kakurimasite , yomo no kuni wo yasukuni to tapirake-ku sirosimyesu ga yuwe ni , sumyemima no mikoto no udu no mitegura wo , tatapegoto wopematuraku " to noru " mikumari ni masu sumyegamwi-tati no mapye ni mawosaku , yosinwo -- uda -- tuge – kaduraki to mi-na pa mawosite koto wopematuraba , sumyegamwi-tati no yosasimaturamu , oki tu mi-tosi wo , yatukapo no ikasipo ni yosasimaturaba , sumyegamwi-tati ni , hatupo pa kapi ni mo siru ni mo , mika no pe takasiri , mika no para mite narabete tatapegoto wopematurite , nokori wo ba , sumyemima no mikoto no asamike – yupubemike no kamukapi ni , nagamike no topomike to , akani no po ni kikosimesu ga yuwe ni , sumyemima no mikoto no udu no mitegura wo , tatapegoto wopematuraku to moromoro kikosimese " to noru .

11. " koto wakite , imibe no yowakata ni putwodasuki torikakete , motiyumaparitukapematureru mitegura wo , kamunusi – papuri-ra uketamaparite , koto ayamata-zu sasagemotite tatemature " to noru .

 

Norito 8. Blessing of the Great Palace

1. " takama no para ni kamudumarimasu , sumemutukamurwoki – kamurwoki no mikoto motite , sumyemima no mikoto wo ama tu takamikura ni masete , ama tu sirusi no turugi – kagami wo sasagemotitamapite , kotopoki ( purugoto ni kotopoki to iperi .

2. ???KOTOPOKI??? to iperu pa ima no sakapokapi no kotoba no gotosi. ) noritamapisiku , ' sumyera wa ga udu no mi-kwo sumyemima no mikoto , ko no ama tu takamikura ni masite , ama tu pitugi wo yorodu-ti-aki no nagaaki ni , opo-yasimatoyoasipara no midupo no kuni wo yasukuni to tapirake-ku sirosimyese to ( purugoto ni sirosimyesu to ipu.) , koto yosasi-maturitamapite , ama tu mi-pakari motite , kototopi-si ipane ko no tati , kusa no kakipa wo mo kotoyamete , amakudari-tamapi-si wosukuni ame no sita to , ama tu pitugi sirosimyesu sumyemima no mikoto no mi-araka wo , ima okuyama no opo-kapi – wokapi ni tateru ki wo , imibe no imimono wo motite kiritorite , motosuwe woba yama no kamwi ni maturite , nakara wo motiidekite , imisuki wo motite imibasira tatete , sumyemima no mikoto no ame no mi-kage – pi no mi-kage to , tukuritukapematureru midu no mi-araka ( purugoto ni araka to ipu. ) imasi yapune no mikoto ni ama tu kususi ipapigoto wo ( purugoto ni kususi ipapigoto to ipu. ) motite kotopokisidume mawosaku , kore no sikimasu opo-miyadokoro no soko tu ipane no kipami , sita tu tunane ( purugoto no tugapinapa no tagupi , kore wo tunane to ipu. ) papu musi no wazapapi naku , takama no para pa , awokumwo no tanabiku kipami , ame no ti-daritobu tori no wazapapi naku , pori-katame-taru pasira -- keta -- utubari -- two – madwo no kikapi ( purugoto ni kikapi to ipu. ) ugokinaru koto naku , pikiyuperu tuname no yurubi , toripukyeru kaya no sosoki ( purugoto ni sosoki to ipu. ) naku , mi-yuka tupi no sayaki , ya-mye no isusuki , idutusi-ki koto naku , tapirake-ku yasurakye-ku mamorimaturu kamwi no mi-na wo mawosaku , yapune kukuti no mikoto ( ko pa ki no mitama nari. ) yapune toyoukepimye no mikoto to ( ko pa ine no mitama nari .

3. ??? no kotoba ni uka no mitama to ipu .

4. ima no yo ubuya ni sakiki -- tukasine wo to no ???pe??? ni oki , mata kome wo yanaka ni tirasu no tagupi nari. ) mi-na woba tatapematurite , sumyemima no mikoto no mi-yo wo kakipa ni tokipa ni mamorimaturi , ikasi mi-yo no tarasi mi-yo ni , tanaga no mi-yo to sakipapematuru ni yorite , imitamatukuri-ra ga motiyumapari , motikiyomapari tukuritukapematureru , midu no ya-sakani no mi-puki no i-po tu mi-sumaru no tama ni , akaru nigite ( purugoto ni nikite to ipu. ) -- teru nigite wo tukete , imibe no sukune nanigasi ga yowakata ni , putwodasuki torikakete , kotopoki sidumematuru koto no moreotimu koto wo ba , kamunapobi no mikoto – opo-napobi no mikoto , kikinaposi minaposite , tapirake-ku yasurakye-ku sirosimyese " to mawosu .

5. koto wakite mawosaku , " opomiya no mye no mikoto to mi-na wo mawosu koto pa , sumyemima no mikoto no onazi opo-tono no uti ni sayarimasite , mawiri makaduru pito no erabisirosi , kamwi-tati no isurokopi arebimasu wo , kotonaposi yapasi ( purugoto ni yapasi to ipu. ) masite , sumyemima no mikoto no asita no mi-ke , yupube no mi-ke ni tukapematuru pire kakuru tomo no wo , tasuki kakuru tomo no wo wo , te no magapi – asi no magapi ( purugoto ni magapi to ipu. ) nasa-sime-zu site , mi-kwo-tati – opo-kimi-tati – mapye tu gimi tati – momo no tukasabito-domo wo , ono ga mukimuki arasimezu , asi-ki kokoro – kitana-ki kokoro naku , miya susumesusume , miya tutometutomesimete , toga ayamati aramu wo ba , minaposi kikinaposimasite , tapirake-ku yasurakye-ku tukapematurasimemasu ni yorite , opo-miya no mye no mikoto to , mi-na wo tatapegoto wopematuraku " to mawosu .

 

Norito 9. Festival of the Gates

1. " kusiipamato -- toyoipamatonomikoto to mi-na wo mawosu koto pa , yomo utito no mi-kadwo ni , yutuipamura no goto-ku sayarimasite , yomo yosumi yori utobi arabi ko-mu , ame no magatupi to ipu kamwi no ipa-mu magakoto ni ( (purugoto ni magakoto to ipu) ) apimazikori , apikuti ape-tamapu koto naku , upe ywori yukaba upe wo mamori , sita ywori yukaba sita wo mamori , motipusegi parapiyari , ipisokemasite , asita pa mi-kadwo wo piraki , yupube pa mikadwo wo tatete , mawirimagaduru pito no na wo topisirasi , togaayamati ara-mu wo ba , kamunapobi -- oponapobi ni minaposi kikinaposimasite , tapirake-ku yasurakye-ku tukapematurasime-tamapu ga yuwe ni , toyoipamato no mikoto -- kusiipamato no mikoto to , mi-na wo tatapegoto wopematuraku " to mawosu .

 

Norito 10. Great Exorcism of the Last Day of the Sixth Month

1. sipasu pa kore ni narape .

2. " ugonapareru mi-kwo-tati – opo-kimi-tati – mapye tu gimi tati – momo no tukasa bito tati , moromoro kikosimyese " to noru .

3. " sumyera ga mikadwo ni tukapematuru , pire kakuru tomo no wo , tasuki kakuru tomo no wo , yuki opu tomo no wo , tati paku tomo no wo , tomo no wo no yasotomo no wo wo padimete , tukasadukasa ni tukapematuru pito-domo no ayamati wokasikyemu kusagusa no tumi wo , kotosi no minaduki no tugomori no opo-parape ni , parape-tamapi kiywome-tamapu koto wo , moromoro kikosimyese " to noru .

4. " takama no para ni kamudumarimasu , sumyemutukamurwoki – kamurwomi no mikoto wo motite , yapoyorodu no kamwi-tati wo kamutudopetudopetamapi , kamupakaripakaritamapite , ' wa ga sumyemima no mikoto pa , toyoasipara no midupo no kuni wo yasukuni to tapirake-ku sirosimyese to koto yosasi-maturiki .

5. kaku yosa-si-maturi-si kunuti ni , araburu kamwi-tati woba kamutopasi ni topasitamapi , kamuparapi ni parapitamapite , kototoposi ipane kodati , kusa no kakipa wo mo kotoyamete , ame no ipakura panare , ame no yapegumwo wo itu no ti-waki ni ti-wakite , amakudasi yosasi-maturiki .

6. kaku yosa-si-maturi-si yomo no kunuti ni , opo-yamatopitakami no kuni wo yasukuni to sadamematurite , sita tu ipane ni miyabasira putwosikitate , takama no para ni ti-gi takasirite , sumyemima no mikoto no midu no mi-araka tukapematurite , ame no mikage – pi no mi-kage to kakurimasite , yasukuni to tapirake-ku sirosimyesa-mu kunuti ni , nari-ide-mu ame no masupito-ra ga ayamati wokasikyemu kusagusa no tumigoto pa , ama tu tumi to , apanati – mizoume – pipanati – sikimaki – kusisasi – ikepagi – sakapagi – kusope , kokodaku no tumi wo ama tu tumi to noriwakete , kuni tu tumi to , ikipada-tati – sinipada-tati – sirobito -- kokumi – ono ga papa wokaseru tumi – ono ga kwo wokaseru tumi papa to kwo to wokaseru tumi – kwo to papa to wokaseru tumi – kemono wokaseru tumi -- papu musi no wazapapi – taka tu kamwi no wazapapi – taka tu tori no wazapapi – kemono tapusi , mazimono suru tumi , kokodaku no tumi idemu .

7. kaku ideba , ama tu miyagoto motite , opo-nakatomi , ama tu kanagi wo moto uti-kiri suwe uti-tatite , ti-kura no okikura ni okitara-pasite , ama tu sugaso wo moto karitati suwe karikirite , ya-pari ni torisakite , ama tu noritwo no putwonoritwogoto wo nore .

8. kaku noraba , ama tu kamwi pa ame no ipatwo wo osipirakite ame no ya-pegumwo wo itu no ti-waki ni ti-wakite kikosimyesamu .

9. kuni tu kamwi pa takayama no suwe – pikiyama no suwe ni noborimasite , takayama no iweri – pikiyama no iweri wo kakiwakete kikosimyesamu .

10. kaku kikosimyesite pa sumyemima no mikoto no mikadwo wo padimete , ame no sita yomo no kuni ni pa , tumi to ipu tumi pa arazi to , sinadwo no kaze no ame no ya-pegumwo wo pukipanatu koto no gotoku , asita no mi-kiri – yupube no mi-kiri wo asakaze – yupukaze no pukiparapu koto no gotoku , opo tu pe ni wiru opo-pune wo , pe tokipanati -- tomo tokipanatite , opo-mi no para ni osipanatu koto no gotoku , wotikata no sigye-ki ga moto wo , yakigama no togama motite , uti-parapu koto no gotoku , nokoru tumi pa arazi to parape-tamapi kiywome-tamapu koto wo , takayama – pikiyama no suwe yori , sakunadari ni otitagitu payakapa no se ni masu seori tu pimye to ipu kamwi , opo-mi no para ni motiidenamu .

11. kaku motiideinaba , arasipo no sipo no yapodi no , ya-sipodi no sipo no ya-poapi ni masu payaaki tu pimye to ipu kamwi , moti kakanomitemu .

12. kaku kakanomite pa , ibukidwo ni masu ibukidwonusi to ipu kamwi , ne no kuni – soko no kuni ni ibukipanatitemu .

13. kaku ibukipanatite pa , ne no kuni – soko no kuni ni masu payasasurapimye to ipu kamwi , motisasurapi usinapitemu .

14. kaku usinapite pa , sumyera ga mikadwo ni tukapematuru tukasadukasa no pito-domo wo padimete , ame no sita yomo ni pa , kepu ywori padimete tumi to ipu tumi pa arazi to , takama no para ni mimipuritatete kiku mono to umapikitatete , kotosi no minaduki no tugomori no pi no , yupupi no kudati no opo-parape ni , parape-tamapi kiywome-tamapu koto wo moromoro kikosimyese " to noru .

15. " yokuni no urabedomo , opo-kapadi ni motimakariidete , parapeyare " to noru .

 

Norito 12. Fire-pacifying Festival

1. takama no para ni kamudumarimasu , sumyemutukamurwogi – kamurwomi no mikoto motite , sumyemima no mikoto pa , toyoasipara no midupo no kuni wo yasukuni to tapirake-ku sirosimese to , ame no sita yosasi-maturisi toki ni , koto yosasi-maturisi ama tu noritwo no putwonoritwogoto wo motite mawosaku , " kamu izanaki – izanami no mikoto , imose puta-pasira totugitamapite , kuni no ya-sokuni – sima no ya-sosima wo umitamapi , ya-poyorodu no kamwi-tati wo umitamapite , mana otogwo ni pomusubi no kami wo umitamapite , mipoto yakayete ipagakurimasite , ' ywo nana-ywo -- pi nanuka , wa wo na-mitamapiso , wa ga nase no mikoto to mawositamapiki .

2. ko no nanu-ka ni pa tarazute , kakurimasu koto ayasi tote misonapasu toki ni , pwi wo umitamapite , mi-poto wo yakaye-masiki .

3. kakaru toki ni , ' wa ga nase no mikoto no , wa wo mitamapuna to mawosi-si wo , wa wo miapatasitamapitu to mawositamapite , ' wa ga nase no mikoto pa , upa tu kuni wo sirosimyesu besi , wa pa simo tu kuni wo sirasa-mu to mawosite , ipagakuritamapite , yomi tu pirasaka ni itarimasite omoposimyesaku , ' wa ga nase no mikoto no sirosimyesu upa tu kuni ni , kokoro asiki kwo wo umiokite kinu to noritamapite , kapyerimasite sara ni umi-tamapu kwo , midu no kamwi -- pisago – kapana – paniyamapimye , yokusa no mono wo umitamapite , ' ko no kokoro asi-ki kwo no kokoro arabiru pa , midu -- pisago – paniyamapimye – kapana wo motite sidumemature to koto wosipesatositamapiki .

4. kore ni yorite tatapegoto wopematuraba , sumyemima no mikadwo ni mi-kokoro itipayabitamapazi to site , tatematuru mono pa , akaru tape -- teru tape – nigitape – aratape , itu-iro no mono wo sonapematurite , awomi no para ni sumu mono pa , pata no piromono – pata no samono , oki tu mopa – pe tu mopa ni itaru made ni , mi-ki pa , mika no pe takasiri , mika no para mite narabete , nigisine – arasine ni itaru made ni , yokoyama no goto-ku oki takanasite , ama tu noritwo no putwonoritwogoto motite tatapegoto wopematuraku " to mawosu .

 

Norito 13. Miti-apye no Maturi

1. takama no para ni kotopadimete , sumyemima no mikoto to , tatapegoto wopematuru , opo-yatimata ni yu tu ipamura no goto-ku sayarimasu , sumyegamwi-tati no mapye ni mawosaku , " yatimatapikwo – ya-timatapimye – kunadwo to mi-na pa mawosite , koto wopematuraku pa , ne no kuni – soko no kuni yori arabwi utobwi-ko-mu mono ni , apimazikori apikuti apu koto naku site , sita ywori yukaba sita wo mamori , upe ywori yukaba upe wo mamori , ywo no mamori pi no mamori ni mamorimaturi , ipapimature to , tatematuru mitegura pa , akaru tape -- teru tape – nigitape – aratape sonapematuri , mi-ki pa , mika no pe takasiri , mika no para mite narabete , siru ni mo kapi ni mo , yamanwo ni sumu mono pa , ke no nikomono – ke no aramono , awomi no para ni sumu mono pa , pata no piromono – pata no samono , oki tu mopa – pe tu mopa ni itaru made ni , yokoyama no goto-ku okitarapasite tatematuru udu no mitegura wo , tapirake-ku kikosimyesite , ya-timata ni yu tu ipamura no goto-ku sayarimasite , sumyemima no mikoto wo kakipa ni tokipa ni ipapimaturi , ikasi mi-yo ni sakipapematuritamape " to mawosu .

2. " mata mikwo-tati – opo-kimi-tati – mapye tugimi tati – momo no tukasabitotati , ame no sita no opomitakara ni itaru made ni , tapirake-ku ipapitamape to , kamudukasa , ama tu noritwo no putwonoritwogoto wo motite tatapegoto wopematuraku " to mawosu .

 

Norito 14. Festival of the First Fruits Banquet

1. " ugonapareru kamunusi – papuri-ra moromoro kikosimyese " to noru .

2. " takama no para ni kamudumarimasu sumemutukamurwoki – kamurwomi no mikoto motite ama tu yasiro – kuni tu yasiro to sikimaseru sumegamwi-tati no mapye ni mawosaku , kotosi simotuki no naka no u no pi ni ama tu mi ke no nagamike no topomike to sumyemima no mikoto no opo-nipe kikosi-myesa-mu tame no yuwe ni sumyegamwi-tati api udu no pimaturite kakipa ni tokipa ni ipapi-maturi ikasi mi-yo ni sakipapematuramu ni yorite si ti-aki no ipoaki ni tapirake-ku yasurake-ku kikosimyesite toyo no akari ni akari-masa-mu sumyemima no mikoto no udu no mitegura wo akaru tape -- teru tape – nigitape – aratape ni sonapematurite asapi no toyosakanobori ni tatapegoto wopematuraku wo moromoro kikosimyese " to noru .

3. " koto wakite imibe no yowakata ni putwodasuki torikakete motiyumapari tukapematureru mitegura wo kamunusi – papuri-ra uketamaparite koto oti-zu sasagemotite tatemature " to noru .

 

Norito 15. Mi-tama-sidume no ipapido no Maturi

1. " takama no para ni kamudumarimasu , sumyemutu kamurwoki – kamurwomi no mikoto wo motite , sumyemima no mikoto pa , toyoasipara no midupo no kuni wo yasukuni to sadamematurite , sita tu ipane ni miyabasira putwosikitate , takama no para ni ti-gi takasirite , ame no mi-kage – pi no mi-kage to tatapegoto wopematurite , tatematuru mi-so pa , kamisimo sonapematurite , udu no mitegura pa , akaru tape -- teru tape – nigitape – aratape , itu-iro no mono , mi-kipa , mika no pe takasiri , mika no para mite narabete , yamanwo no mono pa , amana – karana , awomi no para no mono pa , pata no piromono – pata no samono , oki tu mopa – pe tu mopa ni itaru made ni , kusagusa no mono wo yokoyama no gotoku oki takanasite tatematuru udu no mitegura wo , yasumitegura no tarimitegura to tapirake-ku kikosimyesite , sumyera ga mikadwo wo tokipa ni kakipa ni ipapimaturi , ikasi mi-yo ni sakipapematuritamapite , ko no sipasu yori padimete , kitara-mu sipasu ni itaru made ni , tapirake-ku opo-masidokoro ni opo-masasime-tamapye to , kotosi sipasu no sore no pi , ipapi sidumematuraku " to mawosu .

 

Norito 16. Grand Shrine of Ise: Grain-petitioning in the Second Month; Regular Festivals of the Sixth and Twelfth Months

1. minaduki – sipasu no tukinami no maturi sumyera ga opo-mikoto motite , watarapi no udi no isuzu no kapakami no , simo tu ipane ni tatapegoto wopematuru , sumyeopomikamwi no opo-mapye ni mawosaku , " tune mo tatematuru kisaragi no tosigopi no ( tukinami no maturi ni pa tada minaduki no tukinami no koto wo motite apikapeyo. ) opo-mitegura wo , sore no tukasa kurawi nanigasi wo tukapi to site , sasagemotasimete tatematuri-tamapu opo-mikoto wo , mawositamapaku " to mawosu .

 

Norito 17. Grand Shrine of Ise: Toyo-uke-no-miya (same festival)

1. sumyera ga opo-mikoto motite , watarapi no yamada no para no , simo tu ipa ne ni tatapegoto wopematuru , toyouke no sumyegamwi no mapye ni mawosaku , " tune mo tatematuru kisaragi no tosigopi no ( tukinami no maturi ni pa tada minaduki no tukinami no koto wo motite apikapeyo. ) opo-mitegura wo , sore no tukasa kurawi nanigasi wo tukapi to site , sasagemotasimete tatematuri-tamapu opo-mikoto wo , mawositamapaku " to mawosu .

 

Norito 18. Grand Shrine of Ise: Divine Garments Festival of the Fourth Month

1. ( nagaduki pa kore ni narape ) watarapi no udi no isuzu no kapakami ni opo-miyabasira putwosikitate , takama no para ni pigi takasirite , tatapegoto wopematuru , amaterasimasu sumyeopomikamwi no opo-mapye ni mawosaku " patori – womi no pito-domo no tune mo tukapematuru nigitape – aratape no pata no mi-so wo tatematuru koto wo , mawositamapaku to mawosu .

2. " aramaturi no miya ni mo kaku mawosite tatemature " to noru .

3. ( negi -- utibito , wowo to mawosu )

 

Norito 19. Grand Shrine of Ise: Regular Festival of the Sixth Month

1. ( sipasu pa kore ni narape ) " watarapi no udi no isuzu no kapakami ni opo-miyabasira putwosikitate , takama no para ni pigi takasirite , tatapegoto wopematuru , amaterasimasu sumyeopomikamwi no opo-mapye ni mawositatematuru , ama tu noritwo no putwonoritwo wo , kamunusibe – monoimidomo , moromoro kikosimyese " to noru .

2. ( negi -- utibitodomo , tomo ni wowo to mawosu. ) " sumyera ga opo-mikoto ni mase , opo-miinoti wo tanaga no opo-miinoti to , yu tu ipa mura no goto-ku tokipa ni kakipa ni , ikasi mi-yo ni sakipapetamapi , aremasu mikwo-tati wo mo megumitamapi , momo no tukasabitotati , ame no sita yomo no kuni no opomitakara ni itaru made , naga-ku tapirake-ku tukuritaburu itu-kusa no tana tu mono wo mo , yutaka ni sakaye-simetamapi , mamorimegumapi sakipapetamape to , mi-tu no kopori – kuniguni tokorodokoro ni yosematureru kamube no pito-domo no , tune mo tatematuru mi-tuki no ito , yukwi no opo-miki – opo-nipe wo , umiyama no gotoku okitara-pasite , opo-nakatomi , putwotamagusi ni kakuripaberite , kotosi minaduki no towokamarinanuka no asapi no toyosakanobori ni , tatapemawosu koto wo , kamunusibe – monoimidomo , moromoro kikosimyese " to noru .

3. ( kamunusibe , tomo ni wowo to mawosu. ) " aramaturi no miya tukuyomi no miya ni mo , kaku mawosite , tatemature " to noru .

4. ( kamunusibe , mata wowo to mawosu. )

 

Norito 20. Grand Shrine of Ise: Festival of the Divine First Fruits Banquet of the Ninth Month

1. sumyemima no mikoto no opo-mikoto motite , ise no watarapi no isuzu no kapakami ni , tatapegoto wopematuru , amaterasimasu sumyeopomikamwi no opo-mapye ni mawositamapaku , " tune mo tatematuru nagaduki no kamunipe no opo-mitegura wo , sore no tukasa sore no kurawi sore no opo-kimi , nakatomi no sore no tukasa sore no kurawi nanigasi wo tukapi to site , imibe no yowakata ni putwodasuki torikakete , motiyumapari sasagemotasimete , tate-maturi-tamapu opo-mikoto wo , mawositamapaku " to mawosu .

 

Norito 21. Grand Shrine of Ise: Same festival at Toyo-uke-no-miya

1. sumyera ga opo-mikoto motite , watarapi no yamada no para ni , tatapegoto wopematuru , sumyegamwi no mapye ni mawositamapaku , " tune mo tatematuru nagaduki no kamunipe no opo-mitegura wo , sore no tukasa sore no kurawi sore no opo-kimwi , nakatomi no sore no tukasa sore no kurawi nanigasi wo tukapi to site , imibe no yowakata ni putwodasuki torikakete , motiyumapari sasagemotasimete , tatematuri-tamapu opo-mikoto wo , mawositamapaku " to mawosu .

 

Norito 22. Grand Shrine of Ise: Same, Divine First Fruits Banquet

1. " watarapi no udi no isuzu no kapakami ni opo-miyabasira putwo sikitate , takama no para ni pigi takasirite , tatapegoto wopematuru , amaterasimasu sumyeopomikamwi no opo-mapye ni mawositatematuru , ama tu noritwo no putwonoritwo wo , kamunusibe – monoimidomo , moromoro kikosimyese " to noru .

2. ( negi – utibitodomo , tomo ni wowo to mawosu. ) " sumyera ga opo-mikoto ni mase , opo-miinoti wo tanaga no opo-miinoti to , yu tu ipamura no goto-ku tokipa ni kakipa ni , ikasi mi-yo ni sakipapetamapi , aremasu mi-kwo-tati wo mo megumitamapi , momo no tukasabito-tati – ame no sita yomo no kuni no opo-mitakara ni itaru made , naga-ku tapirake-ku mamorimegumapi sakipapetamape to , mi-tu no kopori – kuniguni tokorodokoro ni yosematureru kamube no pito-domo no , tune mo tatematuru yuki no opo-miki – opo-nipe , kakedikara ti-dikara amari ipotikara wo , yokoyama no goto-ku okitarapasite , opo-nakatomi , putwotamagusi ni kakuripaberite , kotosi nagaduki no towo-kamarinanuka no asapi no toyosakanobori ni , ama tu noritwo no putwonoritwogoto wo tatapemawosu koto wo , kamunusibe – monoimidomo , moromoro kikosimyese " to noru .

3. ( negi – utibitodomo , wowo to mawosu. ) " aramaturi no miya – tukuyomi no miya ni mo , kaku mawosite tatemature " to noru .

4. ( kamunusibe , tomo ni wowo to mawosu. )

 

Norito 23. Grand Shrine of Ise: When the High Priestess assumes Her Office

1. kamunipe no mitegura wo tatematuru kotoba wo mawosiwopete , tugi ni sunapati mawosite ipaku , " koto wakite mawositamapaku , ima tatematuru ituki no pimyemikwo pa , tune no tamesi ni yorite , mi-tose ipapikiywomaparite , mi-tuwesiro to sadamete tatematuri-tamapu koto pa , sumyemima no mikoto wo , ame tuti tuki pi to tomo ni tokipa ni kakipa ni , tapirake-ku yasurake-ku opo-masa-sime-mu to , mi-tuwesiro to tatematuri-tamapu opo-mikoto wo , opo-nakatomi , ikasi poko no naka torimotite , kasikwomikasikwomi mo mawositamapaku " to mawosu .

 

Norito 24. Grand Shrine of Ise: Norito on moving the Shrine of the Great Deity (Use also for the Toyo-uke-no-miya)

1. toyouke no miya pa kore ni narape .

2. sumyemima no mikoto no opo-mikoto wo motii , sumyeopomikamwi no opo-mapye ni mawositamapaku , " tune no tamesi ni yorite , patatose ni pitotabi , opo-miya arata ni tukapematurite , kusagusa no mi-yosopi no mono itukusa amari yokusa , kamudakara patakusa amari pitokusa wo makesonapete , parapekiywome motiyumaparite adukaritukapematuru , opo-tomopi sore no kurawi nanigasi wo sasitukapasite , tatematuri-tamapu sama wo mawositamapaku " to mawosu .

 

Norito 25. To drive away a vengeful deity

1. " takama no para ni kamudumarimasite , koto pazime-tamapi-si kamurwoki – kamurwomi no mikoto motite , ame no taketi ni ya-poyorodu no kamwi-tati wo kamutudopetamapi , kamupakaripakaritamapite , wa ga sumyemima no mikoto pa , toyoasipara no midupo no kuni wo , yasukuni to tapirakyeku sirosimyese to , ame no ipakura panarete , ame no ya-pegumwo wo itu no ti-waki ni ti-wakite , ama-kudasi-yosa-si-maturi-si toki ni , idure no kamwi wo madu tukapasaba , midupo no kuni no araburu kamwi-domo wo kamu-parapi-parapi-muke-mu to , kamupakaripakari-tamapu toki ni , moromoro no kamitati , mina pakarimawosaku , ame no popi no mikoto wo tukapasite tapirake-mu to mawosiki .

2. koko wo motite amakudasitukapasu toki ni , ko no kamwi pa kapyerigoto mawosa-zari-ki .

3. tugi ni tukapasi-si takemikuma no mikoto mo , titi no koto ni sitagapite , kapyerigoto mawosazu .

4. mata tukapasi-si amewakapikwo mo , kapyerigoto mawosazute , taka tu tori no wazapapi ni yorite , tatidokoro ni mi useni-ki .

5. koko wo motite , ama tu kamwi no mi-koto motite , mata pakaritamapite , pu tu nusi no mikoto – takemikaduti no mikoto puta-pasira no kamwi-tati wo , amakudasitamapite , araburu kamwi-tati wo , kamuparapiparapitamapi , kamuyapasiyapasitamapite , kototopisi ipaneko no tati – kusa no kakipa mo kotoyamete , sumemima no mikoto wo , amakudasiyosasi maturiki .

6. kaku ama-kudasi-yosasi-maturi-si yomo no kunuti to , opo-yamatopitakami no kuni wo , yasukuni to sadamematurite , simo tu ipane ni miyabasira putwosikitate , takama no para ni ti-gi takasirite , ame no mi-kage – pi no mi-kage to tukapematurite , yasukuni to tapirakeku sirosimyesamu , sumyemima no mikoto no , ame no mi-araka no uti ni masu sumyegamwi-tati pa , arabi-tamapi takebi-tamapu koto naku site , takama no para ni pazime-si koto wo , kamu-nagara mo sirosimyesite , kamunapobi – opo-napobi ni napositamapite , ko no tokoro yori pa , yomo wo miparukasu yamagapa no kiywoki tokoro ni uturiidemasite , wa ga tokoro to usupakimase to , tatematuru mitegura pa akaru tape -- teru tape – nigitape – aratape ni sonapematurite , miakaramuru mono to kagami , moteasobu mono to tama , ipanatu mono to yumiya , utitatu mono to tati , paseiduru mono to mi-ma , mi-ki pa , mika no pe takasiri , mika no para mitenarabete , yone ni mo kapi ni mo , yama ni sumu mono pa , ke no nikomono – ke no aramono , opo-nwo no para ni opuru mono pa , amana – karana , awomi no para ni sumu mono pa , pata no piromono – pata no semono , oki tu mopa – pe tu mopa ni itaru made ni , yokoyama no gotoku tukuwe tu mono ni okitarapasite , tatematuru udu no mitegura wo , sumyegamwi-tati no mi-kokoro mo akiraka ni , yasumitegura no tarimitegura to , tapirakeku kikosimyesite , tatari-tamapi takebwi-tamapu koto naku site , yamakapa no piroku kiywoki tokoro ni uturiidemasite , kamu-nagara sidumarimase to tatapegoto wopematuraku " to mawosu .

 

Norito 26. Presenting offerings on dispatching an envoy to China

1. sumyemima no mikoto no opo-mikoto motite , suminoye ni koto wopematuru sumyegamwi-tati no mapye ni mawositamapaku , " morokosi ni tukapi tukapasa-mu to suru ni , punasuwe naki ni yorite , parima no kuni yori punanoru to site , tukapi pa tukapasa-mu to omoposi-myesu ma ni sumyegamwi no mikoto motite , punasuwe pa ware tukura-mu to wosipesatositamapiki .

2. wosipesatositamapinagara , punasuwe tukuritamapereba , yorokobwi yorosimi , wiyaziro no mitegura wo , tukasa kurawi nanigasi ni sasagemotasimete , tatematuraku " to mawosu .

 

Norito 27. Divine Congratulatory Words of the Kuni-no-Miyatukwo of Idumo

1. ya-sokabi pa aredomo , kyepu no ikupi no tarupi ni , idumo no kuni no kuni no miyatuko nanigasi , kasikwomi kasikwomi mo mawositamapaku , " kakemaku mo kasikwoki aki tu mi-kamwi to , opo-yasimaguni sirosimyesu sumyeramikoto no opo-miyo wo , tanaga no opo-miyo to ipapu to ( mosi noti no ipapi no toki ni pa , noti no zi wo kupapeyo. ) site , idumo no kuni no awogakiyama no uti ni , sita tu ipane ni miyabasira putwosiritate , takama no para ni ti-gi takasirimasu , izanaki no pimanakwo , kaburwoki kumanwo no opo-kamwi , kusimikenwo no mikoto , kuni tukurimasisi opo-namoti no mikoto puta-pasira no kamwi wo padimete , momo-yasomarimuyasiro ni masu sumyegamwi-tati wo , soregasi ga yowakata ni putwodasuki torikakete , itu nusa no wo musubi , ame no mikabi kagapurite , idu no maya ni arakusa wo idu no musiro to karisikite , itupe kuromasi , ame no mikawa ni imikomorite , sidumiya ni ipapisidumetukapematurite , asapi no toyosakanobori ni , ipapi no kapyerigoto no kamupoki no yogoto , mawositamapaku " to mawosu .

2. " takama no kamumioya takamimusubi no mikoto no , sumyemima no mikoto ni ame no sita ya-simaguni wo koto yosa-si-maturi-si toki ni , idumo no omi-ra ga topo tu kamwi ame no popi no mikoto wo , kunigatami ni tukapasi-si toki ni , ame no ya-pegumwo wo osiwakete , amagakeri kunigakerite , ame no sita wo mimegurite kapyerigoto mawositamapaku , ' toyoasipara no midupo no kuni pa , piru pa sabape nasu minawaki , yoru pa pobe nasu kagayaku kamwi ari , ipane – kodati – awominawa mo koto twopite araburu kuni nari .

3. sikaredomo sidumemukete , sumyemima no mikoto ni yasukuni to tapirakeku sirosimasasimemu to mawosite , onore mikoto miko ame no pinatori no mikoto ni putunusi no mikoto wo sopete , amakudasitukapasite , araburu kamwi-domo wo parapimuke , kuni tukura-si-si opo-kamwi wo mo kobwisidumete , opo-yasimaguni no aki tu koto – utusigoto koto yosasimeki .

4. sunapati opo-namoti no mikoto no mawositamapaku , ' sumyemima no mikoto no sidumari-masa-mu opo-yamato no kuni to mawosite , onore mikoto no nigimitama wo ya-ta no kagami ni toritukete , yamato no opo-mononusikusimikatama no mikoto to mina wo tatapete , opo-miwa no kamunabwi ni mase , onore mikoto no mi-kwoadisukitakapikwone no mikoto no mi-tama wo , kaduraki no kamwo no kamunabwi ni mase , kotosironusi no mikoto no mi-tama wo unate ni mase , kayanarumi no mikoto no mi-tama wo asuka no kamunabwi ni masete , sumyemima no mikoto no tikaki mamorigamwi to tatematuriokite , ya-ponikiduki no miya ni sidumarimasiki .

5. koko ni mutukamurwoki – kamurwomi no mikoto no noritamapaku , ' imasi ame no popi no mikoto pa , sumyera mikoto no tanaga no opo-miyo wo , kakipa ni tokipa ni ipapimaturi , ikasi no mi-yo ni sakipapemature to opose-tamapi-si tugite no manima ni , ipapigoto ( mosi noti no ipapi no toki ni pa , noti no zi wo kupapeyo. ) tukapematurite , asapi no toyosakanobori ni , kamwi no wiyaziro – omi no wiyaziro to , mi-poki no kamudakara tatematuraku " to mawosu .

6. " siratama no opo-misiragamasi , akatama no mi-akarabwimasi , awotama no midu no ye no tama no yukiapi ni , aki tu mi-kamwi to opo-yasimaguni sirosimyesu , sumyera mikoto no tanaga no opo-miyo wo , mi-pakasi pira ni utikatame , siromima no mapyeasi no tume – siripeasi no tume , pumitaturu koto pa , opo-miya no utito no mi-kadwo no pasira wo , upa tu ipane ni pumikatame , sita tu ipane ni pumikogorasi , puritaturu mimi no iya taka ni , ame no sita wo sirosimyesa-mu koto no sirusi no tame , siramidori no ikimituki no moteaswobimono to , sidu no opo-mikokoro mo tasi ni , woti no purukapagisi , koti no purukapagisi ni opitatu wakaminuma no , iya wakaye ni mi-wakayemasi , susugi puru wodomi no midu no , iya woti ni mi-woti-masi , maswopi no opo-mikagami no omo wo osiparukasite misonapasu koto no gotoku , aki tu mi-kamwi no opo-yasimaguni wo , ame tuti tuki pi to tomo ni , yasurake-ku tapirake-ku sirosimesa-mu koto no sirusi no tame to , mi-poki no kamudakara wo sasagemotite , kamwi no wiyaziro – omi no wiyaziro to , kasikomi kasikomi mo , ama tu tugite no kamupoki no yogoto mawositamapaku " to mawosu .

 

Shoku nihongi Senmyō

Senmyō 1. Monmu 1 8th Month (697), Emperor Monmu

1. 現御神止大八嶋国所知天皇大命良麻止詔大命乎集侍皇子等王等百官人等天下公民諸聞食止詔。

2. 高天原尓事始而遠天皇祖御世中今至 麻弖尓天皇御子之阿礼坐牟弥継継尓大八嶋国将知次止天都神乃御子随母天坐神之依之奉之随此天津日嗣高御座之業止現御神止大八嶋国所知倭根子天皇命授賜比負賜布貴支高支広支厚支大命乎受賜利恐坐弖此乃食国天下乎調賜比平賜比天下乃公民乎恵賜比撫賜牟止奈母随神所思行佐久止詔天皇大命乎諸聞食止詔。

3. 是以天皇朝廷敷賜行賜幣留百官人等四方食国乎治奉止任賜幣留国々宰等尓国法乎過犯事無久明支浄支直支誠之心以而御称々而緩怠事無久務結而仕奉止詔大命乎諸聞食止詔。

4. 故如此之状乎聞食悟而欸将仕奉人者其仕奉礼良牟状随品々讃賜上賜治将賜物曽止詔天皇大命乎諸聞食止詔。

1. aki tu mi-kamwi to opo-yasimakuni sira-si-myesu sumyera ga opo-mikotorama to noritamapu opo-mikoto wo ugonapar-eru mi-kwo-tati opo-kimi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. takama no para ni koto pazimete toposumyerogi no mi-yo naka ima ni itaru made ni sumyera ga mi-kwo no are-masa-mu iya tugitugi ni opo-yasimakuni sirasa-mu tugite to ama tu kamwi no mi-kwo-nagara mo ame ni masu kamwi no yosa-si-maturi-si manima-ni ko no amatupitugitakamikura no waza to aki tu mi-kamwi to opo-yasimakuni sirosimyesu yamato nekwosumyeramikoto no saduke-tamapi opose-tamapu taputwo-ki taka-ki piro-ki atu-ki opo-mikoto wo uke-tamapari kasikwomi-masite ko no wosukuni ame no sita wo totonope-tamapi tapirage-tamapi ame no sita no opo-mitakara wo utukusibwi-tamapi nade-tamapa-mu to namo kamu-nagara omoposi-myesaku to noritamapu sumyera ga opo-mikoto wo moromoro kiki-tamapeyo to noritamapu .

3. koko wo motite sumyera ga mikadwo no siki-tamapi okonapi-tamap-yeru tukasadukasa no pito-domo yomo no wosukuni wo wosame-mature to make-tamap-yeru kuniguni no mikotomoti-domo ni itaru made ni kuni no nori wo ayamati wokasu koto na-ku aka-ki kiyo-ki napo-ki makoto no kokoro wo motite mi-pakari-pakarite yurupi-okotaru koto na-ku tutwome-simarite tukape-mature to noritamapu opo-mikoto wo moromoro kiki-tamapeyo to noritamapu .

4. kare kaku no sama wo kiki-tamape-satorite iswosi-ku tukape-matura-mu pito pa so no tukape-matur-era-mu sama no manima-ni sinazina pome-tamapi age-tamapi wosame-tamapa-mu mono zo to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 2. Keiun 4 4th Month (707), Emperor Monmu

1. 天皇詔旨勅久汝藤原朝臣乃仕奉状者今乃未尓不在

2. 掛母畏支天皇御世御世仕奉而今母又朕卿止為而以明浄心而朕呼助奉仕奉事乃重支労支事呼所念坐御意坐尓依而多利麻比氐夜々弥賜閇婆忌忍事尓似事呼志奈母常労弥重弥所念坐久止宣。

3. 又難波大宮御宇掛母畏支天皇命乃汝父藤原大臣乃仕奉賈利。

4. 是以令文所載多流呼跡止為而随令長遠久始今而次々被賜将往物叙止食封五千戸賜久止勅命聞宣。

1. sumyera ga opo-mikotorama to nori-tamapaku mimasipudipara no asomi no tukape-maturu sama pa ima nomwi ni ara-zu

2. kake-maku mo kasikwo-ki sumyera ga miyomiyo tukape-maturite ima mo mata wa ga mapyetukimi to site aka-ki kiyo-ki kokoro mo motite ware wo tasuke-maturi tukape-maturu koto no ikasi-ki itapasi-ki koto wo omoposi-masu mi-kokoro imasu ni yorite tarimapite ya-ya mi-tamapeba imi-sinuburu koto ni niru koto wo si namo tune itopasimi ikasi-mi omoposi-masaku to noritamapu .

3. mata nanipa no opo-miya ni ame no sita sira-si-myesi-si kake-maku mo kasikwo-ki sumyeramikoto no mimasi notiti pudipara no opo-omi no tukape-maturi-kyeru sama woba takeuti no sukune no mikoto no tukape-maturi-kyeru koto to oyazi koto zo to nori-tamapite wosame-tamapi utukusibwi-tamapi-kyeri .

4. koko wo motite nori no pumi ni nose-taru wo ato tosite nori nomani mani naga-ku topo-ku ima wo pazimete tugitugi ni tamapari-yuka-mu mono zo to pepito i-ti tamapaku to noritamapu opo-mikoto wo kiki-tamapeyo to noritamapu .

 

Senmyō 3. Keiun 4 7th Month (707), Empress Genmei

1. 現神八洲御宇倭根子天皇詔旨勅命親王諸王諸臣百官人等天下公民衆聞宣。

2. 関母威岐 藤原宮御宇倭根子天皇丁酉八月尓此食国天下之業乎日並所知皇太子之嫡子今御宇豆留天皇尓授賜而並坐而此天下乎治賜比諧賜岐。

3. 是者関母威岐近江大津宮御宇大倭根子天皇乃与天地共長与日月共遠不改常典止立賜比敷賜覇留法乎受被賜坐而行賜事止衆受被賜而恐美仕奉利豆羅久止詔命乎衆聞宣。

4. 如是仕奉侍尓去年十一月尓威加母我王朕子天皇乃詔豆羅久朕御身労坐故暇間得而御病欲治此乃天豆日嗣之位者大命尓坐世大坐坐而治可賜止譲賜命乎受被坐賜而答曰豆羅久朕者不堪止辞白而受不坐在間尓遍多久日重而譲賜倍婆労美威美今年六月十五日尓詔命者受賜止白奈賀羅此重位尓継坐事呼奈良母天地心呼労美重美畏坐左久止詔命衆聞宣。

5. 故是以親王始而王臣百官人等乃浄明心以而弥務尓弥結尓阿奈々比奉輔佐奉牟事尓依而志此食国天下之政事者平長将在止奈母所念坐。

6. 又天地之共長遠不改常典止立賜覇留食国法母傾事無久動事無久渡将去止奈母所念行左久止詔命衆聞宣。

7. 遠皇祖御世乎始而天皇御世御世天豆日嗣止高御座尓坐而此食国天下乎撫賜比慈賜事者辞立不在人祖乃意能賀弱児乎養治事乃如久治賜比慈賜来業止奈母随神所念行須。

8. 是以先豆先豆 天下公民之上乎慈賜久 復賜久止詔天皇大命呼衆聞宣。

1. aki tu mi-kamwi to opo-yasima sira-si-myesu yamto nekwo sumyera ga opo-mikotorama to noritamapu opo-mikoto mikwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. kake-maku mo kasikwo-ki pudipara no miya ni ame no sita sira-si-myesi-si yamato nekwo sumyeramikoto pinoto no tori no tosi no padukwi ni ko no wosukuni ame no sita no waza wo pi name-si no mi-kwo no mikoto no mukapimyebara no mi-kwo ima ame no sita sira-si-myesi-turu sumyeramikoto ni saduke-tamapite narabi-imasi ko no ame no sita wo wosame-tamapi totonope-tamapi-ki .

3. ko pa kakemaku mo kasikwo-ki apumi no opo-tu no miya ni ame no sita sira-si-myesi-si yamato nekwo sumyeramikoto no ametuti to tomo ni naga-ku pitukwi to tomo ni topo-ku aratamu masizi-ki tune no nori to tate-tamapi siki-tamap-yeru nori wo uke-tamapari-masite okonapi-tamapu koto to moromoro uke-tamaparite kasikwo-mi tukape-maturi-turaku to noritamapu opo-mikoto wo moromoro kiki-tamapeyo to noritamapu .

4. kaku tukape-maturi-paberu ni kozo no simotukwi ni kasikwo-ki kamo wa ga opo-kimi wa ga kwo sumyeramikoto no noritamapituraku ware mi-mwi tukarasi-ku imasu ga yuwe ni itwoma ete mi-yamapi wosame-tamapa-mu to su ko no ama tu pitugi no kurawi pa opo-mikoto ni imase opomasimasite wosame-tamapu be-si to yuduri-tamapu opo-mikoto wo uke-tamapari-masite kotapemawosi-turaku ware pa tapezi to inabwi-mawosite uke-masa-zu aru apida ni tabi-maneku pi kasanete yuduri-tamapeba itapasi-mi kasikwo-mi kotosi no minadukwi no towo-ka amari itu-ka no pi ni opo-mikoto pa uke-tamapu to mawosi-nagara ko no ikasikurawi ni tugi-masu koto wo namo ametuti no kokoro wo itapasi-mi ikasi-mi kasikwomi-masaku to noritamapu opo-mikoto wo moromoro kiki-tamapeyo to noritamapu .

5. karekoko wo motite mikwo-tati wo pazimete opo-kimi-tati omitati tukasadukasa no pito-domo no kiyo-ki aka-ki kokoro wo motite iya tutome ni iya simari ni ananapi-maturi tasuke-matura-mu koto ni yorite si ko no wosukuni ame no sita no maturigoto pa tapirake-ku nagag-ku ara-mu to namo omoposi-masu .

6. mata ametuti no muta naga-ku topo-ku aratamu masizi-ki tune no nori to tate-tamap-yeru wosukuni no nori mo katabuku koto na-ku ugwoku koto na-ku watari-yuka-mu to namo omoposi-myesaku to noritamapu opo-mikoto wo moromoro kiki-tamapeyo to noritamapu .

7. toposumyerogi no mi-yo wo pazimete sumyera ga miyomiyo ama tu pitugi to takamikura ni imasite ko no wosukuni ame no sita wo nade-tamapi utukusibwi-tamapu koto pa kotodatu ni ara-zu pito no oya no ono ga wakugwo wo pidasu koto no goto-ku wosame-tamapi utukusibwi-tamapi-kuru waza to namo kamu-nagara omoposi-myesu .

8. koko wo motite madumadu ame no sita no opo-mitakara no upe wo utukusibwi-tamapaku [KANBUN_TEXT] yurusi-tamapaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 4. Wadō 1 1st Month (708), Empress Genmei

1. 現神御宇倭根子天皇詔旨勅命乎親王諸王諸臣百官人等天下公民衆聞宣。

2. 高天原由天降坐志天皇御世乎始而中今尓至麻氐尓天皇御世御世天豆日嗣高御座尓坐而治賜慈賜来食国天下之業止奈母神随所念行佐久止詔命乎衆聞宣。

3. 如是治賜慈賜来留天豆日嗣之業今皇朕　御世尓当而坐者天地之心乎労弥重弥辱弥恐弥坐尓聞看食国中乃東方武蔵国尓自然作成和銅出在止奏而献焉。

4. 此物者天坐神地坐祇乃相于豆奈比奉福波倍奉事尓依而顕久出多留宝尓在羅之止奈母神随所念行須。

5. 是以天地之神乃顕奉瑞宝尓依而御世年号改賜換賜波久止詔命乎衆聞宣。

6. 故改慶雲五年而和銅元年為而御世年号止定賜。

7. 是以　天下尓慶命詔久冠位上可賜人々治賜。

8. 免武蔵国今年庸当郡調詔天皇命呼衆聞宣。

1. aki tu mi-kamwi to ame no sita sira-si-myesu yamato nekwo sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. takama no para yu amori-masi-si sumyera ga mi-yo wo pazimete nakaima ni itaru made ni sumyera ga miyomiyo ama tu pitugi takamikura ni imasite wosame-tamapi utukusibwi-tamapi-kuru wosukuni ame no sita no waza to namo kamu-nagara omoposi-myesaku to noritamapu opo-mikoto wo moromoro kiki-tamapeyo to noritamapu .

3. kaku wosame-tamapi utukusibwi-tamapi-kuru ama tu pitugi no waza to ima sumyera wa ga mi-yo ni atarite imaseba ametuti no kokoro wo itapasi-mi ikasi-mi katazikena-mi kasikwo-mi masu ni kikosi-myesu wosukuni no uti no pimukasi no kata muzasi no kuni ni onodukara ni nar-eru nikiakagane ide-tari to mawosite tate-matur-eri .

4. ko no mono pa ame ni masu kamwi kuni ni masu kamwi no api-udunapi-maturi sakipape-maturu koto ni yorite utusi-ku ide-taru takara ni aru rasi to namo kamu-nagara omoposi-myesu .

5. koko wo motite ametuti no kamwi no arapasi-matur-eru sirusi no takara ni yorite mi-yo no na aratame-tamapi kape-tamapaku to noritamapu opo-mikoto wo moromoro kiki-tamapeyo to noritamapu .

6. kare keiun no itu-tose wo aratamete wadou no pazime no tosi to site mi-yo no na to sadame-tamapu .

7. koko wo motite ame no sita ni yorokobwi no opo-mikoto nori-tamapaku kagapurikurawi age-tamapu be-ki pitobito wosame-tamapu .

8. muzasi no kuni no kotosi no tikara sirosono kopori no mi-tukwi yurusi-tamapu to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 5. Jinki 1 2nd Month (724), Emperor Shōmu

1. 現神大八洲所知倭根子天皇詔旨止勅大命乎親王諸王諸臣百官人等天下公民衆聞食宣。

2. 高天原尓神留坐皇親神魯岐神魯美命吾孫将知食国天下止与佐斯奉志麻尓々々高天原尓事波自米而四方食国天下乃政乎弥高弥広尓天日嗣止高御座尓坐而大八嶋国所知倭根子天皇乃大命尓坐詔久此食国天下者掛畏岐藤原宮尓天下所知美麻斯乃父止坐天皇乃美麻斯尓賜志天下之業止詔大命乎聞食恐美受賜懼理坐事乎衆聞食宣。

3. 可久賜時尓美麻斯親王乃齡乃弱尓荷重波不堪自加止所念坐而皇祖母坐志志掛畏岐我皇天皇尓授奉岐。

4. 依行而是平城大宮尓現御神止坐而大八嶋国所知而霊亀元年尓此乃天日嗣高御座之業食国天下之政乎朕尓授賜譲賜而教賜詔賜都良久挂畏淡海大津宮御宇倭根子天皇乃万世尓不改常典止立賜敷賜閇留随法後遂者我子尓佐太加尓牟倶佐加尓無過事授賜止負賜詔賜比志尓坐間尓去年九月天地貺大瑞物顕来理。

5. 又四方食国乃年実豊尓牟倶佐加爾尓得在止見賜而随神母所念行尓于都斯久母皇朕賀御世当顕見魯物尓者不在。

6. 今将嗣坐御世名乎記而応来顕来留物尓在良志止所念坐而今神亀二字御世乃年名止定氐改養老八年為神亀元年而天日嗣高御座 食国天下之業乎吾子美麻斯王尓授賜譲賜止詔天皇大命乎頂受賜恐美持而辞啓者天皇大命恐被賜仕奉者拙久劣而無所知。

7. 進母不知退母不知天地之心母労久重百官之情母辱愧美奈母随神所念坐。

8. 故親王等始而王臣汝等清支明支正支直支心以皇朝乎穴比扶奉而天下公民乎奏賜止詔命衆聞食宣。

9. 辞別詔久　遠皇祖御世始而中今尓至麻氐天日嗣止高御座尓坐而此食国天下乎撫賜慈賜久波時々状々尓従而治賜慈賜来業止随神所念行須。

10. 是以先天下乎慈賜治賜久 又官々仕奉韓人部一二人尓其負而可仕奉姓名賜。

11. 又百官々人及京下僧尼大御手物取賜治賜久止詔天皇御命衆聞食宣。

1. aki tu mi-kamwi to opo-yasimakuni sira-si-myesu yamato nekwo sumyera ga opo-mikotorama to noritamapu opo-mikoto wo opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. takama no para ni kamu-dumari-masu sumyera ga mutukamurwoki kamurwomi no mikoto no wa ga mima no sira-sa-mu wosukuni ame no sita to yosasi-maturi-si manima ni takama no para ni koto pazimete yomo no wosukuni ameno sita no maturigoto wo iya taka ni iya piro ni ama tu pitugi to takamikura ni imasite opo-yasimakuni sira-si-myesu yamato nekwo sumyeramikoto no opo-mikoto ni imase nori-tamapaku ko no wosukuni ame no sita pa kake-maku mo kasikwo-ki pudipara no miya ni ame no sita sira-si-myesi-si mimasi no titi to imasu sumyeramikoto no mimasi ni tamapi-si ame no sita no waza to noritamapu opo-mikoto wo kiki-tamape kasikwomi-uke-tamapari-osori-masu koto wo moromoro kiki-tamapeyo to noritamapu .

3. kaku tamap-yeru toki ni mimasi mi-kwo no yopapi no waka-ki ni ni omo-ki pa tapezi ka to omoposi-masite sumyemioya to imasi-si kake-maku mo kasikwo-ki wa ga opo-kimi sumyeramikoto ni saduke-maturi-ki .

4. kore ni yorite ko no nara no opo-miya ni aki tu mi-kamwi to imasite opo-yasimaguni sira-si-myesite reiki no pazime no tosi ni ko no ama tu pitugi takamikura no waza wosukuni ame no sita no maturigoto wo ware ni saduke-tamapi yuduri-tamapite wosipe-tamapi nori-tamapi-turaku kake-maku mo kasikwo-ki apumi no opo-tu no miya ni ame no sita sira-si-myesi-si yamato nekwo sumyeramikoto no yorodu-yo ni aratamu masizi-ki tune no nori to tate-tamapi siki-tamap-yeru nori no manima ni noti tupi ni pa imasu apida ni kozo no nagatukwi ametuti no tamap-yeru opo-ki sirusi no mono arapare-kyeri .

5. mata yomo no wosukuni no tosi yutaka ni mukusaka ni e-tari to mi-tamapite kamu-nagara mo omoposi-myesu ni utusi-ku mo sumyera wa ga mi-yo ni atarite araparuru mono ni pa arazi .

6. ima tugi-masa-mu mi-yo no na wo sirusite kotape-kyeri arapare-kyeru mono ni aru rasi to omoposi-masite ima zinki no puta-mozi wo mi-yo no na to sadamete yaurau no ya-tose aratamete zinki no pazime no tosi to site ama tu pitugi takamekura wosukuni pame no sita no waza wo wa ga kwo mimasi opo-kimi ni saduke-tamapi yuduri-tamapu to noritamapu sumyera ga opo mikoto wo itadaki ni uke-tamapari kasikwo-mi motite inabwi-mawosaba sumyera ga opo-mikoto kasikwo-ku tamapari-tukape-maturaba tutana-ku wodina-kute sir-eru koto na-si .

7. susumi mo sira-ni sirizoki mo sira-ni ametuti no kokoro mo itapasi-ku ikasi-ku tukasadukasa no kokoro mo katazikena-mi pazikasi-mi namo kamu-nagara omoposi-masu .

8. kare mi-kwo tati wo pazimete opo-kimi-tati omi-tati imasi-tati kiywo-ki aka-ki tadasi-ki napo-ki kokoro wo motite sumyera ga mikadwo wo ananapi tasuke-maturite ame no sita no opo-mitukara wo mawosi-tamape to noritamapu opo-mikoto wo moromoro kiki-tamapeyo to noritamapu .

9. koto wakite nori-tamapaku toposumyeroki no mi-yo wo pazimete nakaima ni itaru made ama tu pitugi to takamikura ni imasite ko no wosukuni ame no sita wo nade-tamapi utukusibwi-tamapaku pa tokidoki samazama ni sitagapite wosame-tamapi utukusibwi-tamapi-kuru waza to kamu-nagara omoposi-myesu .

10. koko wo motite madu ame no sita wo utukusibwi-tamapi wosame-tamapaku [KANBUN_TEXT] mata tukasadukasa ni tukape-maturu karapito-domo pito-ri puta-ri ni so no opite tukape-maturu be-ki kabane na tamapu .

11. mata tukasadukasabito to mi-satwo no popusi ama to ni opo-mite tu mono tora-si-tamapi wosame-tamapaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 6. Tenpyō 1 8th Month (729), Emperor Shōmu

1. 現神御宇倭根子天皇詔旨勅命乎親王等諸王等諸臣等百官人等天下公民衆聞宣。

2. 高天原由天降坐之天皇御世始而許能天官御座坐而天地八方治賜調賜事者聖君止坐而賢臣供奉天下平久百官安久為而之天地大瑞者顕来止奈母随神所念行佐久止詔命乎衆聞宣。

3. 如是詔者大命坐皇朕御世当而者皇止坐朕母聞持流事乏久見持留行少美朕臣為供奉人等母一二乎 漏落事母在牟加止辱美愧美所思坐而我皇太上天皇大前尓恐古士物進退匍匐廻保理白賜比受被賜久者卿等乃問来政乎者加久耶答賜加久耶答賜止白賜官尓耶治賜止白賜倍婆教賜於毛夫気賜答賜宣賜随尓此乃食国天下之政乎行賜敷賜乍供奉賜間尓京職大夫従三位藤原朝臣麻呂等伊負図亀一頭献止奏賜不尓所聞行驚賜恠賜所見行歓賜嘉賜氐所思行久者于都斯久母皇朕政乃所致物尓在米耶。

4. 此者太上天皇厚支広支徳乎蒙而高支貴支行尓依而顕来　大瑞物曽止詔命乎衆聞宣。

5. 辞別詔久此大瑞物者天坐神地坐神乃相宇豆奈比奉福奉事尓依而顕奉流貴瑞以而御世年号改賜換賜。

6. 是以　改神亀六年為天平元年而大赦天下百官主典已上人等冠位一階上賜事乎始一二乃慶命恵賜行賜止詔天皇命乎衆聞食宣。

1. aki tu mi-kamwi to ame no sita sira-si-myesu yamato nekwo sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. takama no para yu amori-masi-si sumyera ga mi-yo wo pazimete ko no takamikura ni imasite ametuti ya-mo wo wosame-tamapi totonope-tamapu koto pa piziri no kimi to imasite sakasi-ki omi tukape-maturi ame no sita tapirake-ku tukasadukasa yasu-ku site si ametuti no opo-ki sirusi pa arapare-ku to namo kamu-nagara omoposi-myesaku to noritamapu opo-mikoto wo moromoro kiki-tamapeyo to noritamapu .

3. kaku noritamapu pa opo-mikoto ni imase sumyera wa ga mi-yo ni atarite pa sumyera to imasu ware mo kiki-mot-aru koto tomosi-ku mi-mot-aru okonapi sukuna-mi wa ga omi to site tukape-maturu pito-tati mo pito-tu puta-tu wo mora-si otosu koto mo ara-mu ka to katazikena-mi paduzukasi-mi omoposi-masite wa ga opo-kimi opo-ki sumyeramikoto no opo-mapye ni kasikwo zimono sizimapi-papi-motopori-mawosi-tamapi uke-tamaparaku pa mapye tu kimi-tati no twopi-ko-mu maturigoto woba kaku ya kotape-tamapa-mu kaku ya kotape-tamapa-mu to mawosi-tamapu tukasa ni ya wosame-tamapa-mu to mawosi-tamapeba wosipe-tamapi omobuke-tamapi kotape-tamapi noritamapu manima ni ko no wosukuni ame no sita no maturigoto wo okonapi-tamapi siki-tamapitutu tukape-maturi-tamapu apida ni mi-satwodukasa no kami piro-ki mi-tu no kurawi pudipara no asomi marora i pumi-op-yeru kame pito-tu tatematuraku to mawosi-tamapu ni kikosi-myesi odoroki-tamapi ayasibwi-tamapi misonapasi-yorokobwi-tamapi mede-tamapite omoposi-myesaku pa utusi-ku mo sumyera wa ga maturigoto no itas-eru mono ni ara-me ya .

4. ko pa opo-ki sumyeramikoto no atu-ki piro-ki utukusubwi wo kagapurite taka-ki taputwo-ki okonapi ni yorite arapare-kyeru opo-ki sirusi no mono so to noritamapu opo-mikoto wo moromoro kiki-tamapeyo to noritamapu .

5. koto wakite nori-tamapaku ko no opo-ki sirusi no mono pa ame ni masu kamwi kuni ni masu kamwi no api-udunapi-maturi sakipape-maturu koto ni yorite arapasi-matur-eru taputwo-ki sirusi naru wo motite mi-yo no na aratame-tamapi kape-tamapu .

6. koko wo motite zinki no mu-tose wo aratamete tempiyau no pazime no tosi to site ame no sita piro-ku tumi yurusi-tamapi tukasadukasa no sakwan ywori kamitukata no pito-domo kagapurikurawi pitosina age-tamapu koto wo pazime pito-tu puta-tu no yorokobwi no opo-mikoto wo utukusibwi-tamapi okonapi-tamapu to noritamapu sumyera ga opo-mikoto wo moromoro kiki-tamapeyo to noritamapu .

7.

 

Senmyō 7. Tenpyō 1 8th Month (729), Emperor Shōmu

1. 天皇大命良麻止親王等又汝王臣等語賜幣止勅久皇朕高御座尓坐初由利今年尓至麻氐六年尓成奴。

2. 此乃間尓天都位尓嗣坐倍伎次止為氐皇太子侍豆。

3. 由是其婆婆止在須藤原夫人乎皇后止定賜。

4. 加久定賜者　皇朕御身毛年月積奴。

5. 天下君坐而年緒長久皇后不坐事母一豆乃善有良努行尓在。

6. 又於天下政置而独知倍伎物不有。

7. 必母斯理幣能政有倍之。

8. 此者事立尓不有。

9. 天尓日月在如地尓山川有如並坐而可有止言事者汝等王臣等明見所知在。

10. 然此位乎遅定米豆良久波刀比止麻尓母己我夜気授留人乎波一日二日止択比十日廿日止試定止斯伊波婆許貴太斯伎意保伎天下乃事乎夜多夜須久行無止所念坐而此乃六年乃内乎択賜試賜而今日今時眼当衆乎喚賜而細事乃状語賜布止詔勅聞宣。

11. 賀久詔者挂畏支於此宮坐氐現神大八洲国所知倭根子天皇我王祖母天皇乃始斯皇后乎朕賜日尓勅豆良久女止云波婆等美夜我加久云。

12. 其父侍大臣乃皇我朝乎助奉輔奉氐頂伎恐美供奉乍夜半暁時止休息無久浄伎明心乎持氐波波刀比供奉乎所見賜者其人乃宇武何志伎事欸事乎送不得忘。

13. 我児我王過无罪無有者捨麻須奈忘麻須奈止負賜宣賜志大命依而加尓加久尓年乃六年乎試賜使賜氐此皇后位 呼授賜。

14. 然毛朕時乃未尓波不有。

15. 難波高津宮御宇大鷦鷯天皇葛城曽豆比古女子伊波乃比売命皇后止御相坐而食国天下之政治賜行賜家利。

16. 今米豆良可尓新伎政者不有本由理行来迹事曽止詔勅聞宣。

1. sumyera ga opo-mikotorama to mi-kwo-tati mata imasi opo-kimi-tati omi-tati ni katarapi-tamapye to nori-tamapaku sumyera ware takamikura ni imasi some-si yuri kotosi ni itaru made mu-tose ni nari-nu .

2. ko no apida ni ama tu kurawi ni tugi-masu be-ki tugite to site pitugi no mi-kwo paberi-tu

3. kore ni yorite so no papa to ara-su pudipara no opo-tozi wo opo-kisaki to sadame-tamapu .

4. kaku sadame-tamapu pa sumyera wa ga mi-mwi mo tositukwi tumori-nu .

5. ame no sita no kimi to imasite tosi no wo naga-ku opokisaki imasa-nu koto mo pitotu no yok-ara-nu waza ni ari .

6. mata ame no sita no maturigoto ni okite pito-ri siru be-ki mono ni ara-zu .

7. kanarazu mo siripye no maturigoto aru be-si .

8. ko pa kotodatu ni ara-zu .

9. ame ni pitukwi aru goto tuti ni yamakapa aru goto narabi-imasite aru be-si to ipu koto pa imasi-tati opo-kimi-tati omi-tati akirake-ku mi-sira-re-tari .

10. sikaredomo ko no kurawi wo oso-ku sadame-turaku pa twopito mani mo ono ga yake sadukuru pito wo pa pitopi puta-ka to erabi towo-ka patuka to kokoro-mi-sadamu to si ipaba kokwidasi-ki opo-ki ame no sita no koto wo ya tayasu-ku okonapa-mu to omoposi-masite ko no mu-tose no uti wo erabi-tamapi kokoro-mi-tamapite kyepu ima ma no atari moromoro wo myesi-tamapite tubusa ni koto no sama katarapi-tamapu to noritamapu opo-mikoto wo kiki-tamapeyo to noritamapu .

11. kaku noritamapu pa kake-maku mo kasikwo-ki ko no miya ni masite aki tu mi-kamwi to opo-yasimaguni sira-si-myesi-si yamato nekwo sumyeramikoto wa ga opo-kimi mi-oya sumyeramikoto no pazime ko no opo-kisaki wo ware ni tamap-yeru pi ni nori-tamapi-turaku womina to ipaba pitosi-mi ya wa ga kaku ipu .

12. so no titi to paberu opo-mapye tu kimi no sumyera wa ga mikadwo wo ananapi-maturi tasuke-maturite itadaki-kasikwomi tukape-maturitutu ywonaka akatoki to yasumopu koto na-ku kiywo-ki aka-ki kokoro wo motite papatwopi tukape-maturu wo myesi-tamapeba so no pito no umugasi-ki koto isosi-ki koto wo tupi ni e-wasurezi .

13. wa ga kwo wa ga opo-kimi ayamati na-ku tumi na-ku araba sutemasu na wasuremasu na to opose-tamapi nori-tamapi-si opo-mikoto ni yorite ka ni kaku ni tosi no mu-tose wo kokoro-mi-tamapi tukapi-tamapite ko no opo-kisaki no kurawi wo saduke-tamapu .

14. sikaru mo wa ga toki nomwi ni pa ara-zu .

15. nanipa no takatumiya ni ame no sita sira-si-myesi-si opo-sazaki no sumyeramikoto kadurakwi no sodubikwo no musumye ipa no pimye no mikoto opo-kisaki to mi-api-masite wosukuni ame no sita no maturigoto wosame-tamapi okonapi-tamapi-kyeri .

16. ima meduraka ni aratasi-ki maturigoto ni pa ara-zu moto yuri okonapi-ko-si atwogoto zo to noritamapu opo-mikoto wo kiki-tamapeyo to noritamapu .

 

Senmyō 8. Tenpyō 1 8th Month (729), Emperor Shōmu

1. 天皇詔旨今勅御事法者常事尓波不有武都事止思坐故猶在倍伎物尓有礼夜止思行之氐大御物賜久止宣。

1. sumyera ga opo-mikotorama to ima nori-tamap-yeru mi-kotonori pa tune no koto ni pa ara-zu mutugoto to omoposi-masu ga yuwe ni napo aru be-ki mono ni are ya to omoposi-myesite opo-mimono tamapaku to noritamapu .

 

Senmyō 9. Tenpyō 15 5th Month (743), Emperor Shōmu

1. 天皇大命尓坐西奏賜久掛母畏岐飛鳥浄御原宮尓大八洲所知志聖乃天皇命天下乎治賜比平賜比弖所思坐久上下乎斉倍和気弖无動久静加尓令有尓波礼等楽等二都並弖志平久長久可有等 随神母所思坐弖此乃舞乎始賜比造賜比伎等聞食弖与天地共尓絶事無久弥継尓受賜波利行牟物等之弖皇太子斯王尓学志頂令荷弖我皇天皇大前尓貢事乎奏。

1. sumyera ga opo-mikoto ni imase mawosi-tamapaku kake-maku mo kasikwo-ki asuka no kiywomibara no miya ni opo-yasima sira-si-myesi-si piziri no sumyeramikoto ame no sita wo wosame-tamapi tapirage-tamapite omoposi-masaku kamisimo wo totonope-yaparagete ugoki-naku siduka ni ara-simuru ni pa rai to gaku to puta-tu narabete si tapirake-ku naga-ku aru be-si to kamu-nagara mo omoposi-masite ko no mapi wo pazime-tamapi tukuri-tamapi-ki to kiki-tamapete ametuti to tomo ni tayuru koto na-ku iya tugitugi ni uke-tamapari yuka-mu mono to site pitugi no mi-kwo ko no opo-kimi ni narapa-si-itadaki mota-simete wa ga opo-kimi sumyera mikoto no opo-mapye ni tatematuru koto wo mawosu .

 

Senmyō 10. Tenpyō 15 5th Month (743), Retired Empress Genshō

1. 現神御大八洲我子天皇乃掛母畏伎天皇朝廷乃始賜比造賜弊留宝国宝等之弖此王乎令供奉賜波天下尓立賜比行賜部流法波可絶伎事波無久有家利止見聞喜侍止奏賜等詔大命乎奏。

2. 又今日行賜布態乎見行波直遊止乃味尓波不在之弖天下人尓君臣祖子乃理乎教賜比趣賜布等尓有良志止奈母所思須。

3. 是以教賜比趣賜比奈何良受被賜持弖不忘不失可有伎表等之弖一二人乎治賜波奈止那毛所思行須等奏賜止詔大命乎奏賜波久止奏。

1. aki tu mi-kamwi to opo-yasima sira-si-myesu wa ga kwo sumyeramikoto no kake-maku mo kasikwo-ki sumyera ga mikadwo no pazime-tamapi tukuri-tamap-yeru takara wo kuni no takara to site ko no opokimi wo tukape-matura-sime-tamapeba ame no sita ni tate-tamapi okonapi-tamap-yeru nori pa tayu be-ki koto pa na-ku ari-kyeri to mi-kiki-yorokobwi-paberi to mawosi-tamape to noritamapu opo-mikoto wo mawosu .

2. mata kyepu okonapi-tamapu waza wo misonapaseba tada ni aswobi to nomwi ni pa ara-zu site ame no sita no pito ni kimiomioyakwo no kotowari wo wosipe-tamapi omobuke-tamapu to ni aru rasi to namo omoposi-myesu .

3. koko wo motite wosipe-tamapi omobuke-tamapi-nagara uke-tamapari-motite wasure-zu usinapa-zu aru be-ki sirusi tosite pito-ri puta-ri wo wosame-tamapana to namo omoposi-myesu to mawosi-tamape to noritamapu opo-mikoto wo mawosi-tamapaku to mawosu .

 

Senmyō 11. Tenpyō 15 5th Month (743), Emperor Shōmu

1. 天皇大命良麻等勅久今日行賜比供奉賜態尓依而御世御世当弖供奉礼留親王等大臣等乃子等乎始而可治賜伎一二人等選給比治給布。

2. 是以汝等母今日詔大命乃期等君臣祖子乃理遠忘事無久継坐牟天皇御世御世尓明浄心乎以而祖名乎戴持而天地与共尓長久遠久仕奉礼等之弖冠位上賜比治賜布等勅大命衆聞食宣。

3. 又皇太子宮乃官人尓冠一階上賜布。

4. 此中博士等任賜部留下道朝臣真備尓波冠二階上賜比治賜波久等勅天皇大命衆聞食宣。

1. sumyera ga opo-mikotorama to nori-tamapaku kyepu okonapi-tamapi tukape-maturi-tamapu waza ni yorite miyomiyo ni atarite tukape-matur-eru mi-kwo-tati opo-mapye tu kimi-tati no kwo-domo wo pazimete wosame-tamapu be-ki pitoputari-domo erabi-tamapi wosame-tamapu .

2. koko wo motite imasi-tati mo kyepu noritamapu opo-mikoto no goto kimi omi oya kwo no kotowari wo wasururu koto na-ku tugi-masa-mu sumyera ga miyomiyo ni aka-ki kiywo-ki kokoro wo motite oya no na wo itadaki-motite ametuti to tomo ni naga-ku topo-ku tukape-mature to site kagapurikurawi age-tamapi wosame-tamapu to noritamapu opo-mikoto wo moromoro kiki-tamapeyo to noritamapu .

3. mata pitugi no mi-kwo no miya no tukasabito ni kagapuri pitosina age-tamapu .

4. ko no naka ni pakase to make-tamap-yeru simo tu miti no asomi makibwi ni pa kagapuri puta-sina age-tamapi wosame-tamapaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 12. Tenpyō Shōhō 1 4th Month (749), Emperor Shōmu

1. 三宝乃奴止 仕奉流天皇羅我命　盧舍那像能大前仁奏賜部止奏久此大倭国者天地開闢以来尓黄金波人国用理献言波有登毛斯地者無物止念部流仁聞看食国中能東方陸奥国守従五位上百済王敬福伊部内少田郡仁黄金出在奏弖献。

2. 此遠聞食　驚岐悦備貴備念久波盧舍那仏乃慈賜比福波陪賜物尓有止念閉受賜里恐理戴持百官乃人等率天礼拝仕奉事遠挂畏三宝乃大前尓恐毛恐美毛奏賜波久止奏。

2. sanbou no ya tu kwo to tukape-maturu sumyera ga opo-mikotorama to rusiyana no mi-kata no opo-mapye ni mawosi-tamape to mawosaku . ko no yamato no kuni pa ametuti pirakete ywori ko no kata ni kugane pa pito kuni ywori tatematuru koto pa aredomo ko no kuni ni pa na-ki mono to omop-yeru ni kikosi-myesu wosukuni no uti no pimukasi no kata mitinoku no kuni no kami piro-ki itu-tu no kurawi no kami tu sina kudara no konikisikyaupuku i kuni no uti no woda no kopori ni kugane ide-tari to mawosite tatematur-eri .

3. ko wo kiki-tamape odoroki yorokobwi taputwobwi omopa-ku pa rusiyana potoke no utukusibwi-tamapi sakipape-tamapu mono ni ari to omope uke-tamapari kasikwomari-itadaki-moti tukasadukasa no pito-domo wo piki-wite worogami-tukape-maturu koto wo kake-maku mo kasikwo-ki sanbou no opo-mapye ni kasikwo-mi mo kasikwo-mi mo mawosi-tamapaku to mawosu .

 

Senmyō 13. Tenpyō Shōhō 1 4th Month (749), Emperor Shōmu

1. 現神御宇倭根子天皇詔旨宣大命親王諸王諸臣百官人等天下公民衆聞食宣。

2. 高天原由天降坐之天皇御世乎始天中今尓至 麻弖尓天皇御世御世天日嗣高御座止坐弖治賜比恵賜来流食国天下乃業止奈母神奈我良母所念行久止宣大命衆聞食宣。

3. 加久治賜比恵賜来流天日嗣乃業止今皇朕御世尓当弖坐者天地乃心遠労弥重弥辱美恐美坐尓聞食々国乃東方陸奥国乃小田郡尓金出在止奏弖進礼利。

4. 此遠所念波種々法中尓波仏大御言之国家護我多仁波勝在止聞召食国天下乃諸国尓最勝王経乎坐盧舍那仏化奉止為弖天坐神地坐祇乎祈禱奉。

5. 挂畏遠我皇天皇御世治弖拝仕奉利衆人乎伊謝奈比率弖仕奉心波禍息弖善成危変弖全平牟等念弖仕奉間尓衆人波不成哿登疑朕波金少牟止念憂ツ々在尓三宝乃勝神枳大御言験乎 蒙利天坐神地坐神乃相宇豆奈比奉佐枳波倍奉利又天皇御霊多知乃恵賜比撫賜夫事依弖顕自示給夫物在自等念召波受賜利歓受賜利貴進母不知退母不知夜日畏恐麻利所念波天下乎撫恵備賜事理尓坐　君乃御代尓当弖可在物乎拙久多豆何奈伎朕時尓顕自示給礼波辱美愧美奈母念須。

6. 是以朕一人夜波貴大瑞乎受賜牟。

7. 天下共頂受賜利歓流自理可在等神奈我良母念坐弖奈母衆乎恵賜比治賜比御代年号尓字加賜久止宣天皇大命衆聞食宣。

8. 辞別弖宣久大神宮乎始弖 諸神多知尓 御戸代奉利諸祝部治賜夫。

9. 又寺々尓墾田地許奉利僧綱乎始弖衆僧尼敬問比治賜比新造寺乃官寺止可成波官寺止成賜夫。

10. 大御陵守仕奉人等一二治賜夫。

11. 又御世御世尓当天天下 奏賜比国家護仕奉流事乃勝在臣多知乃侍所尓波置表弖与天地共人尓不令侮不令穢治賜部止宣大命衆聞食宣。

12. 又天日嗣高御座乃業止坐事波進弖波挂畏天皇大御名乎受賜利退弖波婆婆大御祖乃御名乎蒙 弖之食国天下乎婆撫賜恵賜夫止奈母神奈我良母念坐須。

13. 是以王多知大臣乃子等治賜伊自天皇朝尓 仕奉利婆婆尓仕奉尓波可在。

14. 加以挂畏近江大津宮大八嶋国所知之天皇大命止之弖奈良宮大八洲国所知自我皇天皇止御世重弖朕宣自久大臣乃御世重天明浄心以弖仕奉事尓依弖奈母天日嗣波平安久聞召来流此辞忘給奈弃給奈止宣比之大命乎 受賜利恐利汝多知乎恵賜比治賜久止宣大命衆聞食宣。

15. 又三国真人石川朝臣鴨朝臣伊勢大鹿首部波可治賜人止自弖奈母簡賜比治賜夫。

16. 又県犬養橘夫人乃天皇御世重弖明浄心以弖仕奉利皇朕御世当弖毛無怠緩事久助仕天奉利加以祖父大臣乃殿門荒穢湏事无久守ツツ在自之事伊蘇之美宇牟賀斯美忘不給止自弖奈母孫等一二治賜夫。

17. 又為大臣弖仕奉部留臣多知乃子等男波随仕奉状弖種々治賜比ツ礼等母女不冶賜。

18. 是以所念波男能未父名負弖女波伊婆礼奴物尓阿礼夜立双仕奉自理在止奈母念湏。

19. 父我加久斯麻尓在止念弖於母夫気教祁牟事不過失家門不荒自弖天皇朝尓仕奉止自弖奈母汝多知乎治賜夫。

20. 又大伴佐伯宿祢波常母云如久天皇朝守仕奉事顧奈伎人等尓阿礼波汝多知乃祖止母乃云来久海行波美豆久屍山行波草牟湏屍王乃幣尓去曽死米能杼尓波不死止云来流人等止奈母聞召湏。

21. 是以遠天皇御世始弖今朕御世尓当弖母内兵止心中古止波奈母遣湏。

22. 故是以子波祖乃心成伊自子尓波可在。

23. 此心不失自弖 明浄心以弖仕奉止自弖奈母男女并弖一二治賜夫。

24. 又五位已上子等治賜夫。

25. 六位已下尓冠　一階上給比東大寺造人等二階加賜比正六位上尓波子一人治賜夫。

26. 又五位已上及皇親年十三已上无位大舍人等至于諸司仕丁麻弖尓大御手物賜夫。

27. 又高年人等治賜比 困乏人恵賜比孝義有人其事免賜比力田治賜夫。

28. 罪人赦賜夫。

29. 又壬生治賜比知物人等治賜夫。

30. 又見出金人及陸奥国々司郡司百姓至麻弖尓治賜比天下乃百姓衆乎撫賜比恵賜久止宣天皇大命　衆聞食宣。

1. aki tu mi-kamwi to ame no sita sira-si-myesu yamato nekwo sumyera ga opo-mikotorama to noritamapu opo-mikoto wo mikwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. takama no para yu amori-masi-si sumyera ga mi-yo wo pazimete nakaima ni itaru made ni sumyera ga miyomiyo ama tu pitugi takamikura to imasite wosame-tamapi utukusibwi-tamapi-kuru wosukuni ame no sita no waza to namo kamu nagara mo omoposi-myesaku to noritamapu opo-mikoto wo moromoro kiki-tamapeyo to noritamapu .

3. kaku wosame-tamapi utukusibwi-tamapi-kuru ama tu pitugi no waza to ima sumyera wa ga mi-yo ni atarite imaseba ametuti no kokoro wo itapasi-mi ikasi-mi katazikena-mi kasikwo-mi imasu ni kikosi-myesu wosukuni no pimukasi no kata mitinoku no kuni no woda no kopori ni kugane ide-tari to mawosite tatematur-eri .

4. ko wo omoposeba kusagusa no nori no naka ni pa potoke no opo-mikoto si mikadwo mamoru ga ta ni pa sugure-tari to kikosi-myesite wosukuni ame no sita no kuniguni ni saisyouwaugyau wo imase rusiyana potoke tukuri-maturu to site ame ni masu kamwikuni ni masu kamwi wo inori-maturi kake-maku mo kasikwo-ki topo-ki wa ga opo-kimi sumyera ga mi-yo wosamete worogami-tukape-maturi moropito wo izanapi piki-wite tukape-maturu kokoro pa wazapapi yamite yo-ku nari ayapuki-kaparite mata-ku tapiraga-mu to omoposite tukape-maturu apida ni moropito pa narazi ka to utagapi ware pa kugane sukuna-kye-mu to omoposi-urepetutu aru ni sambou no sugurete ayasi-ki opo-mikoto no sirusi wo kagapuri ame ni masu kamwikuni ni masu kamwi no api-udu-napi-maturi saki-pape-maturi mata sumyera ga mi-tama-tati no utukusibwi-tamapi nade-tamapu koto ni yorite arapasi simyesi-tamapu mono ni aru rasi to omoposi-myeseba uke-tamapari yorokobwi-uke-tamapari taputwobwi-susumi mo sira-ni sirizoki mo sira-ni yworupiru kasikwomari omoposeba ame no sita wo nade-utukusibwi-tamapu koto kotowari ni imasu kimi no mi-yo ni atarite aru be-ki monowo wodina-ku tadukana-ki wa ga toki ni arapasi-simyesi-tamap-yereba katazikena-mi padukasi-mi namo omoposu .

5. koko wo motite ware pito-ri ya pa taputwo-ki opo-ki sirusi wo uke-tamapara-mu ame no sita tomo ni itadaki-uke-tamapari yorokoburu si kotowari ni aru be-si to kamunagara mo omoposi-masite namo moromoro wo utukusibwi-tamapi wosame-tamapi mi-yo no na ni mozi kupape-tamapaku to noritamapu sumyera ga opo-mikoto wo moromoro kiki-tamapeyo to noritamapu .

6. koto wakite nori-tamapaku opo-mikamwi no miya wo pazimete moromoro no kamwi-tati ni mi-twosiro tatematuri moromoro no papuri wosame-tamapu .

7. mata teradera ni parita no tokoro yurusi-maturi pousi no tukasa wo pazimete moromoro no pousiama uyamapi-twopi-wosame-tamapi arata ni tukur-eru tera no opo-yakedera to nasu be-ki pa opo-yakedera to nasi-tamapu .

8. opo-misazaki mori-tukape-maturu pito-domo pito-ri puta-ri wosame-tamapu .

9. mata miyomiyo ni atarite ame no sita mawosi-tamapi mikadwo mamori-tukape-maturu koto no sugure-taru omi-tati no paberu tokoro ni pa sirusi wo okite ametuti to tomo ni pito ni anadura-sime-zu kegasa-sime-zu wosame-tamapye to noritamapu opo-mikoto wo moromoro kiki-tamapeyo to noritamapu .

10. mata ama tu pitugi takamikura no waza to imasu koto pa susumite pa kake-maku mo kasikwo-ki sumyera ga opo-mina wo uke-tamapari sirizokite pa papa opo-mioya no mi-na wo kagapurite si wosukuni ame no sita woba nade-tamapi utukusibwi-tamapu to namo kamu nagara mo omoposi-masu .

11. koko wo motite opo-kimi-tati opo-mapye tu kimi no kwo-domo wosame-tamapu i si sumyera ga mikadwo ni tukape-maturi papa ni tukape-maturu ni pa aru besi .

12. sika nomwi ni ara-zu kake-maku mo kasikwo-ki apumi no opo-tu no miya ni opo-yasimaguni sira-si-myesi-si sumyera ga opo-mikoto to site nara no miya ni opo-yasimaguni sira-si-myesi-si wa ga opo-kimi sumyera mikoto to mi-yo kasanete ware ni nori-tamapi-si-ku opo-mapye tu kimi no mi-yo kasanete aka-ki kiywo-ki kokoro wo motite tukape-maturu koto ni yorite namo ama tu pitugi pa tapirake-ku yasurake-ku kikosi-myesi-kuru ko no koto wasure-tamapu na sute-tamapu na to nori-tamapi-si opo-mikoto wo uke-tamapari kasikwomari imasi-tati wo utukusibwi-tamapi wosame-tamapaku to noritamapu opo-mikoto wo moromoro kiki-tamapeyo to noritamapu .

13. mata mi-kuni no mapito isikapa no asomi kamo no asomi ise no opo-ka no obito-domo pa wosame-tamapu be-ki pito to site namo erabi-tamapi wosame-tamapu .

14. mata agata no inukapi no tatibana no opo-tozi no sumyera ga mi-yo kasanete aka-ki kiywo-ki kokoro wo motite tukape-maturi sumyera wa ga mi-yo ni atarite mo okotari-yurupu koto na-ku tasuke-tukape-maturi sika nomwi ni ara-zu opo-di opo-mapye tu kimi no tonokadwo arasi-kegasu koto na-ku mamoritutu ara-si-si koto iswosi-mi umugasi-mi wasure-tamapa-zu to site namo pikwo-domo pito-ri puta-ri wosame-tamapu .

15. mata opo-mapye tu kimi to site tukape-maturap-yeru omi-tati no kwo-domo wo no kwo pa tukape-maturu sama ni sitagapite kusagusa wosame-tamapi-turedomo mye no kwo pa wosame-tamapa-zu .

16. koko wo motite omoposeba wo no kwo nomwi titi no na opite mye no kwo pa iparenu mono ni are ya tati-narabi-tukape-maturu si kotowari ni ari to namo omoposu .

17. titi ga kaku sima ni are to omopite omobukewosipekye-mu koto ayamata-zu usinapa-zu ipyekadwo arasa-zu site sumyera ga mikado ni tukape-mature to site namo imasi-tati wo wosame-tamapu .

18. mata opo-tomo sapeki no sukune pa tune mo ipu goto-ku sumyera ga mikadwo mamori-tukape-maturu koto kapyeri-mi na-ki pito-domo ni areba imasi-tati no oya-domo no ipi-kuraku umi yukaba mi-duku kabane yama yukaba kusa-musu kabane opo-kimi no pye ni koso sina-me nodo ni pa sinazi to ipi-kuru pito-domo to namo kikosi-myesu .

19. koko wo motite toposumyerogi no mi-yo pazimete ima wa ga mi-yo ni atarite mo uti no ikusa to kokoro no uti no kwo to pa namo tukape-su .

20. kare koko wo motite kwo pa oya no kokoro nasu i si kwo ni pa aru besi .

21. ko no kokoro usinapa-zu site aka-ki kiywo-ki kokoro wo motite tukape-mature to site namo wo no kwo mye no kwo apasete pito-ri puta-ri wosame-tamapu .

22. mata itu-tu no kurawi ywori kami tu kata no kwo-domo wosame-tamapu .

23. mu-tu no kurawi ywori simo tu kata ni kagapuri pitosina age-tamapi toudaizi tukur-eru pito-domo ni puta-sina kupape-tamapi opo-ki mu-tu no kurawi no kami tu sina ni pa kwo pito-ri wosame-tamapu .

24. mata itu-tu no kurawi ywori kami tu kata to mi-ugara no tosi towo amari mi-tu ywori kami tu kata to kurawi na-ki opo-toneri-domo tukasadukasa no tukape yoboro ni itaru made ni opo-mite tu mono tamapu .

25. mata tosi taka-ki pito-domo wosame-tamapi madusi-ki pito utukusibwi-tamapi keugi aru pito so no koto yurusi-tamapi rikiden wosame-tamapu .

26. tumibito yurusi-tamapu .

27. mata mibu wosame-tamapi monosiribito-domo wosame-tamapu .

28. mata kugane wo mi-ide-taru pito to mitinoku no kuni no kuni no mikoto moti kopori no miya tu kwo opo-mitakara ni itaru made ni wosame-tamapi ame no sita no opo-mitakara moromoro wo nade-tamapi utukusibwi-tamapaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 14. Tenpyō Shōhō 1 7th Month, Emperor Shōmu / Empress Kōken

1. 　　現神止御宇　倭根子天皇可　御命良麻止宣御命乎　衆聞食宣。

2. 高天原　神積坐　皇親神魯棄　神魯美命以　吾孫乃命乃 将知食国　天下止言依奉乃随　遠皇祖御世始而天皇御世御世　聞看来食国　天ツ日嗣高御座乃業止奈母 随神所念行佐久止勅天皇我御命乎　衆聞食勅。

3. 平城乃宮尔 御宇之天皇乃詔之久　挂畏　近江大津乃宮尔 御宇之天皇乃 不改自常典等 初賜比定賜都流法随　斯天ツ日嗣高御座乃業者　御命尔坐世　伊夜嗣尔 奈賀御命　聞看止 勅夫御命乎 畏自物　受賜理坐天　食国天下乎恵賜比治賜布間尔　万機密久多久志天 御身　不敢賜有礼　随法　天ツ日嗣高御座乃業者　朕子王尔 授賜止勅天皇御命乎　親王等 王臣等 百官人等　天下乃公民　衆聞食宣。

4. 　　又天皇御命良末止勅命乎　衆聞食宣。

5. 挂畏　我皇天皇　斯天ツ日嗣高御座乃業乎受賜弖仕奉止 負賜閇 頂尔受賜理 恐末里 進毛不知　退毛不知爾　恐美坐久止宣　天皇御命乎　衆聞食勅。

6. 　　故是以　御命坐　勅久　朕者　拙劣雖在　親王等乎始而 王等・臣等諸　天皇朝庭　立賜部留食国乃政乎 戴持而　明浄心以　誤落言無　助仕奉尔依弖之　天下者平久安久　治賜比恵賜布閇支物尔有止奈毛　神随所念坐久止勅天皇御命乎　衆聞食宣。

1. aki tu mi-kamwi to ame no sita sira-si-myesu yamato nekwo sumyera ga opo-mikotorama to noritamapu opo-mikoto wo moromoro kiki-tamapeyo to noritamapu .

2. takama no para ni kamu-dumari-masu sumyera ga mutukamurwoki kamurwomi no mikoto motite wa ga mi-ma no mikoto no sira-sa-mu wosukuni ame no sita to kotoyosasi-maturi no manima-ni toposumyerogi no mi-yo wo pazimete sumyera ga miyomiyo kikosi-myesi-kuru wosukuni ama tu pitugi takamikura no waza to namo kamu-nagara omoposi-myesaku to noritamapu sumyera ga opo-mikoto wo moromoro kiki-tamapeyo to noritamapu .

3. nara no miya ni ame no sita sira-si-myesi-si sumyera mikoto no nori-tamapi-si-ku kake-maku mo kasikwo-ki apumi no opo-tu no miya ni ame no sita sira-si-myesi-si sumyeramikoto no aratamu masizi-ki tune no nori to pazime-tamapi sadame-tamapi-turu nori no manima-ni ko no ama tu pitugi takamikura no waza pa opo-mikoto ni imase iya tugi ni na ga opo-mikoto kikosi-myese to noritamapu opo-mikoto wo kasikwo zimono uke-tamapari-masite wosukuni ame no sita wo utukusibwi-tamapi wosame-tamapu apida ni yorodu no maturigoto sige-ku opo-ku site mi-mwi ape-tamapa-zu are nori no manima-ni ama tu pitugi takamikura no waza pa wa ga mi-kwo opo-kimi ni saduke-tamapu to noritamapu sumyera ga opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

4. mata sumyera ga opo-mikotorama to noritamapu opo-mikoto wo moromoro kikitamapeyo to noritamapu .

5. kake-maku mo kasikwo-ki wa ga opo-kimi sumyeramikoto ko no ama tu pitugi takamikura no waza wo uke-tamaparite tukape-mature to opose-tamape itadaki ni uke-tamapari kasikwomari susumi mo sira-ni sirizoki mo sira-ni kasikwomi masaku to noritamapu sumyera ga opo-mikoto wo moromoro kiki-tamapeyo to noritamapu .

6. kare koko wo motite opo-mikoto ni imase nori-tamapaku ware pa tutana-ku wodina-ku aredomo mi-kwo-tati wo pazimete opo-kimi-tati omi-tati moromoro no sumyera ga mikadwo no tate-tamap-yeru wosukuni no maturigoto wo itadaki-motite aka-ki kiywo-ki kokoro wo motite ayamati-otosu koto na-ku tasuke-tukape-maturu ni yorite si ame no sita pa tapirake-ku yasurake-ku wosame-tamapi utukusibwi-tamapu be-ki mono ni ari to namo kamu-nagara omoposi-masaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 15. Tenpyō Shōhō 1 12th Month (750), Retired Emperor Tenmu

1. 天皇我御命尔坐 申賜止申久 去辰年 河内国大県郡乃智識寺尔坐 盧舍那仏遠 礼奉天 則朕毛欲奉造止思登毛 得不為之間尔 豊前国宇佐郡尔坐 広幡乃八幡大神尔申賜閇止勅久 神我 天神地祇乎率伊左奈比天 必成奉无。 事立不有 銅湯乎水止成 我身遠草木土尔交天 障事無久 奈佐牟止 勅賜奈我良成奴礼波 歓美貴美奈毛念食流。 然 猶止事不得為天 恐家礼登毛 御冠 献事乎 恐毛恐美毛 申賜久止申。

1. sumyera ga opo-mikoto ni imase mawosi-tamapu to mawosaku ini-si tatu no tosi kaputi no kuni opo-gata no kopori no tisikizi ni imasu rusiyana potoke wo worogami-maturite sunapati ware mo tukuri-matu ramu to omopedomo e-nasa-zu ari-si apida ni toyokuni no miti no kuti no usa no kopori ni imasu piropata no ya-pata no opo-kamwi ni mawosi-tamape to nori-tamapaku kamwi ware ama tu kamwikuni tu mi wo pikiwi izanapite kanarazu nasi-matura-mu . koto-datu ni ara-zu akagane no yu wo midu to nasi wa ga mwi wo kusakwituti ni mazipete saparu koto na-ku nasa-mu to nori-tamapi-nagara nari-nureba yorokobosi-mi taputwo-mi namo omopi-tamapuru . sikaredomo napo yamu koto e-zu site kasikwo-kyeredomo mi-kagapuri-tatematuru koto wo kasikwo-mi mo mawosi-tamapaku to mawosu

.

 

Senmyō 16. Tenpyō Hōji 1 7th Month (757), Empress Kōken

1. 今宣久頃者　王等・臣等乃中尔　無礼久逆在流人止母 在而計奈良久 大宮乎将囲止云而　私兵　備布止 聞看而　加遍湏加遍湏 所念止母　誰奴加 朕朝乎背而然為流 人乃一人母将在止所念波　随法不治賜。

2. 雖然　一事乎 数人重　奏賜倍波　可問賜物尔夜波将在止所念止母。

3. 慈政者　行布尔安為弖 此事者　天下難事尔在者　狂迷遍流頑奈留奴心乎波 慈悟志 正賜倍伎物在止所念看波奈母 如此　宣布。

4. 此状悟而　人乃見可咎事　和射奈世曾。

5. 如此宣大命尔不従将在人波　朕一人極而慈賜止母　国法不得已成奈牟。

6. 己家々　己門々祖名不失勤仕奉礼止宣天皇大命乎　衆聞食止宣。

1. ima nori-tamapaku ko no goro opo-kimi-tati omi-tati no naka ni wiya na-ku sakasima ni aru pito-domo arite pakaru naraku opo-miya wo kakum-amu to ipite watakusi no ikusa wo sonapu to kikosi-myesite kapyesu kapyesu omoposedomo tare si no yatukwo ka wa ga mikadwo wo somukite sika suru pito no pito-ri mo ara-mu to omoposeba nori no manima-ni wosame-tamapa-zu .

2. sikaredomo pito-tu koto wo amata pito kasanete mawosi-tamapeba twopi-tamapu be-ki mono ni ya pa ara-mu to omoposedomo utukusibwi no maturigoto pa okonapu ni yasu-ku site ko no koto pa ame no sita no kata-ki koto ni areba tabure-madwop-yeru katakuna naru yatukwo no kokoro woba utukusibwi-satosi tadasi-tamapu be-ki mono ni ari to omoposi-myeseba namo kaku noritamapu .

3. kaku no sama satorite pito no mi-togamu be-ki kotowaza na-se-so .

4. kaku noritamapu opo-mikoto ni sitagapa-zu ara-mu pito pa ware pito-ri kipamete utukusibwi-tamapu to mo kuni no nori yamu koto wo e-zu nari-na-mu .

5. ono ga ipyeipye ono ga kadwokadwo oya no na usinapa-zu tutwome-tukape-mature to noritamapu sumyera ga opo-mikoto wo moromoro kiki-tamapeyo to noritamapu .

 

1. 汝多知諸者　吾近姪奈利。

2. 又竪子卿等者　天皇　大命以　汝多知乎召而　屢詔志久　朕後尓太后尓能仕奉利助奉礼止詔伎。

3. 又大伴佐伯宿祢等波　自遠天皇御世　内乃兵止為而仕奉来　又大伴宿祢等波 吾族尓母在。

4. 諸同心尓為而　皇朝乎助仕奉牟時尓　如是　醜事者　聞曳自。

5. 汝多知乃 不能尓依弖志 如是在良志。

6. 諸 以 明清心　皇朝乎助仕奉礼止宣。

1. imasi-tati moromoro pa wa ga tika-ki wopwi nari .

2. mata warapa mapye tu kimi-tati pa sumyera ga opo-mikoto motite imasi-tati wo myesite sibasiba nori-tamapi-si-ku wa ga noti ni opo-kisaki ni yo-ku tukape-maturi tasuke-mature to nori-tamapi-ki .

3. mata opo-tomo sapeki no sukune-tati pa toposumyerogi no mi-yo ywori uti no ikusa to site tukape-maturi-ki mata opo-tomo no sukune-tati pa wa ga ugara ni mo ari .

4. moromoro onazi kokoro nisite sumyera ga mikadwo wo tasuke-tukape-matura-mu toki ni kaku no sikogoto pa kikoezi .

5. imasi-tati no yok-ara-nu ni yorite si kaku aru rasi .

6. moromoro aka-ki kiywo-ki kokoro wo motite sumyera ga mikadwo wo tasuke-tukape-mature to noritamapu .

 

Senmyō 18. Tenpyō Hōji 1 7th Month (757), Dowager Empress Kōmyō

1. 塩焼等五人乎人　告謀反。

2. 　汝等　為吾近人。

3. 一毛吾乎 可怨事者　不所念。

4. 汝等乎皇朝者己己太久高治賜乎　何乎怨志岐所止志弖加然将為。

5. 不有加止奈母所念。

6. 是以　汝等罪者　免賜。

7. 今徃前然莫為止宣。

1. sipoyaki-ra itutari wo pito mupon su to tuge-tari .

2. imasi-tati wa ga tika-ki pito n-ari .

3. pito-tu mo ware wo ura-mu be-ki koto pa omopo-e-zu .

4. imasi-tati wo sumyera ga mikadwo pa kokodaku taka-ku wosame-tamapu wo nani wo uramyesi-ki koto to site ka sika se-mu .

5. arazi ka to namo omoposi-myesu .

6. koko wo motite imasi-tati no tumi pa yurusi-tamapu .

7. ima yuku saki sika na-se-so to noritamapu .

 

Senmyō 19. Tenpyō Hōji 1 7th Month (757), Empress Kōken

1. 明神大八洲所知　倭根子天皇大命良麻止宣大命乎　親王 王 臣百官人等　天下公民　衆聞宣。

2. 高天原　神積坐湏皇親神魯岐 神魯弥命乃 定賜来流天日嗣高御座次乎加蘇毗奪将盗止為而　悪逆在奴　久奈多夫礼 麻度比 奈良麻呂 古麻呂等伊　逆党乎伊射奈比率而　先内相家乎 囲而　其乎殺而　即大殿乎囲而　皇太子乎退而　次者皇太后朝乎傾　鈴印契 乎取而　召右大臣而　天下尔号令使為牟。

3. 然後廃帝　四王之中尔簡而為君牟止謀而　六月廿九日乃夜　入太政官坊而　飲塩汁而誓　礼天地四方而　七月二日　発兵牟止謀定而　二日未時　小野東人　喚中衛舍人　備前国上道郡人　上道朝臣斐太都而誂云久此事倶仁西止伊射奈布尔依而　倶仁西牟止事者許而　其日亥時　具奏賜都。

4. 由此勘問賜尔　毎事実止申而皆罪尔伏奴。

5. 是以　勘法尔　皆当死罪在。

6. 如此雖在　慈賜止為而　一等軽賜而　姓名易而　遠流罪尔治賜都。

7. 此誠天地神乃慈賜比護賜比　挂畏　開闢已来御宇　天皇大御霊多知乃 穢奴等乎伎良比賜弃賜布尔依弖。

8. 又盧舍那如来　観世音菩薩　護法梵王帝釈四大天王乃不可思議威神之力尔依弖志。

9. 此逆在悪奴等者顕出而　悉罪尔伏奴良志止奈母　神奈賀良母所念行湏止宣天皇大命乎　衆聞食宣。

10. 事別宣久　久奈多夫礼良尔 所詿誤百姓波 京土履牟事穢弥　出羽国小勝村乃柵戸尔 移賜久止宣天皇大命乎　衆聞食宣。

1. aki tu mi-kamwi to opo-yasima sira-si-myesu yamato nekwo sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. takama no para ni kamu-dumari-masu sumyera ga mutukamurwoki kamurwomi mikoto no sadame-tamapi-kyeru ama tu pitugi takamikura no tugite wo kaswopi-ubapi-nusuma-mu to site asi-ku sakasima ni aru yatukwo kunatabure madwopi naramaro kwomarora i sakasima ni aru tomogara wo izanapi pikiwite madu naisau no ipye wo kakumite so wo korosite sunapati opo-tono wo kakumite pitugi no mi-kwo wo sirizokete tugi ni pa opo-mioya no mikadwo wo katabuke suzu osite sirusi wo torite migi no opo-mapye tu kimi wo myesite ame no sita ni norigoto se-sime-mu .

3. sikaru noti ni mikadwo wo sirizokete yotari no opo-kimi no uti ni erabite kimi to na-se-mu to pakarite minadukwi no patuka amari kokono-ka no pi no ywo opo-maturigoto no tukasa ni irite siposiru wo nomite tikapi ametuti yomo wo worogamite pumidukwi no putu-ka no pi ni ikusa wo okosa-mu to pakari-sadamete putu-ka no pi no pituzi no toki ni wonwo no adumapito naka no mamori no tukasa no toneri kibwi no miti no kuti no kuni no kami tu miti no kopori no pito kami tu miti no asomi pwidatu wo ywobite atorapete ipaku .

4. ko no koto tomo ni se to izanapu ni yorite tomo ni se-mu to koto pa yurusite so no pi no wi no toki ni tubusa ni mawosi-tamapi-tu .

5. kore ni yorite kamugape-twopi-tamapu ni kotogoto ni makoto to mawosite mwina tumi ni pusi-nu .

6. koko wo motite nori wo kamugapuru ni mwina korosu tumi ni atar-eri .

7. kaku aredomo utukusibwi-tamapu to site pitosina karome-tamapite kabane na kapete topo-ku nagasu tumi ni wosame-tamapi-tu .

8. kore makoto ni ametuti no kamwi no utukusibwi-tamapi mamori-tamapi kake-maku mo kasikwo-ki ametuti pirakete ywori ko no kata ame no sita sira-si-myesi-si sumyera ga opo-mitama-tati no kitana-ki yatukwo-domo wo kirapi-tamapi sute-tamapu ni yorite mata rusiyana nyorai kwanzeon bosati gopopu bonwau taisyaku sidai tenwau no pukasigiwizin no tikara ni yorite si ko no sakasima ni aru asi-ki yatukwo-domo pa arapare-idete kotogoto ni tumi ni pusi-nurasi to namo kamu-nagara mo omoposi-myesu to noritamapu sumyera ga opo-mikoto wo moromoro kiki-tamapeyo to noritamapu .

9. koto-wakite nori-tamapaku kunatabure-ra ni azamuk-are-taru opo-mitakara pa mi-satwo no tuti puma-mu koto kitana-mi idepa no kuni no wokati no mura no kinope ni utusi-tamapaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 20. Tenpyō Hōji 1 7th Month (757), Empress Kōken

1. 塩焼王者唯預四王之列。

2. 然不会謀庭

3. 亦不被告 而縁道祖王者 応配遠流罪。

4. 然其父新田部親王 以清明心仕奉親王也。

5. 可絶其家門夜止為奈母 此般罪免給。

6. 自今徃前者以明直心仕奉朝廷止詔。

1. sipoyaki no opo-kimi pa tada yotari no opo-kimi no tura ni adukar-eri .

2. sikaru ni koto pakar-eru tokoro ni mazira-zu

3. mata tugerare-nedomo punato no opo-kimi ni kakarereba topo-ku nagasu tumi ni wosamu besi .

4. sikaredomo so no titi nipitabe no mi-kwo pa kiywo-ki aka-ki kokoro wo motite tukape-matur-eru mi-kwo n-ari .

5. so no ipyekadwo tatu besi ya to site namo ko no tabi no tumi yurusi-tamapu .

6. ima ywori yuku saki pa aka-ki napo-ki kokoro wo motite mikadwo ni tukape-mature to noritamapu .

 

Senmyō 21. Tenpyō Hōji 1 8th Month (757), Empress Kōken

1. 今宣久　奈良麻呂我兵起尔 被雇多利志秦等乎婆 遠流賜都。

2. 今遺秦等者　悪心無而清明心乎持而仕奉止宣。

1. ima nori-tamapaku naramaro ga ikusa okosu ni yatoparetari-si pada-domo woba topo-ku nagasi-tamapi-tu .

2. ima nokor-eru pada-domo pa asi-ki kokoro na-ku site kiywo-ki aka-ki kokoro wo motite tukape-mature to noritamapu .

 

Senmyō 22. Tenpyō Hōji 1 8th Month (757), Empress Kōken

1. 此遍乃政　明浄久仕奉礼留尔依而治賜人母在。

2. 又愛盛尔一二人等尔冠位上賜治賜久止宣。

1. ko no tabi no maturigoto aka-ku kiywo-ku tukape-matur-eru ni yorite wosame-tamapu pito mo ari .

2. mata mede no sakari ni pito-ri puta-ri-domo ni kagapurikurawi age-tamapi wosame-tamapaku to noritamapu .

 

Senmyō 23. Tenpyō Hōji 2 8th Month (758), Empress Kōken

1. 現神御宇天皇詔旨良麻止宣勅乎　親王諸 王諸臣 百官人等　衆聞食宣。

2. 高天原　神積坐　皇親神魯弃　神魯美命　吾孫将知食国天下止　事依奉乃任尔　遠皇祖御世始弖 天皇　御々々聞看来食国　高御座乃業止奈母 随神所念行久止宣天皇勅　衆聞食宣。

3. 加久聞看来　天日嗣高御座乃業波　天坐神 地坐祇乃 相宇豆奈比 奉相扶奉事尔依弖之 此座　平安御坐弖　天下者　所知物尔在良自止奈母 随神所念行湏。

4. 然　皇止坐弖 天下政乎聞看事者　労岐重弃事尔在家利。

5. 年長久日多久此座坐波　荷重力弱之弖不堪負荷。

6. 加以　挂畏朕婆々皇太后朝乎母人子之理尔不得定省波　朕情母日夜不安。

7. 是以　此位避弖 間乃人尔在弖之如理　婆々尔波仕奉倍自止所念行弖奈母日嗣止定賜弊流皇太子尔授賜久止宣天皇御命　衆聞食宣。

8.

1. aki tu mi-kamwi to ame no sita sira-si-myesu sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo moromoro kiki-tamapeyo to noritamapu .

2. takama no para ni kamu-dumari-masu sumyera ga mutukamurwoki kamurwomi no mikoto no wa ga mi-ma no sira-sa-mu wosukuni ame no sita to koto yosasi-maturi no manima-ni toposumyeroki no mi-yo wo pazimete sumyera ga miyomiyo kikosi-myesi-kuru takamikura no waza to namo kamu-nagara omoposi-myesaku to noritamapu sumyera ga opo-mikoto wo moromoro kiki-tamapeyo to noritamapu .

3. kaku kikosi-myesi-kuru ama tu pitugi takamikura no waza pa ame ni masu kamwi kuni ni masu kamwi no api-udunapi-maturi api-tasuke-maturu koto ni yorite si ko no kurawi ni pa tapirake-ku yasurake-ku opo-masi-masite ame no sita pa sira-si-myesu mono ni aru rasi to namo kamu-nagara omoposi-myesu .

4. sikaredomo sumyera to imasite ame no sita no maturigoto wo kikosi-myesu koto pa itapasi-ki ikasi-ki koto ni ari-kyeri .

5. tosi naga-ku pi mane-ku ko no kurawi ni imaseba ni omo-ku tikara yowa-ku site opi-moti-ape-zu .

6. sika nomwi ni ara-zu kake-maku mo kasikwo-ki wa ga papa opo-mioya no mikadwo wo mo pito no kwo no kotowari ni e-toburapa-neba wa ga kokoro mo piruyworu yasu-kara-zu .

7. koko wo motite ko no kurawi sarite itwoma no pito ni arite si kotowari no goto papa ni pa tukape-maturu be-si to omoposi-myesite namo pitugi to sadame-tamap-yeru pitugi no mi-kwo ni saduke-tamapaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 24. Tenpyō Hōji 2 8th Month (758), Emperor Zyunnin

1. 明神大八洲所知天皇詔旨良麻止宣勅　親王諸 王諸臣 百官人等　天下公民　衆聞食宣。

2. 掛畏現神坐　倭根子天皇我皇　此天日嗣高御座之業乎 拙劣朕尔 被賜弖仕奉止仰賜比授賜閇波　頂尔受賜利恐美　受賜利懼　進母不知尔　退母不知尔　恐美坐久止宣天皇勅　衆聞食宣。

3. 然皇坐弖天下治賜君者　賢人乃能臣乎得弖之 天下乎婆平久安久治物尔在良之止奈母聞行湏。

4. 故是以　大命坐　宣久　朕　雖拙弱 親王始弖 王臣等乃 相穴奈比 奉利相扶奉牟事依弖之 此之仰賜比授賜夫食国天下之政者　平久安久仕奉倍之止奈母所念行湏。

5. 是以　無謟欺之心　以忠赤之誠　食国天下之政者衆助仕奉止宣天皇勅　衆聞食宣。

6. 辞別氐宣久　仕奉人等中尔 自何仕奉状随弖 一二人等冠位　上賜比治賜夫。

7. 百官職事已上　及大神宮乎始弖 諸社弥冝祝尔 大御物賜夫。

8. 僧綱始弖 諸寺師位僧尼等尔 物布施賜夫。

9. 又百官司乃人等　諸国兵士 鎮兵 伝駅戸等　今年田租免賜久止宣天皇勅　衆聞食宣。

1. aki tu mi-kamwi to opo-yasima sira-si-myesu sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. kake-maku mo kasikwo-ki aki tu mi-kamwi to imasu yamato nekwo sumyera wa ga opo-kimi ko no ama tu pitugi takamikura no waza wo tutana-ku wodina-ki ware ni tamaparite tukape-mature to opose-tamapi saduke-tamapeba itadaki ni uke-tamapari kasikwo-mi uke-tamapari odi-susumi mo sira-ni sirizoki mo sira-ni kasikwomi masaku to noritamapu sumyera ga opo-mikoto wo moromoro kiki-tamapeyo to noritamapu .

3. sikaredomo sumyera to imasite ame no sita wosame-tamapu kimi pa sakasi-ki pito no yo-ki omi wo ete si ame no sita woba tapirake-ku yasurake-ku wosamuru mono ni aru rasi to namo kikosi-myesu .

4. kare koko wo motite opo-mikoto ni imase nori-tamapaku ware pa tutana-ku wodina-ku aredomo mi-kwo-tati wo pazimete opo-kimi-tati omi-tati no api-ananapi-maturi api-tasuke-matura-mu koto ni yorite si ko no opose-tamapi saduke-tamapu wosukuni ame no sita no maturigoto pa tapirake-ku yasurake-ku tukape-maturu besi to namo omoposi-myesu .

5. koko wo motite peturapi-azamuku kokoro na-ku mame ni aka-ki makoto wo motite wosukuni ame no sita no maturigoto pa moromoro tasuke-tukape-mature to noritamapu sumyera ga opo-mikoto wo moromoro kiki-tamapeyo to noritamapu .

6. koto-wakite nori-tamapaku tukape-maturu pito-domo no naka ni si ga tukape-maturu sama ni sitagapite pito-ri puta-ri-domo no kagapurikurawi age-tamapi wosame-tamapu .

7. tukasadukasa no sikizi ywori kami tu kata to opo-mikamwi no miya wo pazimete yasiroyasiro no negwipapuri to ni opo-mimono tamapu .

8. pousi no tukasa wo pazimete teradera no si no kurawi no popusi ama-domo ni mono podokosi-tamapu .

9. mata tukasazikasa no pito-domo kuniguni no ikusapito osape no ikusa umaya no pye-domo no kotosi no tatikara yurusi-tamapaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 25. Tenpyō Hōji 3 6th Month (759), Emperor Zyunnin

1. 現神大八洲　所知倭根子天皇詔旨止宣詔乎　親王々臣百官人等　天下公民　衆聞食宣。

2. 比来　太皇大后御命以弖 朕尔語宣久　太政之始波　人心　未定在可波　吾子為弖 皇太子止定弖 　先奉昇於　君位畢弖 諸意静了奈牟 後尔傍上乎波宣牟止為弖奈母抑閇弖在ツ流。

3. 然今波君坐弖御宇事日月重奴。

4. 是以　先考追皇止為 親母大夫人止為　兄弟姉妹　親王為与止仰給夫 貴岐御命乎 頂受給利　歓備貴美懼知恐利弖　掛畏我皇　聖太上天皇　御所尔 奏給倍波　奏世止教宣久　朕一人乎 昇賜比治賜部流厚恩乎母　朕世尔波 酬尽奉事難之　生子乃八十都岐尔自仕奉　報倍久在良之止　夜昼恐麻里侍乎　伊夜益湏益尔 朕私父母波良何良尔至麻弖尔 可在状任止 上賜比治賜夫事　甚恐自。

5. 受賜事不得止奏世止宣夫。

6. 朕又念久　前聖武天皇乃皇太子定賜比弖天日嗣高御座乃坐尔昇賜物乎　伊何尔可恐久私父母兄弟及尔事得牟 甚恐自 進母不知　退母不知止伊奈備奏。

7. 雖然多比重弖宣久　吾加久　不申成奈波　敢弖申人者不在。

8. 凡人子乃 去禍　蒙福麻久欲為流事波　 為親尔止奈利。

9. 此大福乎取々惣持弖　親王尔送奉止 教比宣夫御命乎受給利弖奈母加久為流。

10. 故是以　自今以後　追皇舍人親王冝称　崇道尽敬皇帝　当麻夫人称　大夫人　兄弟姉妹　悉称　親王止 宣　天皇御命　衆聞食宣。

11. 　　辞別宣久　朕一人乃未也 慶之岐貴岐御命　受賜牟　卿等庶母共喜牟止為弖奈母　一二治賜倍岐家々門々人等尔　冠位　上賜比治賜久止宣天皇御命　衆聞食宣。

12. 又御命坐世　宣久 大保乎波 多他仁卿止能味波不念　朕父止　復藤原伊良豆売乎波 婆々止奈母念。

13. 是以　治賜武等勅倍止　遍重天 辞備申仁依天 默在牟止為礼止毛　 止事不得。

14. 然　此家乃子止毛波　朕波良何良仁 在物乎夜 親王多知 治賜夫日仁 治不賜在牟止為弖奈母汝仁 冠位上賜治賜夫。

15. 又此家自久母藤原乃卿等乎波　掛畏　聖天皇御世重弖於母自岐人乃自門波 慈賜比 上賜来流家奈利。

16. 今又无過仕奉人乎波慈賜比治賜比不忘賜之止宣天皇御命　衆聞食宣。

1. aki tu mi-kamwi to opo-yasima sira-si-myesu yamato nekwo sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. ko no goro opo-ki opo-mioya no mikoto motite ware ni katarapi-tamapaku opo-maturigoto no pazime pa pito no kokoro imada sadamara-zu ari-sikaba wa ga kwo site pitugi no mi-kwo to sadamete madu kimi no kurawi ni age-maturi-wopete moromoro no kokoro sidumari-pate-na-mu noti ni katape no upe woba nori-tamapa-mu to site namo osapete ari-turu .

3. sikaredomo ima pa kimi to imasite ame no sita sira-si-myesu koto pitukwi kasanari-nu .

4. koko wo motite titi mi-kwo wo opite sumyera to si papa wo opo-mioya to si ani oto ane imo wo mi-kwo to seyo to opose-tamapu .

5. taputwo-ki mikoto wo itadaki ni uke-tamapari yorokobwi-taputwomi-odi-kasikwomarite kakemaku mo kasikwo-ki wa ga opo-kimi piziri no opo-ki sumyeramikoto no opo-mimoto ni mawosi-tamapeba mawose to wosipetamapaku .

6. ware pito-ri wo age-tamapi wosame-tamap-yeru atu-ki utukusibwi wo mo wa ga yo ni pa mukui-tukusi-maturu koto kata-si .

7. umi no kwo no yaswotugi-ni si tukape-maturi mukuyu be-ku aru rasi to yworupiru kasikwomari-paberu wo iya masumasu ni wa ga watakusi no titipapa parakara ni itaru made ni aru be-ki sama no manima to age-tamapi wosame-tamapu koto ito kasikwo-si .

8. uke-tamaparu koto ezi to mawose to noritamapu .

9. ware mo mata omoposaku saki no shaumu no sumyeramikoto no pitugi no mi-kwo to sadame-tamapite ama tu pitugi takamikura no kurawi ni age-tamapu monowo ika ni ka kasikwo-ku watakusi no titipapa parakara ni oyobu koto emu .

10. ito kasikwosi .

11. susumi mo sira-ni sirizoki mo sira-ni to inabwi-mawos-eri .

12. sikaredomo tabi kasanete nori-tamapaku wa ga kaku mawosa-zu nari-naba apete mawosu pito pa arazi .

13. opoyoso pito no kwo no wazapapi wo sari sakipapi wo kagapura-maku pori suru koto pa oya no tame ni to nari .

14. ko no opo-ki sakipapi wo tori-sube-motite mi-kwo ni okuri-mature to wosipe-tamapi noritamapu opo-mikoto wo uke-tamaparite namo kaku suru .

15. kare koko wo motite ima ywori noti toneri no mi-kwo wo opite sumyera to si sudauzinkyauwautai to mawosi tagima no opo-tozi wo opo-mioya to mawosi ani oto ane imo koto-goto-ku mi-kwo to mawose to noritamapu sumyera ga opo-mikoto wo moromoro kiki-tamapeyo to noritamapu .

16. kotowakite nori-tamapaku ware pito-ri nomwi ya yorokobosi-ki taputwo-ki opo-mikoto wo uke-tamapa-mu mapye tu kimi-tati moromoro mo tomo ni yorokoba-mu to site namo pito-ri puta-ri wosame-tamapu be-ki ipyeipye kadwokadwo no pito-domo ni kagapurikurawi age-tamapi wosametamapaku to noritamapu sumyera ga opo-mikoto wo moromoro kikitamapeyo to noritamapu .

17. mata opo-mikoto ni imase noritamapaku .

18. daipou woba tada ni mapye tu kimi to nomwi pa omoposa-zu wa ga titi to mata pudipara no iratume woba papa to namo omoposu .

19. koko wo motite wosame-tamapa-mu to nori-tamapedo tabi kasanete inabwi-mawosu ni yorite moda ara-mu to suredomo yamu koto e-zu .

20. sikaredomo ko no ipye no kwodomo pa wa ga parakara ni aru mono wo ya mi-kwo-tati wosame-tamapu pi ni wosame-tamapa-zu ara-mu to site namo imasi ni kagapurikurawi age-tamapi wosame-tamapu .

21. mata ko no ipyeziku mo pudipara no mapye tu kimi-tati woba kake-maku mo kasikwo-ki piziri no sumyera ga mi-yo kasanete omoziki pito no kadwo ywori pa utukusibwi-tamapi age-tamapi-kuru ipye n-ari .

22. ima mata ayamati na-ku tukape-maturu pito woba utukusibwi-tamapi wosame-tamapi wasure-tamapazi to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 26. Tenpyō Hōji 4 1st Month (760), Retired Empress Kōken

1. 乾政官大臣仁方 敢天仕奉倍伎人无時波 空久置弖 在官尔阿利。

2. 然　今大保方必　可仕奉之止所念坐世　多能遍重天 勅止毛　敢未之時止為弖辞備 申復可受賜物奈利世波 祖父　仕奉天麻自。

3. 然有物乎　知所毛無久　怯久劣岐押勝我 得仕奉倍岐官尔波不在　恐止申。

4. 可久申湏乎　皆人仁之毛辞止申仁依弖 此官乎婆 授不給止 令知流事不得。

5. 又祖父大臣乃 明久浄岐心以弖 御世累弖 天下申給比　朝廷助仕奉利多夫事乎　宇牟我自弥辱止念行弖　挂久毛畏岐聖天皇朝　太政大臣止之弖 仕奉止 勅祁礼止。

6. 数々辞備申多夫仁依弖 受賜多婆受成尔志事毛悔止念賀故仁　今此藤原恵美朝臣能大保乎大師乃官仁仕奉止授賜夫天皇御命 衆聞食宣。

1. kenzyau kwan no opo-mapye tu kimi ni pa apete tukape-maturu be-ki pito na-ki toki pa munasi-ku okite aru tukasa ni ari .

sikaredomo ima daipou pa kanarazu sikape-maturu be-si to omoposi-mase amata no tabi kasanete noritamapedomo apu masizi to site inabwi-mawosi mata uke-tamaparu be-ki mono n-ari-seba opo-di tukape-maturite masi . sika aru mono wo siru koto mo na-ku tutana-ku wodina-ki osikatu ga e-tukape-maturu be-ki tukasa ni pa ara-zu kasikwo-si to mawosu . kaku mawosu wo mwina pito ni si mo ina to mawosu ni yorite ko no tukasa woba saduke-tamapa-zu to sira-simuru koto wo e-zu . mata opo-di opo-mapye tu kimi no aka-ku kiywo-ki kokoro wo motite mi-yo kasanete ama no sita mawosi-tamapi mikadwo tasuke-matu ri tabu koto wo umugasi-mi katadikena-si to omoposite kake-maku mo kasikwo-ki piziri no sumyera ga mikadwo opo-maturigoto no opo-mapye tu kimi to site sikape-mature to nori-tamapi-kyeredo sibasiba inabwi-mawosi-tabu ni yorite uke-tamapari-taba-zu nari-ni-si koto mo kuyasi to omoposu ga yuwe ni ima ko no pudipara no wemi asomi no daipou wo daisi no tukasa ni tukape-mature to saduke-tamapu sumyera ga opo-mikoto wo moromoro kiki-tamapeyo to noritamapu .

 

Senmyō 27. Tenpyō Hōji 6 6th Month (762), Retired Empress Kōken

1. 太上天皇御命以弖 卿等諸語部止宣久　朕御祖大皇后乃御命以弖 朕尔告之久　岡宮御宇天皇乃日継波　 加久弖絶奈牟止為。

2. 女子乃継尔波在止母欲令嗣止宣弖　此政行給岐。

3. 加久為弖 今帝止立弖 湏麻比久流間尔　宇夜宇也自久相従事波无之弖　斗卑等乃仇能在言期等久　不言岐辞母言奴 不為岐行母為奴。

4. 凡加久伊波流倍枳朕尔波不在。

5. 別宮仁御坐坐牟時　自加得言也。

6. 此波朕劣尔依弖之　加久言良之止 念召波　愧自弥伊等保自弥奈母念湏。

7. 又一尔波 朕応発菩提心縁尔在良之 止母奈母念須。

8. 是以　出家弖仏弟子止成奴。

9. 但政事波　常礼利 小事波今帝行給部。

10. 国家大事賞罰二柄波朕行牟。

11. 加久能状聞食悟止宣御命　衆聞食宣。

1. opo-ki sumyeramikoto no opomikoto motite mapye tu kimi-tati moromoro ni katarapye to nori-tamapaku wa ga mi-oya opokisaki no opo-mikoto motite ware ni nori-tamapi-si-ku woka no miya ni ame no sita sira-si-myesi-si sumyeramikoto no pitugi pa kakute taye-na-mu to su .

2. wominagwo no tugi ni pa aredomo tuga-sime-mu to nori-tamapite ko no maturigoto okonapi-tamapi-ki .

3. kaku site ima no mikadwo to tatete sumapi-kuru apida ni uya-uyasi-ku api-sitagapu koto pa na-ku site twopito no ada no aru koto no goto-ku ipu masizi-ki koto mo ipi-nu su masizi-ki waza mo si-nu .

4. opoyoso kaku iparu be-ki ware ni pa ara-zu .

5. koto miya ni opo-masi-masa-mu toki sika e-ipa-me ya .

6. ko pa wa ga wodina-ki ni yorite si kaku ipu rasi to omoposi-myeseba padukasi-mi itoposi-mi namo omoposu .

7. mata pitotu ni pa wa ga bodai no kokoro wo okosu be-ki yosi ni aru rasi tomo namo omoposu .

8. koko wo motite ipyede site potoke no desi to nari-nu .

9. tadasi maturigoto pa tune no maturi isasake-ki koto pa ima no mikadwo okonapitamape .

10. ame no sita no opo-ki koto tamapi mono tumi putatu no moto pa ware okonapa-mu .

11. kaku no sama kiki-tamape-satore to noritamapu opo-mikoto wo moromoro kiki-tamapeyo to noritamapu .

 

Senmyō 28. Tenpyō Hōji 8 9th Month (764), Retired Empress Kōken

1. 逆仁穢岐奴仲末呂伊詐姧流心乎以天 兵乎発　朝庭乎傾動武止之天 鈴印乎奪　復皇位乎掠天　先仁捨岐良比賜天之 道祖我兄塩焼乎皇位仁方定止云天　官印乎押天 天下乃諸国仁書乎散天告知之米 復云久　今乃勅乎承用与 先仁詐天 勅止称天在事乎承用流己止不得止 云天　諸人乃心乎惑乱　三関仁 使乎遣天 竊仁 関乎閇　一二乃国仁 軍丁乎乞　兵発之武。

2. 此乎見流仁仲末呂可心乃逆仁悪状方知奴。

3. 然先仁 之我奏之事方毎事仁姧美謟天在家利。

4. 此乎念方 唯己独乃未朝庭乃勢力乎得天 賞罰事乎 一仁己可欲末仁末仁行 止 念天 兄豊成朝臣乎詐天 讒治奏賜流尔 依天位乎退多末比天 是乃年乃年己呂在都。

5. 然今方明仁仲末呂可 詐仁在家利止知天 本乃大臣乃位仁仕奉之武流事乎諸聞食止宣。

6. 復勅久　悪久姧岐奴乃政乃柄乎執天 奏多末不事乎以天 諸氏氏人等乎毛進都可方湏己止 理乃如毛不在阿利都。

7. 是以天　今与利後方 仕奉良武相乃末仁末仁進用賜武。

8. 然之我奏之久　此禅師乃昼夜朝庭乎護仕奉乎見流仁　先祖乃大臣止之天仕奉之位名乎 継止 念天在人奈利止 云天 退賜止 奏之可止毛　此禅師乃行乎見尔至天浄之。

9. 　仏乃御法乎継隆武止 念行末之 朕乎毛導護末湏 己師乎夜 多夜湏久退末都良武止 念天在都。

10. 然朕方髪乎曾利天 仏乃御袈裟乎服天在止毛　国家乃政乎不行阿流己止不得。

11. 仏毛経仁勅久　国王伊　王位仁坐時方 菩薩乃浄戒乎受与止勅天在。

12. 此仁依天念倍方 出家天毛 政乎行仁豈障倍岐物仁方不在。

13. 故是以天　帝乃出家之天伊未湏世仁方　出家之天在大臣毛在倍之止念天 楽末湏位仁方阿良祢止毛 此道鏡禅師乎大臣禅師止位方授末都流事乎 諸聞食止宣。

14. 復勅久　天下乃人　誰曾君乃臣仁不在安良武。

15. 心浄久之天仕奉良武　此之実能朕臣仁方在武。

16. 夫人止之天 己我先祖乃名乎興　継比呂米武止不念阿流方不在。

17. 是以天 明久浄岐心以天 仕奉乎方 氏氏門方 絶多末方湏治賜止勅御命乎　諸聞食止勅 又宣 仕奉状尔随天冠位阿気賜治賜久止宣。

1. sakasima ni kitana-ki yatukwo nakamaro i itupari-kadam-yeru kokoro wo motite ikusa wo okosi mikadwo wo katabuke-ugoka-sa-mu to site suzu osite wo ubapi mata mikadwo no kurawi wo kaswopite saki ni sute-kirapi-tamapite si punado ga ani sipoyaki wo mikadwo no kurawi ni pa sadame-tu to ipite tukasa no osite wo osite ame no sita no kuniguni ni pumi wo akatite tuge-sira-sime mata ipaku ima no opo-mikoto wo uke-moti-wiyo saki ni ituparite opo-mikoto to ipite aru koto wo uke-moti-wiru koto e-zu are to ipite moropito no kokoro wo madwopasi mi-tu no seki ni tukapi wo yarite pisoka ni seki wo todi pito-tu puta-tu no kuni ni ikusa yoboro wo kopi ikusa okosa-simu .

2. ko wo miru ni nakamaro ga kokoro no sakasima ni asi-ki sama pa siri-nu .

3. sika areba saki ni si ga mawosi-si koto pa kotogoto ni kadami-peturapite ari-kyeri .

4. ko wo omopeba tada onore pito-ri nomwi mikadwo no ikipopi wo ete tamapi mono tumi no koto wo pitaburu ni ono ga posi-ki manima-ni okonapa-mu to omopite ani toyo nari no asomi wo ituparite sikodi-mawosi-tamap-yeru ni yorite kurawi wo sirizoke-tamapite ko no tosi no tosigoro ari-tu .

5. sikaredomo ima pa akiraka ni nakamaro ga itupari ni ari-kyeri to sirite moto no opo-mapye tu kimi no kurawi ni tukape-matura-simuru koto wo moromoro kiki-tamapeyo to noritamapu .

6. mata nori-tamapaku asi-ku kadamasi-ki yatukwo no maturigoto no moto wo torite mawosi-tamapu koto wo motite udiudi no udibito-domo wo mo susume-tukapasu koto kotowari no goto mo ara-zu ari-tu .

7. koko wo motite ima yori noti pa tukape-matura-mu sama no manima-ni susume-moti-wi-tamapa-mu .

8. sikaru ni si ga mawosi-si-ku ko no zenzi no piruyworu mikadwo wo mamori-tukape-maturu wo miru ni topo tu oya no opo-mapye tu kimi to site tukape-maturi-si kurawina wo tuga-mu to omopite aru pito nari to ipite sirizoke-tamapye to mawosi-sikadomo ko no zenzi no okonapi wo miru ni itarite kiywo-si . potoke no mi-nori wo tugi-pirome-mu to omoposi-masi ware wo mo miti-biki-mamori-masu ono ga si wo ya ta-yasu-ku sirizoke-matura-mu to omopite ari-tu . sikaru ni ware pa kami wo sorite potoke no mikyesa wo kite aredomo ame no sita no maturigoto wo okonapa-zu aru koto e-zu . potoke mo kyau ni nori-tamapa-ku kokuwau i wauwi ni imasu toki pa bosati no zyaukai wo ukeyo to nori-tamapite ari . kore ni yorite omopeba ipye-de site mo maturigoto wo okonapu ni ani saparu be-ki mono ni pa ara-zu . kare koko wo motite mikadwo no ipye-de site imasu yo ni pa ipyede site aru be-si to omopite negapi-masu kurawi ni pa ara-nedomo ko no daukyauzenzi wo daizinzenzi to kurawi pa saduke-maturu koto wo moromoro kiki-tamapeyo to noritamapu . mata nori-tamapa-ku ame no sita no pito tare so kimi no yatukwo ni ara-zu ara-mu . kokoro kiywo-ku site tukape-matura-mu kore si makoto no wa ga yatukwo ni pa ara-mu . sore pito to site ono ga topo tu oya no na wo okosi-tugi-pirome-mu to omopa-zu aru pa ara-zu . koko wo motite aka-ku kiywo-ki kokoro wo motite tukape-matura-mu woba udiudi no kadwo pa tati-tamapa-zu wosame-tamapa-mu to noritamapu opo-mikoto wo moromoro kiki-tamapeyo to noritamapu . mata nori-tamapaku tukape-maturu sama ni sitagapite kagapurikurawi age-tamapi wosame-tamapaku to noritamapu .

 

Senmyō 29. Tenpyō Hōji 8 10th Month (764), Retired Empress Kōken

1. 挂末久毛畏 朕我天先帝乃御命以天朕仁勅之久 天下方 朕子伊末之仁授給。

2. 事乎之云方 王乎奴止成止毛 奴乎王止云止毛 汝乃 為牟末仁末 仮令後仁帝止立天在人伊 立乃後仁 汝乃多米仁无礼之弖 不従奈売久在牟人乎方 帝乃位仁置許止方不得。

3. 又君臣乃理仁従天 貞久浄岐心乎以天 助奉侍牟之帝止在己止方得止 勅岐。 可久在御命乎 朕又一二乃竪子等止侍天聞食天在。 然今帝止之天侍人乎 此年己呂見仁 其位仁毛不堪。 是乃味仁不在 今聞仁 仲麻呂止同心之天 竊朕乎掃止謀家利。又竊 六千乃兵乎発之等等乃比 又七人乃味之天闕仁入牟止毛謀家利。 精兵乎之天押之非天壊乱天 罰滅止云家利。

4. 故是以 帝位乎方退賜天 親王乃位賜天 淡路国乃公止退賜止 勅御命乎聞食止宣。

1. kake-maku mo kasikwo-ki wa ga ame no saki no mikadwo no opo-mikoto motite ware ni nori-tamapi-si-ku ame no sita pa wa ga kwo imasi ni saduke-tamapu .

2. koto wo si ipaba opo-kimi wo yatukwo to nasu tomo yatukwo wo opo-kimi to ipu tomo imasi no se-mu manima-ni tatopi noti ni mikadwo to tatite aru pito i tati no noti ni imasi no tame ni iya na-kusite sitagapa-zu namye-ku ara-mu pito woba mikadwo no kurawi ni koto pa e-zu are .

3. mata kimi omi no kotowari ni sitagapite tadasi-ku kiywo-ki kokoro wo motite tasuke-tukape-matura-mu si mikadwo to aru koto pa e-mu to nori-tamapi-ki . kaku aru opo-mikoto wo ware mata pito-ri puta-ri no warapa-domo to paberite kiki-tamapete ari . sikaru ni ima no mikadwo to site paberu pito wo ko no tosigoro miru ni so no kurawi ni mo tape-zu . kore nomwi ni ara-zu ima kiku ni nakamaro to kokoro wo oyazi-ku site pisoka ni ware wo parapa-mu to pakari-kyeri . mata pi soka ni mu-tidi no ikusa wo okosi-totonopi mata nanatari nomwi site mikadwo ni ire-mu tomo pakari-kyeri . toki ikusa wo site osi-sipwite yaburi-midarite uti-porobosa-mu to ipikyeri .

4. kare koko wo motite mikadwo no kurawi woba sirizoke-tamapite mi-kwo no kurawi tamapite apadi no kuni no kimi to sirizoke-tamapu to noritamapu opo-mikoto wo kiki-tamapeyo to noritamapu .

 

Senmyō 30. Tenpyō Hōji 8 10th Month (764), Empress Shōtoku

1. 船親王波九月五日尔仲麻呂止二人謀家良久　書作弖朝庭乃咎計弖 将進等 謀家利。

2. 又仲麻呂何家物計夫流尔 書中尔 仲麻呂等通家流謀乃文有。

3. 是以親王乃名波下弖諸王等成弖隠岐国尔流賜布。

4. 又池田親王波此夏馬多集天事謀止所聞支。

5. 如是在事阿麻多太比所奏。

6. 是以親王乃名波下賜天諸王等志弖土左国尔流賜布等詔大命乎聞食止宣。

1. pune no mi-kwo pa nagadukwi no itu-ka no pi ni nakamaro to puta-ri pakari-kyeraku pumi tukurite mikadwo no toga kazwopete tatematura-mu to pakari-kyeri .

2. mata nakamaro ga ipye no mono kazwopuru ni pumi no naka ni nakamaro to kaywopa-si-kyeru pakarikoto no pumi ari .

3. koko wo motite mi-kwo no na pa kudasite opo-kimi to nasite oki no kuni ni nagasi-tamapu .

4. mata ikeda no mi-kwo pa ko no natu uma opo-ku tudwopete koto pakaru to kikosi-myesi-ki .

5. kaku aru koto amatatabi mawosi-tamap-yeri .

6. koko wo motite mi-kwo no na pa kudasi-tamapite opo-kimi to site tosa no kuni ni nagasi-tamapu to noritamapu opo-mikoto wo kiki-tamapeyo to noritamapu .

 

Senmyō 31. Tenpyō Hōji 8 10th Month (764), Empress Shōtoku

1. 諸奉侍上中下乃人等乃念良末久　国乃鎮止方皇太子乎置定天之 心毛安久於多比仁在止　常人乃 念云所仁在。

2. 然今乃間　此太子乎定不賜在故方　人乃能家武止念天 定漏毛 必能之毛不在。

3. 天乃不授所乎得天在　人方受天毛全久坐物仁毛不在　後仁壊。

4. 故是以天念方　人乃授流仁依毛不得力乎以天 競倍伎物仁毛不在。

5. 猶天乃由流之天授倍伎人方 在良牟止念天 定不賜奴仁己曾阿礼。

6. 此天津日継位乎朕一利貪天後乃継乎 不定止仁方不在。

7. 今之紀乃間方 念見定牟仁 天乃授賜方牟所方 漸々現奈武止念天奈毛定不賜勅御命乎　諸聞食止勅。

8. 復勅久　人人己比岐比岐　此人乎立天我功成止念天 君位乎謀　竊仁心乎通天 人乎伊佐奈比湏湏牟己止莫。

9. 己可衣之不成事乎謀止曾 先祖乃門毛滅継毛絶。

10. 自今以後仁方明仁貞岐心乎以天 可仁可久仁止念佐末多久 事奈久之天 教賜乃末仁末奉侍止勅御命乎　諸聞食止勅。

1. moromoro tukape-maturu kami naka simo no pito-domo no omop-yera-maku kuni no sidume to pa pitugi no mi-kwo wo oki-sadamete si kokoro mo yasurake-ku odapi ni ari to tune pito no omopi-ip-yeru koto ni ari .

2. sikaru ni ima no ma ko no pitugi no mi-kwo wo sadame-tamapa-zu aru yuwe pa pito no yokye-mu to omopite sadamuru mo kanarazu yo-ku si mo ara-zu .

3. ame no sadukenu wo ete aru pito pa ukete mo mata-ku imasu mono ni mo ara-zu noti ni yabure-nu .

4. kare koko wo motite omopeba pito no sadukuru ni yorite mo e-zu tikara wo motite araswopu be-ki mono ni mo ara-zu .

5. napo ame no yurusite saduku be-ki pito pa ara-mu to omopite sadame-tamapa-nu ni koso are .

6. ko no ama tu pitugi no kurawi wo ware pitori musaborite noti no tugi wo sadamezi to ni pa ara-zu .

7. imasikwi no ma pa omopi-mi-sadame-mu ni ame no saduke-tamapa-mu pito pa yaya-ku arapare-na-mu to omopite namo sadame-tamapa-nu to noritamapu opo-mikoto wo moromoro kiki-tamapeyo to noritamapu .

8. mata nori-tamapaku pitobito ono ga pikipiki ko no pito wo tatete wa ga isawo to nasa-mu to omopite kimi no kurawi wo pakari pisoka ni kokoro wo kaywopa-site pito wo izanapi-susumu koto na-kare .

9. ono ga e-si nasa-nu koto wo pakaru to so topo tu oya no kadwo mo porobosi tugi mo tati-nuru .

10. ima ywori noti ni pa ariraka ni tadasi-ki kokoro wo motite ka ni kaku ni to omopi-samatagu koto na-ku site wosipe-tamapi no manima tukape-mature to noritamapu opo-mikoto wo moromoro kiki-tamapeyo to noritamapu .

 

Senmyō 32. Tenpyō Jingo 1 1st Month (765), Empress Shōtoku

1. 天皇何大御命良麻止 勅大御命乎　衆聞食止勅。

2. 仕奉人等中尔　其仕奉随状　治給人毛在。

3. 　又御軍尔仕奉礼留尔依弖 治給人毛在。

4. 然此多比　賜位冠方　常与利方異仁在。

5. 可久賜故方　平伎時仁奉侍己止方 誰人可不奉侍在牟。

6. 如此久宇治方夜伎時仁 身命乎不惜之天 貞久明久浄心乎以天 朝庭乎 護奉侍流人等乎己曾　治賜比 哀賜倍伎物尔 在止奈毛念。

7. 故是以　今由久前仁毛緩怠事无之天　諸能劣家牟人等乎毛 教伊佐奈比進　常与利毛 益湏益湏勤結理奉侍止之天奈毛　冠位上給治給久止宣御命乎　諸聞食止宣。

1. sumyera ga opo-mikotorama to noritamapu opo-mikoto wo moromoro kiki-tamapeyo to noritamapu .

2. tukape-maturu pito-domo no naka ni so no tukape-maturu sama no manima-ni wosame-tamapu pito mo ari .

3. mata mi-ikusa ni tukape-matur-eru ni yorite wosame-tamapu pito mo ari .

4. sikaru ni ko no tabi tamapu kurawi kagapuri pa tune yori pa koto ni ari .

5. kaku tamapu yuwe pa tapirake-ki toki ni tukape-maturu koto pa tare si no pito ka tukape-matura-zu ara-mu .

6. kaku udipaya-ki toki ni mwiinoti wo wosima-zu site tadasi-ku aka-ku kiywo-ki kokoro wo motite mikadwo wo mamori-tukape-maturu pito-domo wo koso wosame-tamapi aparemi-tamapu be-ki mono ni are to namo omoposu .

7. kare koko wo motite ima yuku saki ni mo yurupi-okotaru koto na-ku site moromoro no wodinakye-mu pito-domo wo mo wosipe-izanapi-susume tune yori mo masumasu tutwome-simari-tukape-mature to site namo kagapurikurawi age-tamapi wosame-tamapaku to noritamapu opo-mikoto wo moromoro kiki-tamapeyo to noritamapu .

 

Senmyō 33. Tenpyō Jingo 1 3rd Month (765), Empress Shōtoku

1. 天下政方　君乃勅仁在乎　己可心乃比岐比岐　太子乎立止念天 功乎欲湏流物仁方不在。

2. 　然此位方　天地乃置賜比 授賜布位仁在。

3. 故是以　朕毛天地乃明伎奇岐徴乃 授賜人方 出奈牟止 念天在。

4. 猶今乃間方　明仁浄岐心乎以天　人仁毛伊佐奈方礼湏　人乎毛 止毛奈方湏之天 於乃毛於乃毛 貞仁能久浄伎心乎以天 奉仕止詔己止乎　諸聞食倍止詔。

5. 復有人方　淡路仁侍坐湏人乎率来天　佐良仁帝止立天 天下乎治之米无等念天在人毛在良之止奈毛念。

6. 然其人方　天地乃 宇倍奈弥由流之天授賜流人仁毛不在。

7. 何乎以天可知止奈良方　志愚仁　心不善之天 天下乎治仁不足。

8. 然乃味仁不在 逆悪伎仲末呂止同心之天 朝廷乎動之傾无止謀天在人仁在。

9. 何曾此人乎復立无止念无。

10. 自今以後仁方如此久念天謀己止 止等詔大命乎聞食倍止宣。

1. ame no sita no maturigoto pa kimi no opo-mikoto ni aru wo ono ga kokoro no pikibiki pitugi no mi-kwo wo tate-mu to omopite isawo wo pori suru mono ni pa ara-zu .

2. sikaredomo ko no kurawi pa ametuti no oki-tamapi saduke-tamapu kurawi ni ari .

3. kare koko wo motite ware mo ametuti no akirake-ki ayasi-ki sirusi no saduke-tamapu pito pa ide-na-mu to omopite ari .

4. napo ima no ma pa akiraka ni kiywo-ki kokoro wo motite pito ni mo izanapare-zu pito wo mo tomonapa-zusite ono mo ono mo sadaka-ni yo-ku kiywo-ki kokoro wo motite tukape-mature to noritamapu koto wo moromoro kiki-tamapye to noritamapu .

5. mata aru pito pa apadi ni paberi-masu pito wo wite kite sara ni mikadwo to tatete ame no sita wo wosame-sime-mu to omopite aru pito mo aru rasi to namo omoposu .

6. sikaredomo so no pito pa ametuti no ubenami-yurusite saduke-tamap-yeru pito ni mo ara-zu .

7. nani wo motite ka siru to naraba kokorozasi oroka ni kokoro yok-ara-zu site ame no sita wo wosamuru ni tara-zu .

8. sika nomwi ni ara-zu sakasima ni asi-ki nakamaro to kokoro wo oyazi-ku site mikadwo wo ugokasi katabuke-mu to pakarite aru pito ni ari .

9. nani so ko no pito wo mata tate-mu to omopa-mu .

10. ima ywori noti ni pa kaku omopite pakaru koto yameyo to noritamapu opo-mikoto wo kiki-tamapye to noritamapu .

 

Senmyō 34. Tenpyō Jingo 1 8th Month (765), Empress Shōtoku

1. 今和気仁勅久　先尔奈良麻呂等我謀反乃事起天在之時仁方　仲麻呂伊忠臣止之天侍都。

2. 然後仁逆心乎以天 朝庭乎動傾止之天 兵乎備流時仁　和気伊申天在。

3. 此尔依天官位乎昇賜治賜都。

4. 可久方阿礼止毛 仲麻呂毛和気毛 後仁方猶逆心以天在家利。

5. 復己我先霊仁 祈願幣流書乎 見流仁 云天在良久　己我心仁念求流事乎之成給天波　尊霊乃子孫乃遠流天在乎方 京都仁 召上天臣止成无止 云利。

6. 復　己怨男女二人在。

7. 此乎殺賜幣止云天在。

8. 是書乎見流仁 謀反乃心阿利止方明仁見都。

9. 是以天法乃末尔末尔治賜止宣。

1. ima wake ni nori-tamapaku saki ni naramarora ga mupon no koto okorite ari-si toki ni pa nakamaro i tadasi-ki omi to site paberi-tu .

2. sikaru ni noti ni sakasima ni aru kokoro wo motite mikadwo ugokasi-katabuke-mu to site ikusa wo sonapuru toki ni wake i mawosite ari .

3. kore ni yorite tukasakurawi wo age-tamapi wosame-tamapi-tu .

4. kaku pa aredomo nakamaro mo wake mo noti ni pa napo sakasima ni aru kokoro wo motite ari-kyeri .

5. mata ono ga oya no mi-tama ni inori-negap-yeru pumi wo miru ni ipite araku ono ga kokoro ni omopi-motomuru koto wo si nasi-tamapi-teba taputwo-ki mi-tama no umi no kwo no topo-ku nagasite aru woba miyakwo ni myesi-agete omi to nasa-mu to ip-yeri .

6. mata ono ga ata wotoko womina puta-ri ari .

7. ko wo korosi-tamapye to ipite ari .

8. ko no pumi wo miru ni mupon no kokoro ari to pa ariraka ni mi-tu .

9. koko wo motite nori no manima-ni wosame-tamapu to noritamapu .

 

Senmyō 35. Tenpyō Jingo 1 8th Month (765), Empress Shōtoku

1. 粟田道麻呂 大津大浦 石川長年等尔勅久　朕師大臣禅師乃宣久　愚痴仁在奴方 思和久事毛無之天　人乃不当无礼止 見咎牟流乎毛不知之天　悪友尔所引率流物在。

2. 是以　此奴等毛 如是久逆穢心乎 発天在計利止方　既明仁知奴。

3. 由此天理波 法乃末尔末尔治給倍久在。

4. 然此遍方猶　道鏡伊 所賜天 彼等我惑心乎方 教導天 貞久浄伎心乎以天 朝庭乃御奴止奉仕之米无止 宣尔依天　汝等我罪方免給。

5. 但官方解給不。

6. 散位止之天奉仕止勅御命乎　聞食倍止宣。

7. 　又勅久　従今往前仁小過毛 在人仁所率流止之所聞波　必法乃末尔末仁罪奈比給岐良比給止勅御命乎　聞食倍止宣。

1. apata no mitimaro opo-tu no opo-ura isikapa no nagatosi-ra ni nori-tamapaku wa ga sidaizinzenzi no nori-tamapaku kataku na ni aru yatukwo pa omopi-waku koto mo na-ku site pito no name-ku wiya na-si to mi-togamuru wo mo sira-zu site asi-ki tomo ni izanaparuru mono ni ari .

2. koko wo motite ko no yatukwo-domo mo kaku sakasima ni kitana-ki kokoro wo okosite ari-kyeri to pa sude ni akiraka ni siri-nu .

3. kore ni yorite kotowari pa nori no manima-ni wosame-tamapu be-ku ari .

4. sikaredomo ko no tabi pa napo daukyau i tamaparite sore-ra ga matwop-yeru kokoro woba wosipe-mitibikite tadasi-ku kiywo-ki kokoro wo motite mikadwo no mi-yatukwo to tukape-matura-sime-mu to noritamapu ni yorite imasi-ra ga tumi pa yurusi-tamapu .

5. tadasi tukasa pa toki-tamapu .

6. tone to site tukape-mature to noritamapu opo-mikoto wo kiki-tamapye to noritamapu .

7. mata nori-tamapaku ima ywori yuku saki ni isasake-ki ayamati mo ara-mu pito ni izanaparu to si kikosi-myesaba kanarazu nori no manima-ni tuminapi-tamapi kira-pi-tamapa-mu to noritamapu opo-mikoto wo kiki-tamapye to noritamapu .

 

Senmyō 36. Tenpyō Jingo 1 Leap 10th Month (765), Empress Shōtoku

1. 今勅久　太政官能大臣方 奉仕倍伎人乃 侍坐時仁方　必　其官乎授賜物仁在。

2. 是以　朕師　大臣禅師能 朕乎守多比 助賜乎見礼方　内外二種乃人等仁置天 其理仁慈哀天 過无久毛 奉仕之米天志可等念保之米之天 可多良比能利多布言乎聞久仁　是能太政太臣乃官乎 授末都流仁方 敢多比奈牟可等奈毛念。

3. 故是以　太政大臣禅師能位乎授末都留止勅御命乎　諸聞食止宣。

4. 復勅久　是位乎授末都良牟等申佐方 必不敢伊奈等宣多方牟止念之天奈毛　不申之天 是能太政大臣禅師乃御位　授末都流等 勅御命乎　諸聞食等宣。

1. ima nori-tamapaku opo-maturigoto no tukasa no opo-mapye tu kimi pa tukape-maturu be-ki pito no paberi-masu toki ni pa kanarazu so no tukasa wo saduke-tamapu mono ni ari .

2. koko wo motite wa ga sidaizinzenzi no ware wo mamori-tabi tasuke-tabu wo mireba utitwo puta-kusa no pito-domo ni okite so no kotowari ni utukusibwite ayamati na-ku mo tukape-matura-sime-te-si ka to omopo-sime site katarapi-nori-tabu koto wo kiku ni ko no opo-maturigoto no opo-mapye tu kimi no tukasa wo saduke-maturu ni pa ape-tabi-na-mu ka to namo omoposu .

3. kare koko wo motite daizyaudaizinzenzi no kurawi wo saduke-maturu to noritamapu opo-mikoto wo moromoro kiki-tamapeyo to noritamapu .

4. mata nori-tamapaku ko no kurawi wo saduke-matura-mu to mawosaba kanarazu apezi ina to nori-taba-mu to omoposite namo mawosa-zu site ko no daizyaudaizinzenzi no mi-kurawi saduke-maturu to noritamapu opo-mikoto wo moromoro kiki-tamapeyo to noritamapu .

 

Senmyō 37. Tenpyō Jingo 1 11th Month (766), Empress Shōtoku

1. 由紀湏伎二国守等仁命久 汝多知方　貞仁明伎心乎以天 朝庭能護等之天関仁奉供礼方己曾　国方多久在止毛 美濃止越前止御占仁合天 大嘗乃政事乎取以天奉供良之止念行天奈毛位冠賜久止宣。

1. yukwi suki puta-kuni no kami-tati ni nori-tamapaku imasi-tati pa sadaka ni aka-ki kokoro wo motite mikadwo no mamori to site seki ni tukape-matureba koso kuni pa opo-ku aredomo minu to kwosi no miti no kuti to mi-ura ni apite opo-nipe no maturigoto wo tori-motite tukape-maturu rasi to omoposi-myesite namo kurawi kagapuri-tamapa-ku to noritamapu .

 

Senmyō 38. Tenpyō Jingo 1 11th Month (766), Empress Shōtoku

1. 今勅久 今日方大新嘗乃猶良比能豊明聞行日仁在。

2. 然此遍能常余利別仁在故方　朕方仏能御弟子等之天菩薩能戒乎受賜天在。

3. 此仁依天 上都方波三宝仁供奉 次仁方天社国社乃神等乎毛為夜備末都利　次仁方供奉留親王多知臣多知百官能人等　天下能人民諸乎愍賜慈賜牟等念天奈毛 還天復天下乎治賜。

4. 故汝等毛安久於多比仁侍天　由紀 湏伎二国乃 献礼留 黒紀 白紀能御酒乎赤丹乃保仁 多末倍恵良伎 常毛 賜酒幣乃物乎賜方利以天 退止 為天奈毛御物賜方久止宣。

5. 復勅久　神等乎方三宝余利離天 不触物曾止奈毛 人能 念天在。

6. 然経乎見末都礼方　仏能御法乎護末都利尊末都流方 諸乃神多知仁伊末志家利。

7. 故是以　出家人毛白衣毛相雑天供奉仁 豈障事波不在止念天奈毛　本忌之可如久方不忌之天　此乃大嘗方 聞行止宣御命乎　諸聞食止宣。

1. ima nori-tamapaku kyepu pa opo-nipe no naporapi no toyo no akari kikosi-myesu pi ni ari .

2. sikaru ni ko no tabi no tune yori koto ni aru yuwe pa ware pa potoke no mi-desi to site bosati no imikoto wo uke-tamapite ari .

3. kore ni yorite kami tu kata pa samubou ni tukape-maturi tugi ni pa ama tu yasiro kuni tu yasiro no kamwi-tati wo mo wiyabwi-maturi tugi ni pa tukape-maturu mi-kwo-tati omi-tati tukasadukasa no pito-domo ame no sita no opo-mitakara moromoro wo aparemi-tamapi utukusibwi-tamapa-mu to omoposite namo kapyerite mata ame no sita wo wosame-tamapu .

4. kare imasi-tati mo yasurake-ku odapi ni paberite yukwi suki puta-kuni no tatematur-eru kurwo-ki sirwo-ki no mi-ki wo aka ninopo ni tamape-weraki tune mo tamapu sakamapi no mono wo tamapari-motite makare to site namo opo-mimono tamapaku to noritamapu .

5. mata nori-tamapaku kamwi-tati woba samubou yori sakete purenu mono so to namo pito no omopite aru .

6. sikaredomo kyau wo mi-matureba potoke no mi-nori wo mamori-maturi taputwobwi-maturu pa moromoro no kamwi-tati ni imasi-kyeri .

7. kare koko wo motite ipye de-si pito mo sirwokinu mo api-maziparite tukape-maturu ni ani saparu koto pa arazi to omoposite namo moto imisi ga goto-ku pa ima-zu site ko no opo-nipe pa kikosi-myesu to noritamapu opo-mikoto wo moromoro kiki-tamapeyo to noritamapu .

 

Senmyō 39. Tenpyō Jingo 1 11th Month (766), Empress Shōtoku

1. 必人方父我可多母我可多能親在天成物仁在。

2. 然王多知止藤原朝臣等止方 朕親仁在我故仁　黒紀 白紀乃御酒　賜　御手物　賜方久止宣。

1. kanarazu pito pa titi ga kata papa ga kata no ukara arite naru mono ni ari .

2. sikaru ni opo-kimi-tati to pudipara no asomi-tati to pa wa ga ukara ni aru ga yuwe ni kurwo-ki sirwo-ki no mi-ki tamapi mi-te tu mono tamapaku to noritamapu .

 

Senmyō 40. Tenpyō Jingo 2 1st Month (766), Empress Shōtoku

1. 今勅久　掛畏岐 近淡海乃大津宮仁 天下所知行之天皇我御世尔奉侍末之之藤原大臣　復後乃藤原大臣尔 賜天在留 志乃比己止乃書尔 勅天在久　子孫乃浄久明伎心乎以天 朝庭尔奉侍牟乎波必治賜牟　其継方 絶不賜止勅天在我故尔　今藤原永手朝臣尔右大臣之官授賜止勅天皇御命遠　諸聞食止宣。

1. ima nori-tamapaku kake-maku mo kasikwo-ki apumi no opo-tu no miya ni ame no sita sira-si-myesi-si sumyera ga mi-yo ni tukape-maturi-masi-si pudipara no opo-mapye tu kimi mata noti no pudipara no opo-mapye tu kimi ni tamapite aru sinwobikoto no pumi ni nori-tamapite araku umi no kwo no kiywo-ku aka-ki kokoro wo motite mikadwo ni tukape-matura-mu woba kanarazu wosame-tamapa-mu . so no tugi pa tati-tamapazi to nori-tamapite aru ga yuwe ni ima pudipara no nagate no asomi ni migi no opo-mapye tu kimi no tukasa wo saduke-tamapu to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 41. Tenpyō Jingo 2 10th Month (766), Empress Shōtoku

1. 今勅久　无上岐仏乃御法波　至誠心乎以天 拝尊備献礼波　必異奇験乎 阿良波之授賜物尔伊末志家利。

2. 然今示現賜弊流如来乃尊岐大御舍利波　常奉見余利波 大御色毛光照天甚美久　大御形毛円満天別好久大末之末世波　特尔久湏之久奇事乎思議許止極難之。

3. 是以　意中尔昼毛夜毛倦怠己止无久　謹美礼末比仕奉都都侍利。

4. 是実尔化能大御身波 縁尔随天 度導賜尔波 時乎不過行尔 相応天 慈備 救賜止云　言尔在良之止奈毛念湏。

5. 猶之法乎 興隆之牟流尔波　人尔依天 継比呂牟流物尔在。

6. 故諸乃大法師等乎比岐為天 上止伊麻湏 太政大臣禅師乃 如理久 勧行波之米 教導賜尔依天之　如此久奇久尊岐験波顕賜弊利。

7. 然此乃尊久 宇礼志岐事乎　朕独乃味夜 喜止念天奈毛　太政大臣朕大師尔 法王乃位授末都良久止勅天皇御命乎　諸聞食止宣。

8. 復勅久　此乃世間乃位乎波 楽求多布事波 都天无　一道尔志天　菩薩乃行乎修比　人乎度導牟止云尔　心波 定天伊末湏。

9. 可久波阿礼止毛　猶朕我 敬報末川流和佐止之天奈毛 此乃位冠乎 授末川良久止勅天皇我御命乎　諸聞食止宣。

10. 次尔　諸大法師可中仁毛　此二禅師等伊 同心乎以天相従　道乎志天　世間乃位冠乎波 不楽伊末佐倍止毛奈毛 猶不得止天 円興禅師尔 法臣位授末川流。

11. 基真禅師尔 法参議大律師止之天 冠波 正四位上乎授気　復物部浄之乃朝臣止云姓乎 授末川流止勅天皇我御命乎　諸聞食止宣。

12. 復勅久　此寺方 朕外祖父先乃太政大臣藤原大臣之家仁在。

13. 今其家之名乎継天明可仁浄伎心乎以天 朝廷乎奉助理仕奉流右大臣藤原朝臣遠波 左大臣乃位授賜比治賜。

14. 復吉備朝臣波 朕我 太子等坐之之時余利　師等之天 教悟家留多乃年歴奴。

15. 今方身毛不敢阿流良牟物乎　夜昼　不退之天護助奉侍遠見礼波　可多自気奈弥奈毛念湏。

16. 然人止之天 恩乎不知恩乎不報奴乎波 聖乃御法仁毛 禁給弊流物仁在。

17. 是以天　吉備朝臣仁 右大臣之位授賜止勅布天皇我御命乎諸聞食止宣。

1. ima nori-tamapaku kami na-ki potoke no mi-nori pa nemokoro naru kokoro wo motite worogami-taputwobwi-matureba kanarazu koto ni ayasi-ki sirusi wo arapasi-saduke-tamapu mono ni imasi-kyeri .

2. sikaru ni ima arapare-tamap-yeru nyorai no taputwo-ki opo-misyari pa tune mi-maturu yori pa opo-miiro mo pikari-terite ito urupasi-ku opo-mikatati mo tarapite koto ni yo-ku opo-masi-maseba koto ni kususi-ku ayasi-ki koto wo omopi-pakaru koto kipamarite kata-si .

3. koko wo motite kokoro no uti ni piru mo yworu mo umi-okotaru koto na-ku tutusimi uyamapi-tukape-maturitutu paberi .

4. kore makoto ni kari no opo-mimwi pa en ni sitagapite watasi-mitibiki-tamapu ni pa toki wo sugusa-zu okonapi ni api-kotapete utukusibwi-sukupi-tamapu to ipu koto ni aru rasi to namo omoposu .

5. napo si nori wo okosi-sakaye-simuru ni pa pito ni yorite tugi-piroparu mono ni ari .

6. kare moromoro no daipousi-tati wo piki-wite kami to imasu daizyau daizinzenzi no kotowari no goto-ku susume-okonapa-sime wosipe-mitibiki-tamapu ni yorite si kaku ayasi-ku taputwo-ki sirusi pa arapasi-tamap-yeri .

7. sikaru ni ko no taputwo-ku uresi-ki koto wo ware pito-ri nomwi ya yorokobwi-mu to omoposite namo opo-maturigoto no opo-mapye tu kimi wa ga daisi ni popuwau no kurawi saduke-maturaku to noritamapu sumyera ga opo-mikoto wo moromoro kiki-tamapeyo to noritamapu .

8. mata nori-tamapaku ko no yo no naka no kurawi woba negapi-motome-tabu koto pa katute na-ku pito-tu no miti ni kokoro-zasite bosati no gyau wo okonapi pito wo watasi-mitibika-mu to ipu ni kokoro pa sadamete imasu .

9. kaku pa aredomo napo wa ga uyamapi-mukui-maturu waza to site namo ko no kurawi kagapuri wo saduke-maturaku to noritamapu sumyera ga opo-mikoto wo moromoro kiki-tamapeyo to noritamapu .

10. tugi ni moromoro no daipopusi ga naka ni mo ko no puta-ri no zenzi-tati i oyazi kokoro wo motite api-sitagapi miti wo kokoro-zasite yo no naka no kurawi kagapuri woba negapa-zu imasapedomo namo napo yamu koto wo e-zute enkouzenzi ni popusin no kurawi saduke-maturu .

11. kwisinzenzi ni popusangi dairitusi to site kagapuri pa opo-ki yotu no kurawi no kami tu sina wo saduke mata mononobye no kiywosi no asomi to ipu kabane wo saduke-maturu to noritamapu sumyera ga opo-mikoto wo moromoro kiki-tamapeyo to noritamapu .

12. mata nori-tamapaku ko no tera pa wa ga papakata no opo-disaki no opo-maturigoto no opo-mapye tu kimi pudipara no opo-mapye tu kimi no ipye ni ari .

13. ima so no ipye no na wo tugite akiraka ni kiywo-ki kokoro wo motite mikadwo wo tasuke-maturi tukape-maturu migi no opo-mapye tu kimi pudipara no asomi woba pidari no opo-mapye tu kimi no kurawi saduke-tamapi wosame-tamapu .

14. mata kibwi no asomi pa wa ga pitugi no mi-kwo to imasi-si toki yori mi-pumiyomi to site wosipe-satosi-kyeru amata no tosi pe-nu .

15. ima pa mwi mo ape-zu aru ramu mono wo yworupiru makara-zu site mamoritasuketukapematuru wo mireba katazikenami namo omoposu .

16. sikaru ni pito to site megumi wo sira-zu megumi wo mukuinu woba piziri no mi-nori ni mo isame-tamap-yeru mono ni ari .

17. koko wo motite kibwi no asomi ni migi no opo-mapye tu kimi no kurawi saduke-tamapu to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 42. Jingo Keiun 1 8th Month (767), Empress Shōtoku

1. 日本国尔坐天 大八洲国照給比治給布倭根子天皇我御命良麻止勅布御命乎 衆諸聞食止宣。

2. 今年乃六月十六日 申時仁東南之角尔当天 甚奇久異尔麗岐雲 七色 相交天立登天在。

3. 此乎朕自毛見行之 又侍諸人等毛共見天 恠備喜備都々在間仁 伊勢国守従五位下阿倍朝臣東人等我奏久 六月十七日尔 度会郡乃等由気乃宮乃上仁当天 五色瑞雲起覆天

4. 在 依此天 彼形乎 書写以進止奏利。

5. 復陰陽寮毛 七月十日尔 西北角仁 美異雲立天在 同月廿三日仁東南角仁有雲 本朱 末黄 稍具五色止奏利。

6. 如是久奇異雲乃 顕在流所由乎令勘尔 式部省等我奏久 瑞書尔細勘尔是即 景雲尔在。

7. 実合大瑞止奏世利。

8. 然朕念行久 如是久大仁貴久奇異尔在大瑞波 聖皇之御世尔 至徳尔感天 天地乃 示現之賜物止奈毛常毛聞行湏。

9. 是豈敢 朕徳伊 天地乃御心乎令感動末都流倍岐事波无止奈毛念行湏。

10. 然此方 大御神宮上尔示顕給。

11. 故尚 是方 大神乃慈備示給幣流物奈犁。

12. 又掛毛畏岐御世御世乃先乃皇我御霊乃助給比慈給幣流物奈犁。

13. 復去正月尔二七日之間 諸大寺乃大法師等乎 奏請良倍天 最勝王経乎令講読末都利 又吉祥天乃悔過乎 令仕奉流尔 諸大法師等我如理久勤天坐佐比 又諸臣等乃天下乃政事乎 合理天奉仕尔 依天之 三宝毛諸天毛 天地乃神多知毛 共尔示現賜幣流 奇久貴伎 大瑞乃雲尔 在良之止奈毛念行湏。

14. 故是以 奇久喜之支大瑞遠頂尔受給天 忍天默在去止不得之天奈毛 諸王多知臣多知乎召天 共尔歓備尊備 天地乃御恩乎奉報倍之止奈毛念行止 詔布天皇我御命遠 諸聞食止宣。

15. 然夫天方万物乎能覆養賜比 慈備愍美賜物仁坐湏。

16. 又大神宮乃祢冝 大物忌 内人等尔波叙二級。

17. 但御巫以下人等叙一級級。

18. 又伊勢国神郡二郡司及諸国祝部有位无位等賜一級。

19. 又六位以下及左右京男女年六十以上賜一級。

20. 但正六位上重三力田者賜上正六位上。

21. 又孝子順孫義夫孝婦節婦力田者賜二級表旌其門至于終身田租免給。

22. 又五位以上人等賜御手物。

23. 又天下諸国今年田租半免。

24. 又八十以上老人及鰥寡孤独不能自存者賜籾。

25. 又示顕賜弊流瑞乃末而末仁年号波改賜布。

26. 是以 改天平神護三年 為神護景雲元年止詔布天皇我御命遠 諸聞食止宣。

1. yamato no kuni ni imasite opo-yasimaguni terasi-tamapi wosame-tamapu yamato nekwo sumyera ga opo-mikotorama to noritamapu opo-mikoto wo moromoro kiki-tamapeyo to noritamapu .

2. kotosi no minadukwi no towo-ka amari muyuka no pi no saru no toki ni tatumi no sumi ni atarite ito ayasi-ku koto ni urupasi-ki kumo nana-iro api-mazirite tati-noborite ari .

3. ko wo ware midukara mo mi-sonapa-si mata paberu moromoro no pito-domo mo tomo ni mite ayasibwi-yorokobwitutu aru apida ni ise no kuni no kami piro-ki itu-tu no kurawi no simo tu sina abe no asomi adumapito-ra ga mawosaku minadukwi no towo-ka mari nanu-ka no pi ni watarapi no kopori no toyuke no miya no upe ni atarite itu-iro no sirusi no kumo tati-opopite ari .

4. kore ni yorite so no kata wo kaki-utusite tatematuru to mawos-eri .

5. mata onyau no tukasa mo pumidukwi no towo-ka no pi ni inuwi no sumi ni urupasi-ku koto ni aru kumo tatite ari onazi tukwi no patuka amari mi-ka no pi ni tatumi no sumi ni aru kumo moto ake ni suwe ki ni yaya itu-iro wo sonape-tu to mawos-eri .

6. kaku ayasi-ku koto naru kumo no arapare-taru yuwe wo kamugape-simuru ni nori no tukasa-domo ga mawosaku zuwisho ni tubusa ni kamugapuru ni kore sunapati keiun ni ari .

7. makoto ni daizuwi ni kanap-yeri to mawos-eri .

8. sikaru ni wa ga omoposi-myesaku kaku opo-ki ni taputwo-ku ayasi-ku koto ni aru opo-ki sirusi pa piziri no sumyera ga mi-yo ni itar-eru miutukusibwi ni medete ametuti no arapasi-tamapu mono to namo tune mo kikosi-myesu .

9. kore ani apete wa ga utukusibwi i ametuti no mi-kokoro wo ugokasi-maturu be-ki koto pa na-si to namo omoposi-myesu .

10. sikaru ni ko pa opo-mikamwi no miya no upe ni arapasi-tamapu .

11. kare napo ko pa opo-mikamwi no utukusibwi-arapasi-tamap-yeru mono n-ari .

12. mata kake-maku mo kasikwo-ki miyomiyo no saki no sumyera ga mi-tama no tasuke-tamapi utukusibwi-tamap-yeru mono n-ari .

13. mata ini-si mu-tukwi ni puta-nanuka no apida moromoro no opo-tera no daipopusi-tati wo mase-maturapete saisyauwaugyau wo kaudoku se-sime-maturi mata kitijauten no kekwa wo tukape-matura-simuru ni moromoro no daipopusi-tati ga kotowari no goto-ku tutwomete imasepi mata moromoro no omi-tati no ame no sita no maturigoto wo kotowari ni kanapite tukape-maturu ni yorite si samubou mo shoten mo ametuti no kamwi-tati mo tomo ni arapasi-tamap-yeru ayasi-ku taputwo-ki opo-ki sirusi no kumo ni aru rasi to namo omoposi-myesu .

14. kare koko wo motite ayasi-ku yorokobosi-ki opo-ki sirusi wo itadaki ni uke-tamaparite sinobite moda aru koto e-zu site namo opo-kimi-tati omi-tati wo myesite tomo ni yorokobwi-taputwobwi ametuti no mi-utukusibwi wo mukui-maturu be-si to namo omoposi-myesu to noritamapu sumyera ga opo-mikoto wo moromoro kiki-tamapeyo to noritamapu .

15. sikaru ni sore ame pa yorodu no mono wo yo-ku opopi-yasinapi-tamapi utukusibwi-aparemi-tamapu mono ni imasu .

16. mata opo-mikamwi no miya no negwi opo-monoimi utibito-domo ni pa puta-sina tamapu .

17. tadasi mi-kamunagi ywori simo tu kata no pito-domo ni pa pitosina tamapu .

18. mata ise no kuni no kamukopori puta-kopori no mi-yatukwo to kuniguni no papuri uwimuwi-domo to ni pitosina tamapu .

19. mata mu-tu no kurawi ywori simo tu kata to pidarimigi no mi-satwo no wotoko womina no tosi mu-swodi ywori kami tu kata to ni pitosina tamapu .

20. tadasi opo-ki mu-tu no kurawi no kami tu sina no samusen ywori upe wo kasane-taru mono ni pa kami tu opo-ki mu-tu no kurawi no kami tu sina wo tamapu .

21. mata keuzizyunson gibu keubu setibu rikiden ni pa puta-sina tamapi so no kadwo ni sirusi wo tatete mwi no wopari ni itaru made tadikara yurusi-tamapu .

22. mata itu-tu no kurawi ywori kami tu kata no pito-domo ni mi-te tu mono tamapu .

23. mata ame no sita kuniguni no kotosi no tadikara nakaba wo yurusi-tamapu .

24. mata ya-swodi ywori kami tu kata no oibito to yamome pitoripito midukara watarapu koto atapa-nu mono to ni pa momi wo tamapu .

25. mata arapasi-tamap-yeru sirusi no manima ni mi-yo no na pa aratame-tamapu .

26. koko wo motite tenpyauzingo no mi-tose wo aratamete zingokeiun no pazime no tosi to su to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 43. Jingo Keiun 3 5th Month (769), Empress Shōtoku

1. 現神止 大八州国所知 倭根子挂畏天皇大命乎 親王 王 臣 百官人等 天下公民 衆聞食止宣久

2. 犬部姉女乎波 内都奴止 為弖 冠位挙給比 根可婆祢 改給比 治給伎。

3. 然流物乎反天 逆心乎抱蔵弖 己為首弖 忍坂女王 石田女王等乎率弖 挂畏 先朝乃 依過弖弃給弖之 厨真人厨女許尔 竊徃乍岐多奈久悪奴止母止相結弖謀家良久 傾奉朝庭 乱国家弖 岐良比給弖之氷上塩焼我児志計志麻呂乎天日嗣止為牟止謀弖 挂畏天皇大御髪乎盗給波利弖 岐多奈伎佐保川乃髑髏尔入弖大宮内尔持参入来弖 厭魅為流己止三度世利。

4. 然母盧舍那如来 最勝王経 観世音菩薩 護法善神梵王 帝釈 四大天王乃不可思議威神力 挂畏開闢已来御宇天皇御霊 天地乃神多知乃護助奉都流力尔依弖 其等我穢久謀弖為留厭魅事 皆悉発覚奴。

5. 是以 撿法尔皆当死刑罪。

6. 由此弖 理波法末尔末尔 岐良比給倍久在利。

7. 然止毛 慈賜止為弖一等降弖 其等我根可婆祢 替弖 遠流罪尔治賜布止宣布天皇大命乎 衆聞食止宣。

1. aki tu mi-kamwi to opo-yasimakuni sira-si-myesu yamato nekwo kake-maku mo kasikwo-ki sumyera ga opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to nori-tamapaku .

2. inubye no anemye woba uti tu yatukwo to site kagapurikurawi age-tamapi nekabane aratame-tamapi wosame-tamapi-ki .

3. sikaru monowo kapyerite sakasima ni aru kokoro wo idakite onore pitogwo no kami to narite osaka no opo-kimi ipata no opo-kimi-tati wo pikiwite kake-maku mo kasikwo-ki saki no mikadwo no ayamati ni yorite sute-tamapite si kuriya no mapito kuriyamye ga moto ni pisoka ni yukitutu kitana-ku asi-ki yatukwo-domo to api-musubite pakari-kyeraku mikadwo wo katabuke-maturi ame no sita wo midarite kirapi-tamapite si pikami no sipoyaki ga kwo sikyesimaro wo ama tu pitugi to se-mu to pakarite kake-maku mo kasikwo-ki sumyera ga opo-mikami wo nusumi-tamaparite kitana-ki sapogapa no pitogasira ni irete opo-miya no uti ni moti-mawiri-kite maziwaza s-eru koto mitabi s-eri .

4. sikaredomo rusiyananyorai saisyouwaugyau kwanzeonbosati gopozenzin bonwau taisyaku sidaitenwau no pukasigiwizin no tikara kake-maku mo kasikwo-ki ametuti pirakete ywori konakata ame no sita sira-si-myesi-si sumyeramikoto no mi-tama ametuti no kamwi-tati no mamori tasuke-maturi-turu tikara ni yorite sore-ra ga kitana-ku pakarite s-eru maziwaza mina koto-goto-ku araparenu .

5. koko wo motite nori wo kamugapuru ni mina korosu tumi ni ater-eri .

6. kore ni yorite kotowari pa nori no manima ni kirapi-tamapu be-ku ari .

7. sikaredomo utukusibwi-tamapu to site pitosina kudasite sore-ra ga nekabane kapete topo-ku nagasu tumi ni wosame-tamapu to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 44. Jingo Keiun 3 9th Month (769), Empress Shōtoku

1. 天皇良我御命良麻止詔久　夫臣下等云物波 君仁随天 浄久貞仁明心乎以天 君乎助護　対天方 無礼岐面幣利無久 後仁波謗言無久　姦偽利 謟曲流心無之天 奉侍倍岐物仁在。

2. 然物乎　従五位下因幡国員外介輔治能真人清麻呂　其我姉　法均止 甚大尔悪久姦流妄語乎　作弖 朕仁対天 法均伊物奏利。

3. 此乎見流仁 面乃色　形　口尔云言　猶明尔　己何 作天云言乎　大神乃御命止 借天言止 所知奴。

4. 問求仁　朕所念之天在何如久　大神乃御命尔波不在止聞行定都。

5. 故是以　法乃麻尔麻退給止詔布御命乎　衆諸聞食止宣。

6. 復詔久　此事方人乃奏天在仁毛不在 唯言　其理尔不在　逆尔云利。

7. 面弊利毛無礼之天　己事乎納用与止念天在。

8. 是天地乃 逆止 云尔 此与利増波無。

9. 然此方 諸聖等　天神 地祇　現給比 悟給尔己曾在礼 誰可敢弖朕尔奏給牟。

10. 猶人方不奏天在等毛　心中悪久垢久濁天在人波 必天地現之示給都留物曾。

11. 是以　人人己何心乎明尔清久貞尔 謹天奉侍止詔布御命乎　衆諸聞食止宣。

12. 復此事乎知天 清麻呂等止相謀家牟人在止方所知天 在止毛　君波慈乎以弖天下乃政波行給物尔 伊麻世波奈毛慈備愍美給天免給布。

13. 然行事尔重在牟人乎波 法乃麻尔麻　収給牟物曾。

14. 如是状悟天 先尔清麻呂等止同心之天一二乃事毛 相謀家牟人等波 心改天明尔貞尔在心乎以天 奉侍止詔布御命乎　衆諸聞食止宣。

15. 復清麻呂等波 奉侍留奴止 所念天己曾 姓毛賜弖 治給天之可。

16. 今波穢奴止之弖 退給尔依奈毛　賜弊利之姓方 取弖 別部止成給弖　其我名波 穢麻呂止給比　法均我名毛 広虫売止還給止 詔布御命乎　衆諸聞食止宣。

17. 　復明基波 広虫売止 身波二爾在止毛　心波一尔在止所知弖奈毛　其我名毛取給弖 同久退給等詔布御命乎　衆諸聞食止宣。

1. sumyera ga opo-mikotorama to nori-tamapaku sore yatukwo to ipu mono pa kimi ni sitagapite kiywo-ku sadaka ni aka-ki kokoro wo motite kimi wo tasuke-mamori-mukapite pa wiya na-ki omop-yeri na-ku usiro ni pa sosiru koto na-ku kadami-itupari-peturapi-magar-eru kokoro na-ku site tukape-maturu be-ki mono ni ari .

2. sikaru monowo piro-ki itu-tu no kurawi no simo tu sina inaba no kuni no kazu ywori poka no suke pudino no mapito kiywomaro so ga anepopukun to ito opo-ki ni asi-ku kadam-yeru ituparigoto wo tukurite ware ni mukapite popukun i mono mawos-eri .

3. ko wo miru ni omote no iro katati kuti ni ipu koto napo akiraka ni ono ga tukurite ipu koto wo opo-kamwi no opo-mikoto to karite ipu to sira-si-myesi-nu .

4. twopi-motomuru ni wa ga omoposite aru ga goto-ku opo-mikamwi no opo-mikoto ni pa ara-zu to kikosi-myesi-sadame-tu .

5. kare koko wo motite nori no manima sirizoke-tamapu to noritamapu opo-mikoto wo moromoro kiki-tamapeyo to noritamapu .

6. mata nori-tamapaku ko no koto pa pito no mawosite aru ni mo ara-zu tada koto so no kotowari ni ara-zu sakasima ni ip-yeri .

7. omop-yeri mo wiya na-ku site ono ga koto wo iremoti-wiyo to omopite ari .

8. kore ametuti no sakasima to ipu ni kore yori masaru pa na-si .

9. sikareba ko pa shoshou-tati ama tu kamwi kuni tu kamwi no arapasi-tamapi-satosi-tamapu ni koso are tare ka apete ware ni mawosi-tamapa-mu .

10. napo pito pa mawosa-zute aredomo kokoro no uti asi-ku kitana-ku nigorite aru pito pa kanarazu ametuti no arapasi-simyesi-tamapi-turu mono so .

11. koko wo motite pitobito ono ga kokoro wo akiraka ni kiywo-ku sadaka ni tutusimite tukape-mature to noritamapu opo-mikoto wo moromoro kiki-tamapeyo to noritamapu .

12. mata ko no koto wo sirite kiywomaro-ra to api-pakarikye-mu pito ari to pa sira-si-myesite aredomo kimi pa utukusibwi wo motite ame no sita no maturigoto pa okonapi-tamapu mono ni imaseba namo utukusibwi-aparemi-tamapite yurusi-tamapu .

13. sikaredomo siwaza ni kasanaritara-mu pito woba nori no manima wosame-tamapa-mu mono so .

14. kaku no sama satorite saki ni kiywomaro-ra to kokoro wo oyazi-ku site pito-tu puta-tu no koto mo api-pakarikye-mu pito-domo pa kokoro aratamete akiraka ni sadaka ni aru kokoro wo motite tukape-mature to noritamapu opo-mikoto wo moromoro kiki-tamapeyo to noritamapu .

15. mata kiywomaro-ra pa tukape-maturu yatukwo to omoposite koso kabane mo tamapite wosame-tamapi-te-si ka ima pa kitana-ki yatukwo to site sirizoke-tamapu ni yorite namo tamap-yeri-si kabane pa torite wakebye to nasi-tamapite so ga na pa kitanamaro to tamapi popukun ga na mo piromusimye to kapyesi-tamapu to noritamapu opo-mikoto wo moromoro kiki-tamapeyo to noritamapu .

16. mata myaukwi pa piromusimye to mwi pa puta-tu ni aredomo kokoro pa pito-tu ni ari to sira-si-myesite namo si ga na mo tori-tamapite oyazi-ku sirizoke-tamapu to noritamapu opo-mikoto wo moromoro kiki-tamapeyo to noritamapu .

 

Senmyō 45. Jingo Keiun 3 10th Month (769), Empress Shōtoku

1. 天皇我御命良麻止詔 久挂麻久毛畏岐新城乃大宮尔天下治給 之中 都 天皇 能 臣等 乎 召 天 後 乃 御命 仁 勅 之久 汝等 乎 召 都留 事 方 朝庭 尔 奉侍 良牟 状教詔 牟止曾 召 都留 。

2. 於太比 尔 侍 弖 諸聞食。

3. 貞 久 明 尔 浄 伎 心 乎 以 天 朕子天皇 仁 奉侍 利 護助 麻都礼 。

4. 継 天方 是太子 乎 助奉侍 礼 。

5. 朕 我 教給 布 御命 尔 不順 之天 王等 波 己 我 得 麻之字岐 帝 乃 尊 岐 宝位 乎 望求 米 人 乎 伊射奈 比 悪 久 穢心 乎 以 天 逆 尔 在謀 乎 起 臣等 方 己 我 比伎婢企是 尔 託彼 尔 依 都都 頑 尔 無礼 伎 心 乎 念 弖 横 乃 謀 乎 構。

6. 如是在 牟 人等 乎波 朕必天翔給 天 見行 之 退給 比 捨給 比 岐良 比 給 牟 物 曾 。

7. 天地 乃 福 毛 不蒙 自 。

8. 是状知 天 明 仁 浄 伎 心 乎 以 天 奉侍 牟 人 乎波 慈給 比 愍給 天 治給 牟 物 曾 。

9. 復天 乃 福 毛 蒙 利 永世 尔 門不絶奉侍 利 昌 牟 。

10. 許己知 天 謹 麻利 浄心 乎 以 天 奉侍 止 将命 止奈毛 召 都流止 勅 比 於保世給 布 御命 乎　 衆諸聞食 止 宣。

11. 復詔 久 挂 毛 畏 伎 朕 我 天 乃 御門帝皇 我 御命以 天 勅 之久 朕 尔 奉侍 牟 諸臣等朕 乎 君 止 念 牟 人 方 太皇后 仁 能奉侍 礼 。

12. 朕 乎 念 天 在 我 如 久 異 奈 念。

13. 継 天方 朕子太子 尔 明 仁 浄 久 二心無 之天 奉侍 礼 。

14. 朕 方 子二 利止 云言 波 無。

15. 唯此太子一人 乃味曾 朕 我 子 波 在。

16. 此心知 天 諸護助奉侍 礼 。

17. 然朕 波 御身都可 良之 久 於保麻之麻 湏 尔 依 天 太子 尔 天 都 日嗣高御座 乃 継 天方 授 麻都流 止 命 天 朕 尔 勅 之久 天下 乃 政事 波 慈 乎 以 天 治 与 。

18. 復上 波 三宝 乃 御法 乎 隆 之米 出家道人 乎 治 麻都 利 次 波諸天神 地祇 乃 祭祀 乎不絶 下 波 天下 乃 諸人民 乎 愍給 弊 。

19. 復勅 之久 此帝 乃 位 止 云物 波 天 乃 授不給 奴 人 尔 授 天方 保 己止毛不得 亦変 天 身 毛 滅 奴流 物 曾 。

20. 朕 我 立 天 在人 止 云 止毛 汝 我 心 尔 不能 止 知 目 尔 見 天牟 人 乎波 改 天 立 牟 事 方 心 乃 麻而 麻世与 止 命 伎 。

21. 復 勅 之久 朕 我 東人 尔 授刀 天 侍 之牟留 事 波 汝 乃 近護 止之天 護 之米 与止 念 天奈毛 在。

22. 是東人 波 常 尔 云 久 額 尔 方 箭 波 立 止毛 背 波 箭 方 不立 止 云 天 君 乎 一心 乎 以 天 護物 曾 。

23. 此心知 天 汝都 可弊 止 勅 比之 御命 乎 不忘。

24. 此状悟 天 諸東国 乃 人等謹 之末利 奉侍 礼 。

25. 然挂 毛 畏 岐 二所 乃 天皇 我 御命 乎 朕 我 頂 尔 受賜 天 昼 毛 夜 毛 念持 天 在 止毛 由無 之弖 人 尔 云聞 之牟留 事 不得 猶 。

26. 此 尔 依 天 諸 乃 人 尔 令聞 止奈毛 召 都留 。

27. 故是以今朕 我 汝等 乎 教給 牟 御命 乎 衆諸聞食 止 宣。

28. 夫君 乃 位 波 願求 乎 以 天 得事 方 甚難 止 云言 乎波 皆知 天 在 止毛 先 乃 人 波 謀乎遅奈 之　 我 方 能 久 都与 久 謀 天 必得 天牟止 念 天 種種 尔 願禱 止毛　猶諸聖天神 地祇御霊 乃 不免給 不授給物 尔 在 波　 自然 尔 人 毛 申顕己 我 口 乎 以 天毛 云 都々 変 天 身 乎 滅災 乎 蒙 天 終 尔 罪 乎 己 毛 他 毛 同 久 致 都 。

29. 因茲 天 天地 乎 恨君臣 乎毛 怨 奴 。

30. 猶心 乎 改 天 直 久 浄 久 在 波 天地 毛 憎多麻波 受 君 毛 捨不給 之天 福 乎 蒙身 毛 安 家牟 。

31. 生 天方 官位 乎 賜 利 昌死 弖波 善名 乎 遠世 尔 流伝 天牟 。

32. 是故先 乃 賢人云 天 在 久体方 灰 止 共 尔 地 仁 埋 利奴礼止名波 烟 止 共 尔 天 尔 昇 止 云 利 。

33. 又云 久 過 乎 知 天方 必改 与 能 乎 得 天方 莫忘 止 伊布 。

34. 然物 乎 口 尔 我 方 浄 之止 云 天 心 仁 穢 乎波 天 乃 不覆地 乃 不載 奴 所 止 成 奴 。

35. 此 乎 持 伊波 称 乎 致 之捨伊波 謗 乎 招 都 。

36. 猶朕 我 尊 備 拝 美 読誦 之 奉 留 最勝王経 乃 王法正論品 尔 命 久 若造善悪業　 令 於現在中諸天共護持　示其善悪報。

37. 国人造悪業王者不禁制 此非順正理 。

38. 治擯当如法 止 命 天 在。

39. 是 乎 以 天 汝等 乎 教導 久 。

40. 今世 尔方 世間 乃 栄福 乎 蒙 利 忠浄名 乎 顕 之 後世 尔方 人天 乃 勝楽 乎 受 天 終 尔 仏 止 成止 所念 天奈毛 諸 尔 是事 乎 教給 布止 詔 布 御命 乎衆諸聞食 止 宣。

41. 復詔 久 此賜 布 帯 乎 多麻波 利 弖汝等乃 心 乎 等等 能倍 直 之 朕 我 教事 尔 不違 之天 束 祢 治 牟 表 止奈毛 此帯 乎 賜 久止 詔 布 御命 乎衆諸聞食 止 宣。

1. sumyera ga opo-mikotorama to nori-tamapaku kake-maku mo kasikwo-ki nipikwi no opo-miya ni ame no sita wosame-tamapi-si naka tu sumyeramikoto no omi-tati wo myesite noti no opo-mikoto ni nori-tamapi-siku .

2. imasi-tati wo myesi-turu koto pa mikadwo ni tukape-matura-mu sama wosipe-tamapi-noritamapa-mu to so myesi-turu .

3. odapi ni paberite moromoro kiki-tamapeyo .

4. tadasi-ku akiraka ni kiywo-ki kokoro wo motite wa ga kwo sumyeramikoto ni tukape-maturi mamori-tasuke-mature .

5. tugite pa ko no pitugi no mi-kwo wo tasuke-tukape-mature .

6. wa ga wosipe-tamapu mikoto ni sitagapa-zu site opo-kimi-tati pa ono ga u masizi-ki mikadwo no taputwo-ki mi-kurawi wo nozomi-motome pito wo izanapi asi-ku kitana-ki kokoro wo motite sakasima ni aru pakarikoto wo tate omi-tati pa ono ga pikibiki kore ni tuki kare ni yoritutu katakuna ni wiya na-ki kokoro wo omopite yokosima no pakarikoto wo kamapu .

7. kaku ara-mu pito-domo woba ware kanarazu ama-gakeri-tamapite mi-sonapasi-sirizoke-tamapi sute-tamapi kirapi-tamapa-mu mono so .

8. ametuti no sakipapi mo kagapurazi .

9. kaku no sama sirite akiraka ni kiywo-ki kokoro wo motite tukape-matura-mu pito woba utukusibwi-tamapi aparemi-tamapite wosame-tamapa-mu mono so .

10. mata ame no sakipapi mo kagapuri naga-ki yo ni kadwo taye-zu tukape-maturi-sakaye-mu .

11. koko sirite tutusimari kiywo-ki kokoro wo motite tukape-mature to nori-tamapa-mu to namo myesi-turu to nori-tamapi opose-tamapu opo-mikoto wo moromoro kiki-tamapeyo to noritamapu .

12. mata nori-tamapaku kake-maku mo kasikwo-ki wa ga ame no mikadwo sumyera ga opo-mikoto motite nori-tamapi-si-ku ware ni tukape-matura-mu moromoro no omi-tati ware wo kimi to omopa-mu pito pa opo-kisaki ni yo-ku tukape-mature .

13. ware wo omopite aru ga goto-ku koto ni na omopi .

14. tugite pa wa ga kwo pitugi no mi-kwo ni akiraka ni kiywo-ku puta-gokoro na-ku site tukape-mature .

15. ware pa kwo puta-ri to ipu koto pa na-si .

16. tada ko no pitugi no mi-kwo pito-ri nomwi so wa ga kwo pa aru .

17. ko no kokoro sirite moromoro mamori-tasuke-tukape-mature .

18. sikaraba ware pa mi-mwi tukarasi-ku opomasimasu ni yorite pitugi no mi-kwo ni ama tu pitugi takamikura no tugite pa saduke-maturu to nori-tamapite ware ni nori-tamapi-si-ku ame no sita no maturigoto pa utukusibwi wo motite wosameyo .

19. mata kami pa samubou no mi-nori wo sakaye-sime ipye de se-si pito wo wosame-maturi tugi pa moromoro no ama tu kamwi kuni tu kamwi no maturi wo tata-zu simo pa ame no sita no opo-mitakara wo aparemi-tamapye .

20. mata nori-tamapa-si-ku ko no mikadwo no kurawi to ipu mono pa ame no saduke-tamapa-nu pito ni sadukete pa tamotu koto mo e-zu mata kapyerite mwi mo porobwi-nuru mono so .

21. wa ga tatete aru pito to ipu tomo mimasi ga kokoro ni yo-kara-zu to siri me ni mi-te-mu pito woba aratamete tate-mu koto pa kokoro no manima seyo to nori-tamapi-ki .

22. mata nori-tamapi-si-ku wa ga adumabito ni tati wo sadukete pabera-simuru koto pa mimasi no tika-ki mamori to site mamora-simeyo to omopite namo aru .

23. ko no adumabito pa tune ni ipaku pitapi ni pa ya pa tatu tomo se pa ya pa tatazi to ipite kimi wo pito-tu kokoro wo motite mamoru mono so .

24. ko no kokoro sirite mimasi tukapye to nori-tamapi-si opo-mikoto wo wasure-zu .

25. kaku no sama satorite moromoro no adumakuni no pito-domo tutusimari-tukape-mature .

26. sikaru ni kake-maku mo kasikwo-ki puta-tokoro no sumyera ga opo-mikoto wo wa ga itadaki ni uke-tamaparite piru mo yworu mo omoposi-motite aredomo yosi na-ku site pito ni ipi kika-simuru koto e-zu napo ari-ki .

27. kore ni yorite moromoro no pito ni kika-sime-mu to namo myesi-turu .

28. kare koko wo motite ima wa ga imasi-tati wo wosipe-tamapa-mu opo-mikoto wo moromoro kiki-tamapeyo to noritamapu .

29. sore kimi no kurawi pa negapi-motomuru wo motite uru koto pa ito kata-si to ipu koto woba mwina sirite aredomo saki no pito pa pakarigoto wodina-si ware pa yo-ku tuyo-ku pakarite kanarazu e-te-mu to omopite kusagusa ni negapi-inoredomo napo syosyau ama tu kamwi kuni tu kamwi no mi-tama no yurusi-tamapa-zu saduke-tamapa-nu mono ni areba onodukara ni pito mo mawosi-arapasi ono ga kuti wo motite mo ipitutu kapyerite mwi wo porobosi wazapapi wo kagapurite tupi ni tumi wo onore mo pito mo onazi-ku itasi-tu .

30. kore ni yorite ametuti wo urami kimi omi wo mo urami-nu .

31. napo kokoro wo aratamete napo-ku kiywo-ku araba ametuti mo nikumi-tamapa-zu kimi mo sute-tamapa-zu site sakipapi wo kagapuri mwi mo yasukye-mu .

32. ikite pa tukasakurawi wo tamapari sakaye-sinite pa yo-ki na wo topo-ki yo ni nagasi-tutape-te-mu .

33. ko no yuwe ni saki no sakasi-ki pito ipite araku mwi pa papi to tomo ni tuti ni udumori-nuredo na pa keburi to tomi ni ame ni noboru to ip-yeri mata ipaku ayamati wo sirite pa kanarazu aratameyo yo-ki wo ete pa wasuru na to ipu .

34. sikaru monowo kuti ni ware pa kiywo-si to ipite kokoro ni kitana-ki woba ame no opopa-zu tuti no nosenu mono to nari-nu .

35. ko wo tamotu i pa tatape wo itasi suturu i pa sosiri wo maneki-tu .

36. napo wa ga taputwobwi-worogami dokuzyu si maturu saisyouwaugyau no waubopusyauronbon ni nori-tamapaku mosi zenaku no gepu wo tukuru toki ni pa yo-ku genzai no naka ni syoten mo tomo ni godi site so no zenaku no pou wo simyesu .

37. kokuzin no akugepu wo tukuru wo wau no sutete kinsei se-zu ara-mu i pa kore syauri ni jun se-zu .

38. dipin se-mu koto masa ni nori no goto-ku seyo to nori-tamapite ari .

39. koko wo motite imasi-tati wo wosipe-mitibiku .

40. ko no yo ni pa seken no yaupuku wo kagapuri tadasi-ku kiywo-ki na wo arapasi noti no yo ni pa ninden no syauraku wo ukete tupi ni potoke to nare to omoposite namo moromoro ni ko no koto wo wosipe-tamapu to noritamapu opo-mikoto wo moromoro kiki-tamapeyo to noritamapu .

41. mata nori-tamapaku ko no tamapu obi wo tamaparite imasi-tati no kokoro wo totonope-napo-si wa ga wosipe koto ni tagapa-zu site tukane wosame-mu sirusi to namo ko no obi wo tamapaku to noritamapu opo-mikoto wo moromoro kiki-tamapeyo to noritamapu .

 

Senmyō 46. Jingo Keiun 3 11th Month (769), Empress Shōtoku

1. 今勅久今日方新嘗乃猶良比乃豊乃明聞許之売湏日仁在。

2. 然昨日能冬至日仁天雨天地毛潤万物毛萌毛延始天好阿流良牟止念仁伊豫国与利白祥鹿乎献奉天在礼方有礼志与呂許保志止奈毛見流。

3. 復三乃善事乃同時仁集天在己止甚希有止念畏末利尊備諸臣等止共仁異奇久麗白伎形乎奈毛見喜流。

4. 故是以黒記白記乃御酒食倍恵良伎常毛賜酒幣乃物賜礼止之天御物給波久止宣。

1. ima nori-tamapaku kyepu pa nipinape no naporapi no toyo no akari kikosi-myesu pi ni ari .

2. sikaru ni kinopu no puyu no kipami no pi ni ame purite tuti mo urupopi yorodu no mono mo megumi moye-pazimete yo-ku aru ramu to omopu ni iyo no kuni yori sirwo-ki sirusi no sika wo tatematurite areba uresi yorokobosi to namo miru .

3. mata mi-tu no yogoto no oyazi toki ni atumarite aru koto ito medurasi to omoposi-kasikwomari-taputwobwi omi-tati to tomo ni koto ni ayasi-ku urupasi-ki sirwo-ki katati wo namo mi-yorokoburu .

4. kare koko wo motite kurwoki sirwoki no mi-ki tamape weraki tune mo tamapu sakamapi no mono tamapare to site opo-mimono tamapaku to noritamapu .

 

Senmyō 47. Hōki 1 8th Month (770), Empress Shōtoku

1. 今詔久事卒尔尔有依天諸臣等議天白壁王波諸王乃中尔年歯毛長奈利又先帝乃功毛在故而太子止定天　奏波奏流麻尔麻定給布止勅久止宣。

1. ima nori-tamapaku koto nipaka ni aru ni yorite omi-tati pakarite sirakabye no opo-kimi pa opo-kimi-tati no naka ni yopapi mo ko no kami nari mata saki no mikadwo no mi-isawo mo aru yuwe ni pitugi no mi-kwo to sadamete mawoseba mawos-eru manima sadame-tamapu to nori-tamapaku to noritamapu .

 

Senmyō 48. Hōki 1 10th Month (770), Emperor Kōnin

1. 天皇詔旨勅命乎　親王諸王諸臣百官人等　天下公民　衆聞食宣。

2. 掛母恐伎奈良宮御宇倭根子天皇去八月尔此食国天下之業乎拙劣朕尔被賜而仕奉止負賜授賜伎止勅天皇詔旨乎頂尔受被賜恐美受被賜懼進母不知尔退不知尔恐美坐久止勅命乎　衆聞宣。

3. 然此乃天日嗣高御座之業者天坐神地坐祇乃相宇豆奈比奉相扶奉事尔依弖志此座者平安御坐弖天下者所知物尔在良之止奈母所念行湏。

4. 又皇坐而天下治賜君者賢臣能人乎得而志天下乎波平安治物尔在良志止奈母聞看行湏。

5. 故是以大命坐勅久朕雖拙弱親王始而王臣等乃相穴奈比奉相扶奉牟事尔依而志此之負賜授賜食国天下之政者平安仕奉倍之止奈母所念行湏。

6. 故是以衆浄明心正直言以而食国政奏比天下公民乎恵治倍之止奈母所念行湏止勅天皇命衆聞宣。

7. 辞別詔今年八月五日肥後国葦北郡人日奉部広主売献白亀。

8. 又同月十七日同国益城郡人山稲主献白亀。

9. 此則並合大瑞。

10. 故天地貺大瑞者受被賜歓受被賜可貴物尔在。

11. 是以改神護景雲四年為宝亀元年。

12. 又仕奉人等中尔志何仕奉状随弖一二人等冠位上賜比治賜布。

13. 又大赦天下。

14. 又天下六位已下有位人等給位一階。

15. 大神宮始弖諸社之祢宜等給位一階。

16. 又僧綱始弖諸寺師位僧尼等尔御物布施賜布。

17. 又高年人等養賜。

18. 又困乏人等恵賜布。

19. 又孝義有人等其事免賜。

20. 又今年天下田租免賜久止宣天皇勅衆聞宣。

1. sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. kake-maku mo kasikwo-ki nara no miya ni ame no sita sira-si-myesi-si yamato nekwo sumyeramikoto no ini-si padukwi ni ko no wosukuni ame no sita no waza wo tutana-ku wodina-ki ware ni tamaparite tukape-mature to opose-tamapi saduke-tamapi-ki to noritamapu sumyera ga opo-mikoto wo itadaki ni uke-tamapari kasikwomi uke-tamapari-odi susumi mo sira-ni sirizoki mo sira-ni kasikwomi-masaku to noritamapu opo-mikoto wo moromoro kiki-tamapeyo to noritamapu .

3. sikaru ni ko no ama tu pitugi takamikura no waza pa ame ni masu kamwi kuni ni masu kamwi no api-udu-napi-maturi api-tasuke-maturu koto ni yorite si ko no kurawi ni pa tapirake-ku yasurake-ku opo-masi-masite ame no sita pa sira-si-myesu mono ni aru rasi to namo omoposi-myesu .

4. mata sumyera to imasite ame no sita wosame-tamapu kimi pa sakasi-ki omi no yo-ki pito wo e-te-si ame no sita woba tapirake-ku yasurake-ku wosamuru mono ni aru rasi to namo kikosi-myesu .

5. kare koko wo motite opo-mikoto ni imase nori-tamapaku ware pa tutana-ku wodina-ku aredomo mi-kwo-tati wo pazimete opo-kimi-tati omi-tati no api-ananapi-maturi api-tasuke-matura-mu koto ni yorite si ko no opose-tamapi saduke-tamapu wosukuni ni ame no sita no maturigoto pa tapirake-ku yasurake-ku tukape-maturu be-si to namo omoposi-myesu .

6. kare koko wo motite moromoro kiywo-ku aka-ki kokoro tadasi-ku napo-ki koto wo motite wosukuni no maturigoto mawosi-tamapi ame no sita no opo-mitakara wo utukusibwi-wosamu be-si to namo omoposi-myesu to noritamapu sumyera ga opo-mikoto wo moromoro kiki-tamapeyo to noritamapu .

7. koto-wakite nori-tamapaku kotosi no padukwi no itu-ka no pi pi no miti no siri no kuni no asikita no kopori no pito pimaturibye no pironusimye sirwo-ki kame wo tatematuri-ki .

8. mata oyazitukwi no towo-ka amari nanu-ka no pi oyazikuni no masikwi no kopori no pito yama no inanusi sirwo-ki kame wo tatematuri-ki .

9. ko pa sunapati narabi ni daizuwi ni kanap-yeri .

10. kare ametuti no tamap-yeru opo-ki sirusi pa uke-tamapari yorokobwi-uke-tamapari taputwobu be-ki mono ni ari .

11. koko wo motite zingokeiun no yotose wo aratamete pouki no pazime no tosi to su .

12. mata tukape-maturu pito-domo no naka ni si ka tukape-maturu sama ni sitagapite pito-ri puta-ri-domo kagapurikurawi age-tamapi wosame-tamapu .

13. mata ame no sita piro-ku tumi yurusi-tamapu .

14. mata ame no sita no mu-tu no kurawi ywori simo tu kata no kurawi aru pito-domo ni kurawi pitosina tamapu .

15. opo-mikamwi no miya wo pazimete yasiroyasiro no negwi-domo ni kurawi pitosina tamapu .

16. mata popusi no tukasa wo pazimete teradera no si no kurawi no popusi ama-domo ni opo-mimono podokosi-tamapu .

17. mata tosi taka-ki pito-domo yasinapi-tamapu .

18. mata madusi-ki pito-domo utukusibwi-tamapu .

19. mata keugi aru pito-domo so no koto yurusi-tamapu .

20. mata kotosi ame no sita no tadikara yurusi-tamapaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 49. Hōki 1 11th Month (770), Emperor Kōnin

1. 現神大八州所知倭根子天皇詔旨止宣詔旨乎親王王臣百官人等　天下公民　衆聞食宣。

2. 朕以劣弱身承鴻業弖恐利畏進毛不知尔退毛不知尔所念波貴久慶伎御命自独能味夜受給武止所念弖奈毛法能麻尔麻尔追皇掛恐御春日宮皇子　奉称天皇又兄弟姉妹諸王子等悉作親王弖冠位上給治給。

3. 又以井上內親王定皇后止宣天皇御命衆聞食宣。

1. aki tu mi-kamwi to opo-yasima sira-si-myesu yamto nekwo sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. ware tutana-ku wodina-ki mwi ni ama tu pitugi wo uke-tamaparite kasikwomari odi-susumi mo sira-ni sirizoku mo sira-ni omoposeba taputwo-ku yorokobosi-ki opo-mikoto wo midukara pito-ri nomwi ya uke-tamapara-mu to omoposite namo nori no manima-ni kake-maku mo kasikwo-ki kasuga no miya ni masi-masi-si mi-kwo wo opite sumyera to si sumyeramikoto to mawosi mata ani oto ane imo moromoro no opo-kimi-tati wo koto-goto-ku mi-kwo to nasite kagapurikurawi age-tamapi wosame-tamapu .

3. mata wi no pe no pimyemikwo wo opo-kisaki to sadame-tamapu to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 50. Hōki 2 1st Month (771), Emperor Kōnin

1. 明神御八州養徳根子天皇　詔旨勅命乎　親王諸王諸臣百官人等　天下公民　衆聞宣。

2. 随法尔皇后御子他戸親王立為皇太子。

3. 故此状悟弖百官人等仕奉詔天皇御命諸聞食止宣。

4. 故是以大赦天下罪人。

5. 又一二人等冠位上賜治賜。

6. 又官人等大御手物賜。

7. 高年窮乏孝義人等養給治賜牟止勅天皇命乎衆聞宣。

1. aki tu mi-kamwi to opo-yasima sira-si-myesu yamto nekwo sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. nori no manima-ni opo-kisaki no mi-kwo wosabe no mi-kwo wo tatete pitugi no mi-kwo to sidamapu .

3. kare kaku no sama satorite tukasadukasa no pito-domo tukape-mature to noritamapu sumyera ga opo-mikoto wo moromoro kiki-tamapeyo to noritamapu .

4. kare koko wo motite ame no sita no tumibito piro-ku tumi yurusi-tamapu .

5. mata pito-ri puta-ri-domo kagapurikurawi age-tamapi wosame-tamapu .

6. mata tukasabito-domo ni opo-mite tu mono tamapu .

7. tosi taka-ki pito madusi-ki pito keugi aru pito-domo yasinapi-tamapi wosame-tamapa-mu to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 51. Hōki 2 2nd Month (771), Emperor Kōnin

1. 藤原左大臣尔詔大命乎宣。

2. 大命坐詔久大臣明日者参出来仕牟止待比賜間尔休息安麻利弖参出末湏事波無之帝天皇朝乎置而罷退止聞看而於母富佐久於与豆礼加母多波許止乎加母云。

3. 信尔之有者仕奉之太政官之政乎波誰任之加母罷伊麻湏孰授加母罷伊麻湏。

4. 恨加母悲加母。

5. 朕大臣誰尔加母我語比佐気牟孰尔加母我問比佐気牟止悔弥惜弥痛弥酸弥大御泣哭之坐止詔大命乎宣。

6. 悔加母惜加母。

7. 自今日者大臣之奏之政者不聞看夜成牟。

8. 自明日者大臣之仕奉儀者不看行夜成牟。

9. 日月累往麻尔麻尔悲事乃未之弥可起加母。

10. 歳時積往麻尔麻尔佐夫之岐事乃未之弥可益加母。

11. 朕大臣春秋麗色乎波誰倶加母見行弄賜牟。

12. 山川浄所者孰倶加母見行阿加良閉賜牟止歎賜比憂賜比大坐坐止詔大命乎宣。

13. 美麻之大臣乃万政惣以無怠緩事無曲傾事久王臣等乎母彼此別心无普平奏比公民之上乎母広厚慈而奏事。

14. 此耳不在天皇朝乎暫之間母罷出而　休息安母布事无食国之政乃平善可在状　天下公民之息安麻流倍伎事乎旦夕夜日不云　思議奏比仕奉者欸美明美意大比之美多能母志美思保之ツツ大坐坐間尔忽朕朝乎離而　罷止富良之奴礼婆言牟須部母無為牟湏倍母不知尔悔備賜比和備賜比大坐坐止詔大命乎宣。

15. 又事別詔久仕奉志事広美厚美弥麻之大臣之家内子等乎母波布理不賜失不賜慈賜波牟起賜波牟温賜波牟省賜波牟。

16. 美麻之大臣乃罷道母宇之呂軽久心母意太比尔念而平久幸久罷止富良湏倍之止詔大命乎宣。

1. pudipara no pidari no opo-mapye tu kimi ni noritamapu opo-mikoto wo noritamapu .

2. opo-mikoto ni imase nori-tamapaku opo-mapye tu kimi asu pa mawi-de-ki-tukape-mu to matapi-tamapu apida ni yasumarite mawi-de-masu koto pa na-ku site sumyera ga mikadwo wo okite makari-imasu to kikosi-myesite omoposaku oyodure kamo tapakoto wo kamo ipu .

3. makoto ni si araba tukape-maturi-si opo-maturigoto no tukasa no maturigoto woba tare ni yosasi kamo makari imasu .

4. tare ni saduke kamo makari-imasu .

5. uramyesi kamo kanasi kamo .

6. wa ga opo-mapye tu kimi tare ni kamo wa ga katarapi-sake-mu tare ni kamo wa ga twopi-sake-mu to kuyasi-mi atarasi-mi ita-mi kanasi-mi opo-mi-ne-naka-si-masu to noritamapu opo-mikoto wo noritamapu .

7. kuyasi kamo atarasi kamo .

8. kyepu ywori pa opo-mapye tu kimi no mawosi-si maturigoto pa kikosi-myesa-zu ya nara-mu .

9. asu ywori pa opo-mapye tu kimi no tukape-maturi-si sugata pa misonapasa-zu ya nara-mu .

10. pitukwi kasanari-yuku manima-ni kanasi-ki koto nomwi si iyoyo okoru be-ki kamo .

11. tosi tumori-yuku manima-ni sabusi-ki koto nomwi si iyoyo masaru be-ki kamo .

12. wa ga opo-mapye tu kimi paruaki no urupasi-ki iro woba tare to tomo ni kamo misonapasi-mote-aswobi-tamapa-mu .

13. yamakapa no kiywo-ki tokoro ba tare to tomo ni kamo misonapasi-akarape-tamapa-mu to nageki-tamapi urepe-tamapi opo-masi-masu to noritamapu opo-mikoto wo noritamapu .

14. mimasi opo-mapye tu kimi no yorodu no maturigoto pusane-motite okotari-yurupu koto na-ku mage-katabukuru koto na-ku opo-kimi-tati omi-tati wo mo karekore waku kokoro na-ku amane-ku tapirake-ku mawosapi opo-mi-takara no upe wo mo piro-ku atu-ku utukusibwite mawosapisi koto .

15. kore nomwi ni ara-zu sumyera ga mikadwo wo simaraku no ma mo makari-idete yasumopu koto na-ku wosukuni no maturigoto no nagusi-ku aru be-ki sama ame no sita no opo-mitakara no yasumaru be-ki koto wo asayupu yworupiru to ipa-zu omopi-pakari-mawosi-tamapi-tukape-matureba iswosi-mi akirake-mi odapisi-mi tanomosi-mi omopo-situtu opo-masi-masu apida ni tatimati ni wa ga mikadwo wo sakarite makari-topora-si-nureba ipa-mu sube mo na-ku se-mu sube mo sira-ni kuyasibwi-tamapi wabwi-tamapi opo-masi-masu to noritamapu opo-mikto wo noritamapu .

16. mata kotowakite nori-tamapaku tukape-maturi-si koto piro-mi atu-mi mimasi opo-mapye tu kimi no ipye no uti no kwo-domo wo mo papuri-tamapa-zu usinapi-tamapa-zu utukusibwi-tamapa-mu okosi-tamapa-mu tadune-tamapa-mu kapyeri-mi-tamapa-mu .

17. mimasi opo-mapye tu kimi no makaridi mo usiro karo-ku kokoro mo odapi ni omopite tapirake-ku saki-ku makari-topora-su be-si to noritamapu opo-mikoto wo noritamapu .

 

Senmyō 52. Hōki 2 2nd Month (771), Emperor Kōnin

1. 大命坐詔久美麻志大臣乃仕奉来状波不今耳挂母畏近江大津宮御宇天皇御世尔八大臣之曾祖藤原朝臣内大臣明浄心以弖天皇朝乎助奉仕奉岐。

2. 藤原宮御宇天皇御世尔八祖父太政大臣又明浄心以天皇朝乎助奉仕奉岐。

3. 今大臣者鈍朕乎扶奉仕奉麻之都。

4. 賢臣等乃累世而仕奉麻佐部流事乎奈母加多自気奈美伊蘇志美思坐湏。

5. 故是以祖等乃仕奉之次仁母有又朕大臣乃仕奉状母労美重美太政大臣之位尔上賜比授賜時尔固辞申而不受賜成尔岐。

6. 然後母将賜止思富之坐之奈何良太政大臣之位尔上賜比治賜久止詔大命乎宣。

1. opo-mikoto ni imase nori-tamapaku mimasi opo-mapye tu kimi no tukape-maturi-ko-si sama pa ima nomwi nara-zu kake-maku mo kasikwo-ki apumi no opo-tu no miya ni ame no sita sira-si-myesi-si sumyera ga mi-yo ni pa opo-mapye tu kimi no opo-opodi pudipara no asomi no uti no opo-omi aka-ku kiywo-ki kokoro wo motite sumyera ga mikadwo wo tasuke-maturi tukape-maturi-ki .

2. pudipara no miya ni ame no sita sira-si-myesi-si sumyera ga mi-yo ni pa opo-di opo-maturigoto no opo-mapye tu kimi mata aka-ku kiywo-ki kokoro wo motite sumyera ga mikadwo wo tasuke-maturi tukape-maturi-ki .

3. ima opo-mapye tu kimi pa wodina-ki ware wo tasuke-maturi tukape-maturi-masi-tu .

4. sakasi-ki omi-tati no yo wo kasanete tukape-maturi-masap-yeru koto wo namo katazikena-mi iswosi-mi omoposi-masu .

5. kare koko wo motite oya-tati no tukape-maturi-si tugite ni mo ari mata wa ga opo-mapye tu kimi no tukape-maturu sama mo itapasi-mi ikasi-mi opo-maturigoto no opo-mapye tu kimi no kurawi ni age-tamapi saduke-tamapu toki ni kata-ku inabwi-mawosite uke-tamapara-zu nari-ni-ki .

6. sikaru noti mo tamapa-mu to omoposi-masi-nagara opo-maturigoto no opo-mapye tu kimi no kurawi ni age-tamapi wosame-tamapaku to noritamapu opo-mikoto wo noritamapu .

 

Senmyō 53. Hōki 3 3rd Month (772), Emperor Kōnin

1. 天皇御命良麻止宣御命乎　百官人等天下百姓衆聞食倍止宣。

2. 今裳咋足嶋謀反事自首之申世利。

3. 勘問尔　申事波　度年経月尔計利。

4. 法勘流尔　足嶋毛罪在倍之。

5. 然度年経月弖毛　臣奈何良　自首之申良久乎勧賜比　冠位上賜比治賜波久止宣天皇御命乎衆聞食倍止宣。

6. 辞別宣久謀反事尔預弖隠而申佐奴奴等粟田広上安都堅石女波随法斬乃罪尔行賜倍之。

7. 然思保湏大御心坐尔依而免賜比奈太毎賜比弖遠流罪尔治賜波久止宣天皇御命乎衆聞食倍止宣。

1. sumyera ga opo-mikotorama to noritamapu opo-mikoto wo tukasadukasa no pito-domo ame no sita no opo-mitakara moromoro kiki-tamapye to noritamapu .

2. ima mokupi no tarusima mupon no koto midukara arapasi-mawos-eri .

3. kamugape-twopu ni mawosu koto pa tosi wo watari tukwi wo pe-ni-kyeri .

4. nori wo kamugapuru ni tarusima mo tumi aru be-si .

5. sikaredomo tosi wo watari tukwi wo pete mo yatukwo-nagara midukara arapasi-mawos-eraku wo susume-tamapi kagapurikurawi age-tamapi wosame-tamapaku to noritamapu sumyera ga opo-mikoto wo moromoro kiki-tamapye to noritamapu .

6. koto-wakite nori-tamapaku mupon no koto ni adukarite kakusite mawosa-nu yatukwo-domo apata no pirope ato no katasipamye pa nori no manima-ni zan no tumi ni okonapi-tamapu be-si .

7. sikaredomo omoposu opo-mikokoro imasu ni yorite yurusi-tamapi nadame-tamapite topo-ku nagasu tumi ni wosame-tamapaku to noritamapu sumyera ga opo-mikoto wo moromoro kiki-tamapye to noritamapu .

 

Senmyō 54. Hōki 3 5th Month (772), Emperor Kōnin

1. 天皇御命良麻止宣御命乎百官人等天下百姓衆聞食倍止宣。

2. 今皇太子止定賜部流他戸王其母井上内親王乃魘魅大逆之事一二遍能味仁不在遍麻年久発覚奴。

3. 其高御座天之日嗣座波非吾一人之私座止奈毛所思行湏。

4. 故是以天之日嗣止定賜比儲賜部流皇太子位仁謀反大逆人之子乎治賜部例婆卿等百官人等天下百姓能念良麻久毛恥志賀多自気奈志。

5. 加以後世乃平久安長久全久可在伎政仁毛不在止神奈賀良母所念行湏仁依而奈母他戸王乎皇太子之位停賜比却賜布止宣天皇御命乎衆聞食倍止宣。

1. sumyera ga opo-mikotorama to noritamapu opo-mikoto wo tukasadukasa no pito-domo ame no sita no opo-mitakara moromoro kiki-tamape to noritamapu .

2. ima pitugi no mi-kwo to sadame-tamap-yeru wosabe no opo-kimi so no papa wi nope no pimye mi-kwo no enmidaigyaku no koto pitotabi puta-tabi nomwi ni ara-zu tabimaneku arapare-nu .

3. sore takamikura ame no pitugi no kurawi pa ware pito-ri no watakusi no kurawi ni ara-zu to namo omoposi-myesu .

4. kare koko wo motite ama no pitugi to sadame-tamapi make-tamap-yeru pitugi no mi-kwo no kurawi ni mupondaigyaku no pito no kwo wo wosame-tamap-yereba mapye tu kimi-tati tukasadukasa no pito-domo ame no sita no opo-mitakara no omop-yera-maku mo padukasi katazikena-si .

5. sika nomwi ni ara-zu noti no yo no tapirake-ku yasurake-ku naga-ku mata ku- aru be-ki maturigoto ni mo ara-zu to kamu-nagara mo omoposi-myesu ni yorite namo wosabe no opo-kimi wo pitugi no mi-kwo no kurawi todome-tamapi sirizoke-tamapu to noritamapu sumyera ga opo-mikoto wo moromoro kiki-tamapye to noritamapu .

 

Senmyō 55. Hōki 4 1st Month (773), Emperor Kōnin

1. 明神大八洲所知湏和根子天皇詔旨勅命乎親王諸王諸臣百官人等天下公民衆聞食止宣。

2. 随法尔可有伎政止志弖山部親王立而皇太子止定賜布。

3. 故此之状悟天百官人等仕奉礼止詔天皇勅命乎衆聞食宣。

4. 大赦天下。

5. 但謀殺殺訖私鑄銭強竊二盗，及常赦所不免者，並不在赦限。

6. 又一二人等仁冠位上賜高年窮乏孝義人等養給牟止勅天皇命乎衆聞宣。

1. aki tu mi-kamwi to opo-yasima sira-si-myesu yamato nekwo sumyera ga opo-mikotorama to noritamapu opo-mikoto wo mi-kwo-tati oo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. nori no manima-ni aru be-ki maturigoto to site yamapye no mi-kwo wo tatete pitugi no mi-kwo to sadame-tamapu .

3. kare kaku no sama satorite tukasadukasa no pito-domo tukape-mature to noritamapu sumyera ga opo-mikoto wo moromoro kiki-tamapeyo to noritamapu .

4. [KANBUN_TEXT] mata pito-ri puta-ri-domo ni kagapurikurawi age-tamapi tosi taka-ki pito madusi-ki pito keugi aru pito-domo yasinapi-tamapa-mu to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 56. Hōki 7 4th Month (776), Emperor Kōnin

1. 天皇 我大命良麻等遣唐国使人尔詔大命乎聞食止宣。

2. 今詔佐伯今毛人宿祢大伴宿祢益立二人今汝等二人乎遣唐国者今始弖遣物尔波不在本与利自朝使其国尔遣之其国与利進渡祁里。

3. 依此弖使次止遣物曾。

4. 悟此意弖其人等乃和美安美応為久相言部。

5. 驚呂驚呂之岐事行奈世曾。

6. 亦所遣使人判官已下死罪已下有犯者順罪弖行止之弖節刀給久止詔大命乎聞食止宣。

1. sumyera ga opo-mikotorama to morokwosi ni tukapa-su tukapi ni noritamapu opo-mikoto wo kiki-tamapeyo to noritamapu .

2. ima nori-tamapaku sapeki no ima emisi no sukune opo-tomo no sukune masu tatu puta-ri ima imasi-tati puta-ri wo morokwosi ni tukapa-su pa ima pazimete tukapa-su mono ni pa ara-zu moto ywori mikadwo ywori tukapi ka no kuni ni tukapa-si ka no kuni yori madasi-watasi-kyeri .

3. kore ni yorite tukapi no tugite to tukapa-su mono so .

4. ko no kokoro wo satorite ka no pito-domo no nikwo-mi yasu-mi su be-ku api-ipye .

5. odoro-odorosi-ki kotowaza na-se-so .

6. mata tukapa-su tukapi no maturigotopito ywori simo tu kata korosu tumi ywori simo wokasu koto araba tumi ni sitagapite okonapye to site sirusi no tati tamapaku to noritamapu opo-mikoto wo kiki-tamapeyo to noritamapu .

 

Senmyō 57. Hōki 8 4th Month (777), Emperor Kōnin

1. 現神 止大八洲国所知天皇大命 良麻止詔大命 乎聞食止宣。

2. 遠天皇御世々々年緒不落間 牟事無久仕奉来流業 止奈毛所念行湏。

3. 又天津日嗣受賜 流礼事 乎左閇歓奉出 礼波辱 奈美歓 之美奈毛所聞行湏。

4. 故是以今毛今毛遠長久平久惠賜比安賜牟止彼国乃王尔波語部止詔天皇大命乎聞食止宣。

1. aki tu mi-kamwi to opo-yasimakuni sira-si-myesu sumyera ga opo-mikotorama to noritamapu opo-mikoto wo kiki-tamapeyo to noritamapu .

2. toposumyeroki no miyomiyo tosi no wo oti-zu apidamu koto na-ku tukape-maturi-kuru waza to namo omoposi-myesu .

3. mata ama tu pitugi uke-tamapar-eru koto wo sape yorokobwi-tatemadas-ereba katazikena-mi yorokobosi-mi namo kikosi-myesu .

4. kare koko wo motite ima mo ima mo topo-naga-ku tapirake-ku utukusibwi-tamapi yasume-tamapa-mu to ka no kuni no konikisi ni pa katarapye to noritamapu sumyera ga opo-mikoto wo kiki-tamapeyo to noritamapu .

 

Senmyō 58. Ten'ō 1 2nd Month (781), Emperor Kōnin

1. 天皇大命 良麻止能登内親王 尔告 与止詔大命 乎宣。

2. 此月頃間身労 湏止聞食弖伊都之 可病止 弖参入 弖朕心 毛慰 米麻佐牟止今日 加有牟明日加有 牟止所念食都々待比賜間 尔安加良米佐湏如事久於与豆礼加毛年毛高久成多流朕乎置弖罷麻之奴 止聞食弖奈毛驚賜比悔 備賜比大坐 湏。

3. 如此在牟止知 末世婆心置 弖毛談比賜比相見 弖末之物乎。悔 加毛哀加毛云部不知 毛之在加毛。

4. 朕波汝乃志 乎波暫久乃間毛忘得 末之自美奈毛悲備賜比之乃比賜 比大御泣哭川大坐麻湏。

5. 然 毛治賜牟止所念之位 止奈毛一品贈賜不。

6. 子等乎婆二世王 尔上賜比治賜不。

7. 労 久奈思麻之曾。

8. 罷麻佐牟道波平幸久都々牟事無久宇志呂毛軽久安久通良世止告与止詔天皇大命乎宣。

1. sumyera ga opo-mikotorama to noto no pimye mi-kwo ni tugeyo to nori-tamapu opo-mikoto wo noritamapu .

2. ko no tukwigoro no apida mwi tukara-su to kikosi-myesite itusi ka yamapi-yamite mawi-rite wa ga kokoro mo nagusame-masa-mu to kyepu ka ara-mu asu ka ara-mu to omoposi-myesitutu matapi-tamapu apida ni akarame-sasu koto no goto-ku oyodure kamo tosi mo taka-ku nari-taru ware wo okite makari-masi-nu to kikosi-myesite namo odoroki-tamapi kuyasibwi-tamapi opomasimasu .

3. kaku ara-mu to sira-maseba kokoro okite mo katarapi-tamapi api-mi-te-masi mono wo . kuyasi kamo kanasi kamo ipa-mu subye sira-ni mo si aru kamo .

4. ware pa mimasi no kokorozasi woba simaraku no ma mo wasure-u masizi-mi namo kanasibwi-tamapi sinwopi-tamapi opo-mi-ne-naka-situtu opomasimasu .

5. sikaru mo wosame-tamapa-mu to omoposi-si kurawi to namo pito-tu no sina okuri-tamapu .

6. kwo-domo woba puta-tugi no opo-kimi ni age-tamapi wosame-tamapu .

7. itapasi-ku na-omopi-masi-so .

8. makari-masa-mu miti pa tapirake-ku saki-ku tutumu koto na-ku usiro mo karo-ku yasurake-ku toporase to tugeyo to noritamapu sumyera ga opo-mikoto wo noritamapu .

 

Senmyō 59. Ten'ō 1 4th Month (781), Emperor Kōnin

1. 天皇我御命良麻等詔大命 乎親王等王等臣等百官乃人等天下公民衆聞食 止宣。

2. 朕以寡薄宝位乎受賜弖年久重 奴。

3. 而尔嘉政　頻闕 弖天下不得治成。

4. 加以元来風病尔苦 都身体不安。

5. 復年毛弥高成 尔弖餘命不幾。

6. 今所念久此位波避 天暫間毛御体欲養止奈毛所念 湏。

7. 故是以皇太子止定賜留山部親王 尔天下政波授賜布。

8. 古人有言知子者親 止云止奈毛聞食。

9. 此王波弱時 余利朝夕止朕尔従 天至今麻天怠事無久仕奉 乎見波仁孝厚王尔在 止奈毛神奈我良所知食。

10. 其仁孝者百行之基 奈利。

11. 曾毛曾毛百足之虫乃至死不顛事 波輔乎多美止奈毛聞食。

12. 衆諸如此 乃状悟弖清直心乎毛知此王 乎輔導天天下百姓乎可令撫育 止宣。

13. 又詔久如此時尔当 都々人々不好謀乎懐弖天下 乎毛乱己我氏門乎毛滅人等麻祢 久在。

14. 若如此有牟人乎婆己 我教化訓直弖各々己我祖 乃門不滅弥高尔仕奉将継 止思慎天清直伎心 乎持弖仕奉倍之止奈毛所念 湏。

15. 天高止毛聴卑物曾止詔天皇 我御命乎衆諸聞食止宣。

1. sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. ware tutana-ku wodina-ku site ama tu pitugi wo uke-tamaparite tosi pisasi-ku kasanari-nu .

3. sikaru ni yo-ki maturigoto siki ni kakete ame no sita e-wosame-zu nari-nu .

4. sika nomwi ni ara-zu moto ywori kaze no yamapi ni kurusimitutu opo-mimwi yasu-kara-zu .

5. mata tosi mo iya taka-ku nari-nite nokori no inoti ikubaku mo ara-zu .

6. ima omoposaku ko no kurawi pa sarite simaraku no ma mo opo-mimwi yasinapa-mu to namo omoposu .

7. kare koko wo motite pitugi no mi-kwo to sadame-tamap-yeru yamapye no mi-kwo ni ame no sita no maturigoto pa saduke-tamapu .

8. inisipe no pito ni ip-yeru koto ari kwo wo siru pa oya to ip-yeri to namo kikosi-myesu .

9. ko no opo-kimi pa waka-ki toki yori asitayupubye to ware ni sitagapite ima ni itaru made okotaru koto na-ku tukape-maturu wo mireba ninkeu atu-ki opo-kimi ni ari to namo kamu-nagara sira-si-myesu .

10. sore ninkeu pa pyakugyau no moto nari .

11. somosomo pyakusoku no musi no sinuru ni itarite mo kutu-kapyera-nu koto pa tasuke wo opo-mi to namo kikosi-myesu .

12. moromoro kaku no sama satorite kiywo-ku napo-ki kokoro wo moti ko no opo-kimi wo tasuke-mitibikite ame no sita no opo-mitakara wo nade-yasinapa-simu be-si to noritamapu .

13. mata nori-tamapaku kaku no toki ni ataritutu pitobito yokara-nu pakarikoto wo omopite ame no sita wo mo midari ono ga udikadwo wo mo porobosu pito-domo mane-ku ari .

14. mosi kaku ara-mu pito woba ono ga wosipe-omobuke wosipe-naposite ono mo ono mo ono ga oya no kadwo porobosa-zu iya taka ni tukape-maturi tuga-mu to omopi-tutusimite kiywo-ku napo-ki kokoro wo motite tukape-maturu be-si to namo omoposi-myesu .

15. ame taka-kyedomo pikiki ni kiku mono so to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 60. Ten'ō 1 4th Month (781), Emperor Kanmu

1. 天皇詔旨勅命乎親王諸王諸臣百官人等天下公民衆聞食止宣。

2. 随法尔可有伎政止志弖早良親王立而皇太子止定賜布。

3. 故此之状悟天百官人等仕奉礼止詔天皇勅旨乎衆聞食宣。

1. sumyera ga opo-mikotorama to noritamapu opo-mikoto wo mi-kwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. nori no manima ni aru be-ki maturigoto to site sawara no mi-kwo wo tatete pitugi no mi-kwo to sadame-tamapu .

3. kare kaku no sama satorite tukasadukasa no pito-domo tukape-mature to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 61. Ten'ō 1 4th Month (781), Emperor Kanmu

1. 明神止大八洲所知天皇詔旨良麻止宣勅親王諸王諸百官人等天下公民衆聞食宣。

2. 挂畏現神坐倭根子天皇我皇此天日嗣高座之業乎掛畏近江大津乃宮尔御宇之天皇乃初賜比定賜部流法随尔被賜弖仕奉止仰賜比授賜閇婆頂尔受賜利恐美受賜利懼進母不知尔退母不知尔恐美坐久止宣天皇勅衆聞食宣。

3. 然皇坐弖天下治賜君者　賢人乃能臣乎得弖之天下乎婆平久安久治物尔在良之止奈母聞行湏。

4. 故是以大命坐宣久朕雖拙劣親王始弖王臣等乃相穴奈比奉利相扶奉牟事依弖之此之仰賜比授賜夫食国天下之政者平久安久仕奉倍之止奈母所念行。

5. 是以無謟欺之心以忠明之誠天皇朝廷乃立賜部流食国天下之政者衆助仕奉止宣天皇勅衆聞食宣。

6. 辞別宣久朕一人乃末也慶之岐貴岐御命受賜牟。

7. 凡人子乃蒙福麻久欲為流事波於夜乃多米尔止奈母聞行湏。

8. 故是以朕親母高野夫人乎称皇太夫人弖冠位上奉利治奉流。

9. 又仕奉人等中尔自何仕奉状随弖一二人等冠位上賜比治賜夫。

10. 又大神宮乎始弖諸社祢冝祝等尔給位一階。

11. 又僧綱乎始弖諸寺智行人及年八十已上僧尼等尔物布施賜夫。

12. 又高年窮乏孝義人等治賜養賜夫。

13. 又天下今年田租免賜久止宣天皇勅衆聞食宣。

1. aki tu mi-kamwi to opo-yasima sira-si-myesu sumyera ga opo-mikotorama to noritamapu opo-mikoto wo mikwo-tati opo-kimi-tati omi-tati tukasadukasa no pito-domo ame no sita no opo-mitakara moromoro kiki-tamapeyo to noritamapu .

2. kake-maku mo kasikwo-ki aki tu mi-kamwi to imasu yamato nekwo sumyera ga opo-kimi ko no ama tu pitugi takamikura no waza wo kake-maku mo kasikwo-ki apumi no opo-tu no miya ni ame no sita sira-si-myesi-si sumyeramikoto no pazime-tamapi sadame-tamap-yeru nori no manima-ni uke-tamaparite tukape-mature to opose-tamapi saduke-tamapeba itadaki ni uke-tamapari kasikwo-mi uke-tamapari odi-susumi mo sira-ni sirizoki mo sira-ni kasikwo-mi masaku to noritamapu sumyera ga opo-mikoto wo moromoro kiki-tamapeyo to noritamapu .

3. sikaru ni sumyera to imasite ame no sita wosame-tamapu kimi pa sakasi-ki pito no yo-ki omi wo ete si ame no sita woba tapirake-ku yasurake-ku wosamuru mono ni aru rasi to namo kikosi-myesu .

4. kare koko wo motite opo-mikoto ni imase nori-tamapaku ware pa tutana-ku wodina-ku aredomo mi-kwo-tati wo pazimete opo-kimi-tati omi-tati no api-ananapi-maturi api-tasuke-matura-mu koto ni yorite si ko no opose-tamapi saduke-tamapu wosukuni ame no sita no maturigoto pa tapirake-ku yasurake-ku tukape-maturu be-si to namo omoposi-myesu .

5. koko wo motite peturapi-azamuku kokoro na-ku mame ni aka-ki makoto wo motite sumyera ga mikadwo no tate-tamap-yeru wosukuni ame no sita no maturigoto pa moromoro tasuke-tukape-mature to noritamapu sumyera ga opo-mikoto wo moromoro kiki-tamapeyo to noritamapu .

6. koto-wakite nori-tamapaku ware pito-ri nomwi ya yorokobosi-ki taputwo-ki opo-mikoto wo uke-tamapa-mu .

7. opoyoso pito no kwo no sakipapi wo kagapura-maku pori suru koto pa oya no tame ni to namo kikosi-myesu .

8. kare koko wo motite wa ga mi-oya takanwo no opo-tozi wo opo-mioya to mawosite kagapurikurawi age-maturi wosame-maturu .

9. mata tukape-maturu pito-domo no naka ni si ga tukape-maturu sama ni sitagapite pito-ri puta-ri-domo kagapurikurawi age-tamapi wosame-tamapu .

10. mata opo-mikamwi no miya wo pazimete yasiroyasiro no negwi papuri-domo ni kurawi pitosina tamapu .

11. mata popusi no tukasa wo pazimete teradera no tigyau no pito to tosi ya-swodi ywori kamwi tu kata no popusi ama-domo to ni mono podokosi-tamapu .

12. mata tosi taka-ki pito madusi-ki pito keugi aru pito-domo wosame-tamapi yasinapi-tamapu .

13. mata ame no sita kotosi no tadikara yurusi-tamapaku to noritamapu sumyera ga opo-mikoto wo moromoro kiki-tamapeyo to noritamapu .

 

Senmyō 62. Enryaku 8 9th Month (789), Emperor Kanmu

1. 陸奧国荒備流蝦夷等乎討治 尔任賜志大将軍正四位下紀古佐美朝臣等 伊任賜之元謀 尔波不合順進入倍支奧地 毛不究尽之弖敗軍費粮弖還参来。

2. 是 乎任法尔問賜比支多米賜倍久在 止母承前尔仕奉祁留事乎所念行 弖奈母不勘賜免賜布。

3. 又鎮守副将軍従五位下池田朝臣真枚外従五位下安倍狻嵨臣墨繩等愚頑畏拙 之弖進退失度軍期乎毛闕怠利。

4. 今法乎撿 尔墨繩者斬刑尔当里真枚者解官取冠 倍久在。

5. 然墨繩者久歷边戍弖仕奉留労在 尔緣弖奈母斬刑乎波免賜弖官冠 乎乃末取賜比真枚者日上乃湊 之弖溺軍乎扶拯閇留労尔緣 弖奈母取冠罪波免賜弖官 乎乃末解賜比又有小功人乎波隨其重軽 弖治賜比有小罪人乎波不勘賜免賜久止宣御命乎衆諸聞食止宣。

1. mitinoku no kuni no arabwiru emisi-domo wo uti-wosame ni make-tamapi-si opo-ki ikusa no kimi opo-ki yotu no kurawi no simo tu sina kwi no kwosami no asomi-ra i make-tamapi-si pazime no pakarikoto ni pa api-sitagapa-zu susumi-iru be-ki oku no tokoro mo kipame-tukusa-zu site ikusa wo yaburi kate wo tupiyasite kapyeri-mawi-ki-tu .

2. ko wo nori no manima-ni twopi-tamapi kitame-tamapu be-ku aredomo saki ni tukape-maturi-kyeru koto wo omoposi-myesite namo kamugape-tamapa-zu yurusi-tamapu .

3. mata tinzyu no suke no ikusa no kimi piro-ki itu-tu no kurawi no simo tu sina ikeda no asomi mapirato no piro-ki itu-tu no kurawi no simo tu sina abye no sasima no omi suminapa-ra katakuna ni wodina-ku site sintaido wo usinapi ikusa no tigiri wo mo kaki-okotar-eri .

4. ima nori wo kamugapuru ni suminapa pa zan no tumi ni atari mapira pa tukasa wo toki kagapuri wo toru be-ku ari .

5. sikaredomo suminapa pa pisasi-ku penzyu wo pete tukape-matur-eru isawo aru ni yorite namo zan no tumi woba yurusi-tamapite tukasa kagapuri wo nomwi tori-tamapi .

6. mapira pa pikami no minatwo nisite opoporuru ikusa wo tasuke-sukup-eru isawo ni yorite namo kagapuri wo toru tumi pa yurusi-tamapite tukasa wo nomwi toki-tamapi .

7. mata isasake-ki isawo mo aru pito woba so no omo-ki karo-ki ni sitagapite wosame-tamapi isasake-ki tumi aru pito woba kamugape-tamapa-zu yurusi-tamapaku to noritamapu opo-mikoto wo moromoro kiki-tamapeyo to noritamapu .